https://arm.sputniknews.ru/20250422/arjun-amen-or-e-petq-hajastanum-dvonvorneri-pakas-ka-88086628.html
Արյուն ամեն օր է պետք. Հայաստանում դոնորների պակաս կա
Արյուն ամեն օր է պետք. Հայաստանում դոնորների պակաս կա
Sputnik Արմենիա
Անդրանիկ Շամիլյանը հայտնեց, որ Հայաստանում օրական մոտ 60 պարկ արյուն է փոխներարկվում։ 22.04.2025, Sputnik Արմենիա
2025-04-22T12:45+0400
2025-04-22T12:45+0400
2025-04-22T13:42+0400
հայաստան
դոնոր
յոլյանի անվան արյունաբանական կենտրոն
անդրանիկ շամիլյան
https://cdn.am.sputniknews.ru/img/07e7/0b/1c/69260596_0:0:1600:901_1920x0_80_0_0_c8952f1ca879b84e9aea8eadb2478287.jpg
ԵՐԵՎԱՆ, 22 ապրիլի – Sputnik. Հայաստանում տարեցտարի աճում է դոնորական արյան պահանջարկը, ինչի հետևանքով դոնորների պակաս է առաջացել։ Ասուլիսի ժամանակ մասին այս մասին հայտարարեց «Յոլյան» արյունաբանության և ուռուցքաբանության կենտրոնի արյան ծառայության գծով փոխտնօրեն Անդրանիկ Շամիլյանը։Նա նշեց, որ այս պահին հնարավոր չէ արյան բանկը համալրել միայն կադրային դոնորներով, պետք է ամբողջ երկրում դոնորության մշակույթ ներդնել։ Բժշկի խոսքով` հասարակության մեջ կարծրատիպ կա, որ դոնորությունը պահանջված է միայն պատերազմի կամ շտապ վիրահատությունների դեպքում, սակայն գործնականում Հայաստանում օրական 60 պարկ արյուն է փոխներարկվում։Այս համատեքստում Շամիլյանը կարևորեց արյան հավաքման ակցիաները, որոնք անցկացվում են ոչ միայն Երևանում, այլև մարզերում` վերջինը եղել է Սպիտակում, իսկ հաջորդը նախատեսվում է իրականացնել Սևան քաղաքում։«Հինգ մարզերում դոնորական կետեր են գործում, մյուսներում խնդիրը լուծվում է շարժական կենտրոնների միջոցով», – ասաց բժիշկը։Նա նաև կարևորեց կադրային դոնորությունը, քանի որ նրանց արյունը, որպես կանոն, միշտ պիտանի է և չի մերժվում տարբեր վարակների պատճառով։ Առաջնային դոնորների մոտ 10-15 տոկոսի արյունը պիտանի չի լինում փոխներարկման համար, և նրանց մերժում են։ Մասնագետը հերքեց նաև այն միֆը, թե դոնորությունը կախվածություն է առաջացնում։Նշենք, որ դոնոր կարող են դառնալ 18 տարեկանը լրացած անձինք, ինչպես նաև առնվազն 52 կգ քաշով իգական սեռի ներկայացուցիչները և 62 կգ քաշով արական սեռի ներկայացուցիչները։ Դոնոր դառնալ ցանկացողների հեմոգլոբինի մակարդակի թույլատրելի սահմանները կանանց դեպքում պետք է լինեն 125-180 գրամ/լիտր, տղամարդկանց դեպքում` 135-188 գրամ/լիտր, իսկ արյան ճնշումը պետք է այդ պահին չլինի շատ բարձր կամ ցածր, երակազարկն էլ 60-90 զարկ 1 րոպեում։Տարվա կտրվածքով կանայք կարող են 4 անգամ արյուն հանձնել, տղամարդիկ` 5 անգամ։ Լինում է 3 կատեգորիայի դոնոր` վճարովի, հիվանդի հարազատներ և անվարձահատույց։ ՀՀ–ում գերակշռում են վճարովի դոնորները, բայց տարբեր ծրագրերի շնորհիվ փորձում են երկրում զարգացնել անվարձահատույց դոնորության մեխանիզմը։ՀՀ–ում դեռ չգիտեն` երբ կգործարկվի դոնորների և ռեցիպիենտների ռեեստրը. ինչ է անում ԱՆ–ն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, դոնոր, յոլյանի անվան արյունաբանական կենտրոն, անդրանիկ շամիլյան
