ՌԴ–ի հետ մեր հարաբերությունները լարելու, խզելու, փչացնելու մտադրություն չկա. Փաշինյան
19:26 28.04.2025 (Թարմացված է: 19:52 28.04.2025)
Բաժանորդագրվել
ՀՀ վարչապետը վստահեցրել է, որ Հայաստանը ցանկանում է լավ հարաբերություններ ունենալ միջազգային բոլոր գործընկերներ հետ, ինչպես նաև կարգավորել հարաբերությունները Ադրբեջանի, Թուրքիայի հետ։
ԵՐԵՎԱՆ, 28 ապրիլի – Sputnik. Հայաստանը մտադիր չէ լարել, խզել և փչացնել հարաբերությունները Ռուսաստանի հետ։ Այս հայտարարությունն արեց ՀՀ վարչապետ Նիկոլ Փաշինյանը Էստոնիայի վարչապետ Քրիստեն Միխալի հետ համատեղ ասուլիսի ժամանակ՝ անդրադառնալով հարցին, թե ինչպես է ապագայում տեսնում Հայաստան–Ռուսաստան հարաբերությունները։
«Կարծում եմ, որ միջազգային հարաբերություններում, առհասարակ դիվանագիտական հարաբերություններում միշտ ճիշտ է ընտրել բառերը։ Ցանկացած հարաբերություն կփչանա, եթե բառերի ընտրության մեջ ուշադիր չլինենք։ Մեր հարաբերությունները Ռուսաստանի հետ հիմնվում են և պետք է հիմնվեն փոխադարձ հետաքրքրությունների վրա։ Երբեմն Հայաստանում արտահայտայություններ են արվում, որոնք ճիշտ չեն ներկայացնում իրականությունը։ Մենք Ռուաստանի հետ մեր հարաբերությունները լարելու, խզելու, փչացնելու մտադրություն չունենք»,– ասաց Փաշինյանը։
Նրա խոսքով` Հայաստանը ցանկանում է լավ հարաբերություններ ունենալ միջազգային բոլոր գործընկերներ հետ, ինչպես նաև կարգավորել հարաբերությունները տարածաշրջանի երկրների հետ` Ադրբեջանի, Թուրքիայի հետ։ ՀՀ վարչապետը շեշտեց, որ ցանկություն կա նաև ավելի լավացնելու հարաբերությունները հարևան մյուս երկրների` Վրաստանի և Իրանի հետ։
Փաշինյանը վստահեցրեց` Հայաստանը ցանկանում է միևնույն ժամանակ խորացնել իր հարաբերությունները ԵՄ–ի հետ։ Նա հիշեցրեց, որ ՀՀ կառավարությունը վիզաների ազատականացման բանակցություններ է սկսել, և հույս հայտնեց, որ այդ գործընթացը տրամաբանական ժամկետներում տրամաբանական ավարտի կհանգի։
Փաշինյանը վստահեցրեց` Հայաստանը ցանկանում է միևնույն ժամանակ խորացնել իր հարաբերությունները ԵՄ–ի հետ։ Նա հիշեցրեց, որ ՀՀ կառավարությունը վիզաների ազատականացման բանակցություններ է սկսել, և հույս հայտնեց, որ այդ գործընթացը տրամաբանական ժամկետներում տրամաբանական ավարտի կհանգի։
Նշենք, որ ՀՀ վարչապետը Էստոնիա է մեկնել ապրիլի 27-ին։ Նա այցելել է Տալլինի Սուրբ Գրիգոր Լուսավորիչ եկեղեցի, հանդիպել հայ համայնքի ներկայացուցիչների հետ, քննարկում ունեցել Էստոնիայի նախագահ Ալար Կարիսի հետ։
Էստոնացի լրագրողի հարցին` թե ինչպես է պատկերացնում այն իրավիճակը, որ Հայաստանն ուզում է միանալ ԵՄ–ին, բայց մասնակցում է Մոսկվայում անցկացվող շքերթներին, Փաշինյանը պատասխանեց` խնդիր դրված չէ որևէ ուղղությամբ հարաբերություններ վատացնելու։
«Կարող է լինել տեսական 2 մոտեցում` խորացնել հարաբերությունները մի ուղղությամբ և փչացնել հարաբերությունները երկրորդ ուղղությամբ։ Մեր մոտեցումն է մեծացնել և օգտագործել ինքնիշխանությունը` խորացնելու հարաբերությունները բոլոր այն ուղղություններով, որտեղ ցանկանում ենք ավելի խորը հարաբերություններ ունենալ, և որտեղ բավարար խորը չեն մեր հարաբերությունները։ ՀՀ-ԵՄ հարաբերությունները հենց այդպիսին են»,– ասաց Փաշինյանը։
Նա հավելեց՝ կարող են լինել իրավիճակներ, որ տարբեր ուղղություններով երկրի արտաքին հարաբերությունների միջև կլինեն որոշակի լարումներ, բայց այդ իրավիճակների կառավարումը Հայաստանը պատկերացնում է բոլոր գործընկերների հետ իր թափանցիկ և ազնիվ աշխատանքով։
