https://arm.sputniknews.ru/20250424/hajastanum-hratarakvel-e-lusankarich-demir-svonmezi-arcakhi-masin-taregrutjuny-88209553.html
Հայաստանում հրատարակվել է լուսանկարիչ Դեմիր Սոնմեզի` Արցախի մասին տարեգրությունը
Հայաստանում հրատարակվել է լուսանկարիչ Դեմիր Սոնմեզի` Արցախի մասին տարեգրությունը
Sputnik Արմենիա
Սոնմեզը պատերազմի ժամանակ սեփական նախաձեռնությամբ մեկնեց Արցախ։ Նրա հարյուրավոր լուսանկարներն օգնեցին գրավել Շվեյցարիայի հասարակության ուշադրությունը: 24.04.2025, Sputnik Արմենիա
2025-04-24T14:16+0400
2025-04-24T14:16+0400
2025-04-24T14:17+0400
հայաստան
երևան
դեմիր սոնմեզ
գիրք
լուսանկարիչ
արցախ
https://cdn.am.sputniknews.ru/img/07e8/03/14/73619478_0:62:1601:962_1920x0_80_0_0_ced86d173ff4c2fc7efaa866dbd61d12.jpg
ԵՐԵՎԱՆ, 24 ապրիլի – Sputnik. Երևանում կայացավ շվեյցարաբնակ լուսանկարիչ Դեմիր Սոնմեզի «L’Aiglon Blessé» («Վիրավոր արծիվը») ֆոտոքրոնիկոնի նոր հրատարակության շնորհանդեսը։ Հայերեն և ֆրանսերեն գիրքը նվիրված է արցախյան իրադարձություններին։2021–2022 թվականներին գիրքը լույս տեսավ Բուլղարիայում և Հայաստանում, Բուլղարիայում՝ անգլերեն և ֆրանսերեն, իսկ Հայաստանում՝ անգլերեն և հայերեն տարբերակներով։ Գրքում զետեղված են 44-օրյա պատերազմի ժամանակ արված լուսանկարները։ Այն ժամանակ Սոնմեզն Արցախ մեկնեց ճշմարտությունը մարդկանց հասցնելու համար։Ժնև վերադառնալով ՝ Սոնմեզն իր աշխատանքների ցուցահանդեսների շարք կազմակերպեց։ Առանց որևէ ֆինանսական աջակցության անցկացված այդ ցուցահանդեսները բուռն արձագանքի արժանացան հայ համայնքի շրջանում, ինչպես նաև հետաքրքրեցին Շվեյցարիայի քաղաքական և հասարակական գործիչներին։ Նրա լուսանկարները գործիք դարձան միջազգային հանրության ուշադրությունը Ղարաբաղում տիրող իրավիճակի վրա հրավիրելու համար։Նոր հրատարակության մեջ կան լուսանկարներ, որոնք արտացոլում են Արցախի 9-ամսյա շրջափակումը և դրան հաջորդած ագրեսիան։ Այդ ժամանակահատվածում արված լուսանկարները տրամադրել են «Արմենպրես» գործակալությունը և արցախցի լուսանկարիչ Արեգ Բալայանը։2023 թվականի աշնանը Սոնմեզը կրկին այցելեց Հայաստան` փաստագրելով փախստականների կյանքն ու Արցախին ուղղված աջակցության ակցիաները։Դեմիր Սոնմեզը շուրջ 30 տարի ապրում է Ժնևում։ Նրա տեսախցիկն արձանագրում է ոչ միայն զանգվածային ցույցերը, այլև քաղաքային կյանքի առօրյան։Դեմիր Սոնմեզը ծնվել է Թուրքիայում։ 1915 թվականի Հայոց ցեղասպանությունից հետո որբացած նրա հայրը հայ էր, որին որդեգրել էին քրդերը։ Թեև լուսանկարիչը հայերեն չի խոսում, բայց համարում է, որ Հայաստանն իր հոգու մի մանին է։ Նա նույնքան խոր կապ է զգում քուրդ ժողովրդի հետ, որի պայքարը բազմիցս նկարահանել է Իրաքում և Սիրիայում։
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, երևան, դեմիր սոնմեզ, գիրք, լուսանկարիչ, արցախ
