Հազարից ավելի ՀՀ քաղաքացիներ մասնակցել են Հաղթանակի թելադրությանը
© Sputnik / Aram Nersesyan
Բաժանորդագրվել
Բոլոր մասնակիցները կստանան պատվոգրեր, իսկ հաղթողները՝ մրցանակներ:
ԵՐԵՎԱՆ, 25 ապրիլի - Sputnik. Հայաստանի ավելի քան հազար քաղաքացիներ Հայրենական մեծ պատերազմում տարած հաղթանակի 80-ամյակին ընդառաջ մասնակցել են «Համառուսաստանյան պատմական թելադրություն Հայրենական մեծ պատերազմի թեմայով․ Հաղթանակի թելադրություն» խորագրով միջազգային հիշատակի ակցիային:
«Համառուսաստանյան պատմական թելադրություն Հայրենական մեծ պատերազմի թեմայով․ Հաղթանակի թելադրություն» խորագրով միջազգային հիշատակի ակցիայի մասնակիցները
© Sputnik / Aram Nersesyan
Հայաստանում թելադրությունը գրելու համար միաժամանակ 10 հարթակ է բացվել՝ Կապանից մինչև Իջևան և Գյումրի: Ամենամեծ հարթակը Երևանն է. հիշատակի ակցիայի համար Հայ-ռուսական համալսարանում հավաքվել էր շուրջ 500 մասնակից՝ դպրոցականներ, մանկավարժներ, ուսանողներ, հասարակական գործիչներ և դիվանագետներ:
«Համառուսաստանյան պատմական թելադրություն Հայրենական մեծ պատերազմի թեմայով․ Հաղթանակի թելադրություն» խորագրով միջազգային հիշատակի ակցիայի մասնակիցներ
© Sputnik / Aram Nersesyan
Հայաստանում «Ռոսսոտրուդնիչեստվոյի» ղեկավարի տեղակալ Վիկտորյա Դերիպասկոն Sputnik Արմենիայի թղթակցի հետ զրույցում ընդգծեց, որ Հայաստանը նախորդ տարիներին նույնպես միացել է միջազգային ակցիային։
«Հայրենական մեծ պատերազմի, Հայրենական մեծ պատերազմում հաղթանակի 80-ամյակին ընդառաջ Հայաստանի հարթակներում հավաքվել են հազարից ավելի մարդիկ, որոնք ցանկանում են գրել այս թելադրությունը»,-ասաց Դերիպասկոն:
Նրա խոսքով՝ թելադրությունը թեստի տեսքով է անցկացվել։ 25 հարցերի թվում եղել են նաև Հայրենական մեծ պատերազմին հայերի մասնակցությանը և ընդհանուր հաղթանակի գործում նրանց ներդրմանը վերաբերող հարցեր:
Վիկտորյա Դերիպասկո
© Sputnik / Aram Nersesyan
Դերիպասկոն նշեց, որ բոլոր մասնակիցները կստանան դիպլոմներ, իսկ հաղթողները կպարգևատրվեն մրցանակներով:
ՌԴ դեսպանատան խորհրդական-դեսպանորդ Մաքսիմ Սելեզնյովը Sputnik Արմենիայի թղթակցի հետ զրույցում կարևորեց այս միջոցառումը հատկապես աճող սերնդի և երիտասարդների համար։
«Սա կարևոր է հիշողության համար, որպեսզի աշխարհն իմանա, թե ինչի միջով է անցել մեր երկիրը, թե ով է վճռական ներդրում ունեցել ֆաշիզմի դեմ հաղթանակի գործում։ Դա նաև անհրաժեշտ է պատմության վերաշարադրմանը և Մեծ հաղթանակի մեջ խորհրդային ժողովրդի ներդրման նսեմացմանը հակազդելու տեսանկյունից»,-ասել է Սելեզնյովը։
Նա նշել է, որ Հաղթանակի թելադրությունը նաև հարգանքի տուրք է վետերաններին, բոլոր նրանց, ովքեր անցել են մարդկության պատմության ամենասարսափելի պատերազմներից մեկը:
Մաքսիմ Սելեզնյով
© Sputnik / Aram Nersesyan
Թելադրության մասնակիցները 40 րոպեի ընթացքում պատասխանել են 25 հարցի՝ Հայրենական մեծ պատերազմի նշանակալի և խորհրդանշական իրադարձությունների, պատերազմի հերոսների մասին:
«Համառուսաստանյան պատմական թելադրություն Հայրենական մեծ պատերազմի թեմայով․ Հաղթանակի թելադրություն» խորագրով միջազգային հիշատակի ակցիայի մասնակիցներ
© Sputnik / Aram Nersesyan
Միջոցառմանը ներկա աշակերտներն ու ուսանողները Sputnik Արմենիային խոստովանեցին, որ իրենց համար հետաքրքիր էր մասնակցել թելադրությանը, ստուգել սեփական գիտելիքները և միաժամանակ բազմաթիվ նոր բաներ բացահայտել։
Թեստի բավականին լուրջ մակարդակը շեշտեց նաև Հայաստանի դեմոկրատական կուսակցության առաջնորդ, Հայ-ռուսական համագործակցության և բարեկամության հասարակական կազմակերպության համահիմնադիր Արամ Սարգսյանը: Sputnik Արմենիայի թղթակցի հետ զրույցում նա ընդգծեց հայ ժողովրդի հսկայական ներդրումը Հայրենական Մեծ պատերազմում հաղթանակի գործում։
«Համառուսաստանյան պատմական թելադրություն Հայրենական մեծ պատերազմի թեմայով․ Հաղթանակի թելադրություն» խորագրով միջազգային հիշատակի ակցիայի մասնակիցներ
© Sputnik / Aram Nersesyan
«300 հազար մարդ ռազմաճակատից չի վերադարձել, բացի այդ, բնակչության մեկ շնչի հաշվով ամենաշատ ԽՍՀՄ հերոսներ Հայաստանն է տվել»,-ասաց նա:
Նրա խոսքով՝ Հայրենական մեծ պատերազմում հաղթանակը «փակեց Թուրքիայի ճանապարհը», որը պատրաստվում էր ներխուժել Հայաստան։ Նա նաև ընդգծեց թելադրության կարևորությունը երիտասարդ սերնդի համար, որը պետք է ճանաչի և հիշի իր հերոսներին:
Հաղթանակի թելադրություն
© Sputnik / Aram Nersesyan
«Հաղթանակի թելադրությունը» միջազգային պատմական ակցիա է թեստի ձևաչափով՝ Հայրենական Մեծ պատերազմի իրադարձությունների թեմայով հարցերով։ Ակցիան մեկնարկել է 2019 թվականին։ Հիմնական նպատակն է մասնակիցների մոտ հետաքրքրություն առաջացնել մեր երկրի պատմական անցյալի և պատմական կրթության նկատմամբ:
