https://arm.sputniknews.ru/20250424/ceghaspanutjuny-lrutjamb-yndunely-hancavvor-antarberutjun-e-arcakhi-azhn-ugherdz-e-hghel-88201616.html
Ցեղասպանությունը լռությամբ ընդունելը հանցավոր անտարբերություն է. Արցախի ԱԺ–ն ուղերձ է հղել
Ցեղասպանությունը լռությամբ ընդունելը հանցավոր անտարբերություն է. Արցախի ԱԺ–ն ուղերձ է հղել
Sputnik Արմենիա
Արցախի խորհրդարանականները նշել են, որ միջազգային հանրությունը պարտավոր է համարժեք իրավական ու քաղաքական գնահատական տալ 1915 թվականին իրականացված Օսմանյան... 24.04.2025, Sputnik Արմենիա
2025-04-24T12:20+0400
2025-04-24T12:20+0400
2025-04-24T12:35+0400
հայաստան
հայոց ցեղասպանություն
ապրիլի 24. հայոց ցեղասպանության չմոռացվող էջը
արցախ
աժ (ազգային ժողով)
https://cdn.am.sputniknews.ru/img/07e4/09/01/24303595_0:2:1601:902_1920x0_80_0_0_dea1d6022d93735b64b4b1b1de1b1074.jpg
ԵՐԵՎԱՆ, 24 ապրիլի – Sputnik. Ցեղասպանությունը լռությամբ ընդունելը հանցավոր անտարբերություն է, անպատիժ ցեղասպանությունը՝ նոր ցեղասպանության հրավեր։ Այս մասին ասված է Արցախի ԱԺ-ի` Հայոց ցեղասպանության 110-րդ տարելիցի կապակցությամբ հղած ուղերձում, որը հրապարակվել է ֆեյսբուքյան էջում։Խորհրդարանականներն ընդգծել են, որ միջազգային հանրությունը պարտավոր է համարժեք իրավական ու քաղաքական գնահատական տալ այդ գործողություններին։ Դրան զուգահեռ էլ պետք է արձանագրվի դրանց համապատասխանությունը ցեղասպանության համապարփակ սահմանմանը։Արցախի ԱԺ–ի ուղերձում նաև նշված է, որ Հայոց ցեղասպանության վերաբերյալ Հայաստանի իշխանությունների դիրքորոշումն անհասկանալի ու անբացատրելի է. Ցեղասպանության դատապարտումը և մեղավորին պատասխանատվության կանչելը հետագա ցեղասպանությունների կանխման գրավականներից են։«Հայոց ցեղասպանության 110-րդ տարելիցը նաև աշխարհասփյուռ հայության հավաքական կամքի արտահայտության հնարավորություն է՝ հանուն անվտանգ ու ապահով ապագայի և ի հիշատակ մեր նահատակված նախնիների։ Մենք հիշում, հարգում և պարտավոր ենք երբեք չմոռանալ բռնությամբ, ցավով և անասելի տառապանքով ցեղասպանության զոհ դարձած մեր հայրենակիցներին»,– ասված է հայտարարությունում։Ընդգծել են` ցեղասպանության անմեղ զոհերն ապրում են հայ ժողովրդի հիշողության մեջ ու ուժ են տալիս պայքարելու ճշմարտության, արդարության և մարդկային արժանապատվության համար։Հիշեցնենք` 1915 թվականին տեղի ունեցած ոճրագործությունը, որի հետևանքով Օսմանյան կայսրությունում ավելի քան 1.5 մլն հայ է սպանվել, ХХ դարի առաջին ցեղասպանությունն է համարվում։ Թուրքիան ավանդաբար մերժում է ցեղասպանություն իրագործելու մեղադրանքներն ու անչափ ցավագին է ընդունում այդ հարցի վերաբերյալ քննադատությունները։«Այլևս երբեք»–ը պետք է կարգախոսից վերածվի իրականության. ՀՀ ԱԳՆ–ի ուղերը Ապրիլի 24–ի առթիվՀայոց ցեղասպանությունն առաջինը ճանաչել է Ուրուգվայը 1965 թվականին, այնուհետև նրա օրինակին են հետևել Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, Բրազիլիան, Չիլին, Վատիկանը, Բոլիվիան, Չեխիան, Ավստրիան, Լյուքսեմբուրգը, ԱՄՆ–ն։Սադրիչ գործելակերպ. Փաշինյանը դատապարտել է Թուրքիայի և Ադրբեջանի դրոշների այրումը
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, հայոց ցեղասպանություն, ապրիլի 24. հայոց ցեղասպանության չմոռացվող էջը, արցախ, աժ (ազգային ժողով)