հայաստան, դոնոր, յոլյանի անվան արյունաբանական կենտրոն, անդրանիկ շամիլյան
Արյուն ամեն օր է պետք. Հայաստանում դոնորների պակաս կա
12:45 22.04.2025 (Թարմացված է: 13:42 22.04.2025) Անդրանիկ Շամիլյանը հայտնեց, որ Հայաստանում օրական մոտ 60 պարկ արյուն է փոխներարկվում։
ԵՐԵՎԱՆ, 22 ապրիլի – Sputnik. Հայաստանում տարեցտարի աճում է դոնորական արյան պահանջարկը, ինչի հետևանքով դոնորների պակաս է առաջացել։ Ասուլիսի ժամանակ մասին այս մասին հայտարարեց «Յոլյան» արյունաբանության և ուռուցքաբանության կենտրոնի արյան ծառայության գծով փոխտնօրեն Անդրանիկ Շամիլյանը։
Նա նշեց, որ այս պահին հնարավոր չէ արյան բանկը համալրել միայն կադրային դոնորներով, պետք է ամբողջ երկրում դոնորության մշակույթ ներդնել։ Բժշկի խոսքով` հասարակության մեջ կարծրատիպ կա, որ դոնորությունը պահանջված է միայն պատերազմի կամ շտապ վիրահատությունների դեպքում, սակայն գործնականում Հայաստանում օրական 60 պարկ արյուն է փոխներարկվում։
«Արյան պահանջարկը մեծանում է թե՛ հիվանդների թվի աճի, թե՛ բուժման նոր մեթոդների պատճառով։ Եվ եթե դոնորների թիվն ավելացել է 2 անգամ, ապա արյան կարիքն ավելացել է 3 անգամ։ Ու այստեղ անհավասարակշռություն կա», – ասաց կենտրոնի փոխտնօրենը։
Այս համատեքստում Շամիլյանը կարևորեց արյան հավաքման ակցիաները, որոնք անցկացվում են ոչ միայն Երևանում, այլև մարզերում` վերջինը եղել է Սպիտակում, իսկ հաջորդը նախատեսվում է իրականացնել Սևան քաղաքում։
«Հինգ մարզերում դոնորական կետեր են գործում, մյուսներում խնդիրը լուծվում է շարժական կենտրոնների միջոցով», – ասաց բժիշկը։
Նա նաև կարևորեց կադրային դոնորությունը, քանի որ նրանց արյունը, որպես կանոն, միշտ պիտանի է և չի մերժվում տարբեր վարակների պատճառով։ Առաջնային դոնորների մոտ 10-15 տոկոսի արյունը պիտանի չի լինում փոխներարկման համար, և նրանց մերժում են։ Մասնագետը հերքեց նաև այն միֆը, թե դոնորությունը կախվածություն է առաջացնում։
Նշենք, որ դոնոր կարող են դառնալ 18 տարեկանը լրացած անձինք, ինչպես նաև առնվազն 52 կգ քաշով իգական սեռի ներկայացուցիչները և 62 կգ քաշով արական սեռի ներկայացուցիչները։ Դոնոր դառնալ ցանկացողների հեմոգլոբինի մակարդակի թույլատրելի սահմանները կանանց դեպքում պետք է լինեն 125-180 գրամ/լիտր, տղամարդկանց դեպքում` 135-188 գրամ/լիտր, իսկ արյան ճնշումը պետք է այդ պահին չլինի շատ բարձր կամ ցածր, երակազարկն էլ 60-90 զարկ 1 րոպեում։
Տարվա կտրվածքով կանայք կարող են 4 անգամ արյուն հանձնել, տղամարդիկ` 5 անգամ։ Լինում է 3 կատեգորիայի դոնոր` վճարովի, հիվանդի հարազատներ և անվարձահատույց։ ՀՀ–ում գերակշռում են վճարովի դոնորները, բայց տարբեր ծրագրերի շնորհիվ փորձում են երկրում զարգացնել անվարձահատույց դոնորության մեխանիզմը։