հայաստան, երևան, դեմիր սոնմեզ, գիրք, լուսանկարիչ, արցախ
Հայաստանում հրատարակվել է լուսանկարիչ Դեմիր Սոնմեզի` Արցախի մասին տարեգրությունը
14:16 24.04.2025 (Թարմացված է: 14:17 24.04.2025) Սոնմեզը պատերազմի ժամանակ սեփական նախաձեռնությամբ մեկնեց Արցախ։ Նրա հարյուրավոր լուսանկարներն օգնեցին գրավել Շվեյցարիայի հասարակության ուշադրությունը:
ԵՐԵՎԱՆ, 24 ապրիլի – Sputnik. Երևանում կայացավ շվեյցարաբնակ լուսանկարիչ
Դեմիր Սոնմեզի «L’Aiglon Blessé» («Վիրավոր արծիվը») ֆոտոքրոնիկոնի նոր հրատարակության շնորհանդեսը։ Հայերեն և ֆրանսերեն գիրքը նվիրված է արցախյան իրադարձություններին։
2021–2022 թվականներին գիրքը լույս տեսավ Բուլղարիայում և Հայաստանում, Բուլղարիայում՝ անգլերեն և ֆրանսերեն, իսկ Հայաստանում՝ անգլերեն և հայերեն տարբերակներով։ Գրքում զետեղված են 44-օրյա պատերազմի ժամանակ արված լուսանկարները։ Այն ժամանակ Սոնմեզն Արցախ մեկնեց ճշմարտությունը մարդկանց հասցնելու համար։
Ժնև վերադառնալով ՝ Սոնմեզն իր աշխատանքների ցուցահանդեսների շարք կազմակերպեց։ Առանց որևէ ֆինանսական աջակցության անցկացված այդ ցուցահանդեսները բուռն արձագանքի արժանացան հայ համայնքի շրջանում, ինչպես նաև հետաքրքրեցին Շվեյցարիայի քաղաքական և հասարակական գործիչներին։ Նրա լուսանկարները գործիք դարձան միջազգային հանրության ուշադրությունը Ղարաբաղում տիրող իրավիճակի վրա հրավիրելու համար։
Նոր հրատարակության մեջ կան լուսանկարներ, որոնք արտացոլում են Արցախի 9-ամսյա շրջափակումը և դրան հաջորդած ագրեսիան։ Այդ ժամանակահատվածում արված լուսանկարները տրամադրել են «Արմենպրես» գործակալությունը և արցախցի լուսանկարիչ Արեգ Բալայանը։
2023 թվականի աշնանը Սոնմեզը կրկին այցելեց Հայաստան` փաստագրելով փախստականների կյանքն ու Արցախին ուղղված աջակցության ակցիաները։
Դեմիր Սոնմեզը շուրջ 30 տարի ապրում է Ժնևում։ Նրա տեսախցիկն արձանագրում է ոչ միայն զանգվածային ցույցերը, այլև քաղաքային կյանքի առօրյան։
Երբ նա փորձել է Արցախի մասին գիրքը հրատարակել Շվեյցարիայում, մի շարք հրատարակչություններ մերժել են նրան։ Մեկը բացահայտ խոստովանել է, որ չի ցանկանում վտանգել հարաբերությունները պոտենցիալ ադրբեջանցի գործընկերների հետ: Արդյունքում գիրքը տպագրվեց Բուլղարիայում, իսկ գրքի տարածմամբ Սոնմեզն անձամբ զբաղվեց։ Շուտով գիրքը հայտնվեց Ժնևի, Շվեյցարիայի այլ քաղաքների, Բրյուսելի խանութներում, այնուհետև նաև ՄԱԿ-ի կենտրոնակայանի գրադարանում:
Դեմիր Սոնմեզը ծնվել է Թուրքիայում։ 1915 թվականի Հայոց ցեղասպանությունից հետո որբացած նրա հայրը հայ էր, որին որդեգրել էին քրդերը։ Թեև լուսանկարիչը հայերեն չի խոսում, բայց համարում է, որ Հայաստանն իր հոգու մի մանին է։ Նա նույնքան խոր կապ է զգում քուրդ ժողովրդի հետ, որի պայքարը բազմիցս նկարահանել է Իրաքում և Սիրիայում։