հայաստան, հայոց ցեղասպանություն, ապրիլի 24. հայոց ցեղասպանության չմոռացվող էջը, արցախ, աժ (ազգային ժողով)
Ցեղասպանությունը լռությամբ ընդունելը հանցավոր անտարբերություն է. Արցախի ԱԺ–ն ուղերձ է հղել
12:20 24.04.2025 (Թարմացված է: 12:35 24.04.2025) Արցախի խորհրդարանականները նշել են, որ միջազգային հանրությունը պարտավոր է համարժեք իրավական ու քաղաքական գնահատական տալ 1915 թվականին իրականացված Օսմանյան կայսրության ոճրագործություններին։
ԵՐԵՎԱՆ, 24 ապրիլի – Sputnik. Ցեղասպանությունը լռությամբ ընդունելը հանցավոր անտարբերություն է, անպատիժ ցեղասպանությունը՝ նոր ցեղասպանության հրավեր։ Այս մասին ասված է Արցախի ԱԺ-ի` Հայոց ցեղասպանության 110-րդ տարելիցի կապակցությամբ հղած ուղերձում, որը հրապարակվել է
ֆեյսբուքյան էջում։
«1915 թվականի Օսմանյան Թուրքիայի կողմից իրականացված Հայոց ցեղասպանությունը մինչ այսօր անպատիժ է, ինչի պատճառով այն դարձել է նախադեպ նոր ցեղասպանական գործողությունների համար։ 2020-2023թթ Արցախում տեղի ունեցած ռազմական հանցագործությունները, հյուծիչ շրջափակումը, բռնի տեղահանությունն ու վայրագությունները ադրբեջանական իշխանությունների կողմից նույն ցեղասպանական ծրագրերի շարունակությունն են 21-րդ դարում։ Ադրբեջանի ձեռնարկած բոլոր գործողությունները՝ Արցախի հայաթափումը, էթնիկ զտումները և հայ ժողովրդի պատմական ներկայության վերացումը համապատասխանում են ցեղասպանության միջազգային իրավական սահմանմանը»,– նշել է Արցախի ԱԺ–ն։
Խորհրդարանականներն ընդգծել են, որ միջազգային հանրությունը պարտավոր է համարժեք իրավական ու քաղաքական գնահատական տալ այդ գործողություններին։ Դրան զուգահեռ էլ պետք է արձանագրվի դրանց համապատասխանությունը ցեղասպանության համապարփակ սահմանմանը։
Արցախի ԱԺ–ի ուղերձում նաև նշված է, որ Հայոց ցեղասպանության վերաբերյալ Հայաստանի իշխանությունների դիրքորոշումն անհասկանալի ու անբացատրելի է. Ցեղասպանության դատապարտումը և մեղավորին պատասխանատվության կանչելը հետագա ցեղասպանությունների կանխման գրավականներից են։
«Հայոց ցեղասպանության 110-րդ տարելիցը նաև աշխարհասփյուռ հայության հավաքական կամքի արտահայտության հնարավորություն է՝ հանուն անվտանգ ու ապահով ապագայի և ի հիշատակ մեր նահատակված նախնիների։ Մենք հիշում, հարգում և պարտավոր ենք երբեք չմոռանալ բռնությամբ, ցավով և անասելի տառապանքով ցեղասպանության զոհ դարձած մեր հայրենակիցներին»,– ասված է հայտարարությունում։
Ընդգծել են` ցեղասպանության անմեղ զոհերն ապրում են հայ ժողովրդի հիշողության մեջ ու ուժ են տալիս պայքարելու ճշմարտության, արդարության և մարդկային արժանապատվության համար։
Հիշեցնենք` 1915 թվականին տեղի ունեցած ոճրագործությունը, որի հետևանքով Օսմանյան կայսրությունում ավելի քան 1.5 մլն հայ է սպանվել, ХХ դարի առաջին ցեղասպանությունն է համարվում։ Թուրքիան ավանդաբար մերժում է ցեղասպանություն իրագործելու մեղադրանքներն ու անչափ ցավագին է ընդունում այդ հարցի վերաբերյալ քննադատությունները։
Հայոց ցեղասպանությունն առաջինը ճանաչել է Ուրուգվայը 1965 թվականին, այնուհետև նրա օրինակին են հետևել Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, Բրազիլիան, Չիլին, Վատիկանը, Բոլիվիան, Չեխիան, Ավստրիան, Լյուքսեմբուրգը, ԱՄՆ–ն։
