https://arm.sputniknews.ru/20250421/rdn-petq-e-verlutsi-hradadari-pvordzy-putiny-ukrainaji-zinuzhi-khakhtumneri-masin-88061034.html
ՌԴ–ն պետք է վերլուծի հրադադարի փորձը. Պուտինը՝ Ուկրաինայի զինուժի խախտումների մասին
ՌԴ–ն պետք է վերլուծի հրադադարի փորձը. Պուտինը՝ Ուկրաինայի զինուժի խախտումների մասին
Sputnik Արմենիա
Ռուսաստանի նախագահը չի բացառում, որ Կիևի արևմտյան հրահանգիչներն են ուկրաինական կողմին հուշել, որ չմերժի Զատկի կապակցությամբ հայտարարված հրադադարը: 21.04.2025, Sputnik Արմենիա
2025-04-21T19:06+0400
2025-04-21T19:06+0400
2025-04-21T19:11+0400
ռուսաստան
ուկրաինա
հրադադար
վլադիմիր պուտին
https://cdn.am.sputniknews.ru/img/07e9/03/0e/86785680_0:0:3072:1728_1920x0_80_0_0_805228e5545e0ae6764edb83347801d3.jpg
ԵՐԵՎԱՆ, 21 ապրիլի – Sputnik. Զատկի տոնի կապակցությամբ հայտարարված հրադադարի ընթացքում Ուկրաինայի զինված ուժերի կողմից գրեթե 5 հազար խախտում է արձանագրվել, բայց ընդհանուր առմամբ նկատվել է ակտիվության նվազում։ Ինչպես տեղեկացնում է ՌԻԱ Նովոստին, այս մասին հայտնել է Ռուսաստանի նախագահ Վլադիմիր Պուտինը։Ռուսաստանի նախագահը հնարավոր է համարել, որ Կիևի արևմտյան հրահանգիչներն ուկրաինական կողմին հուշել են չմերժել Զատկի կապակցությամբ հայտարարված հրադադարի նախաձեռնությունը:Կիևը խախտել է Զատկի հրադադարը՝ կիրառելով HIMARS. Զախարովա«Այնտեղ երևի գտնվել է ավելի խելացի մեկը (ամենայն հավանականությամբ՝ օտարերկրյա հրահանգիչներից), ով հուշել է, որ նման նախաձեռնությունները մերժելը Կիևի ռեժիմի համար պարտվողական դիրքորոշում է, և նրանք արագ համաձայնել են»,-նշել է Պուտինը։Նրա խոսքով՝ Ռուսաստանը պետք է վերլուծի Զատկի կապակցությամբ հայտարարված հրադադարի փորձը։«Մենք պետք է մտածենք և գնահատենք արդյունքները։ Ես ամենասկզբից, երբ հանդիպել եմ գլխավոր շտաբի պետ Վալերի Գերասիմովի հետ, ասել եմ, որ կտեսնենք` ինչպիսին կլինի Զատկի հրադադար հայտարարելու փորձը», – նշել է Ռուսաստանի ղեկավարը։Բացի այդ, Պուտինը հայտարարել է, որ Ուկրաինան քաղաքացիական օբյեկտներն օգտագործում է ռազմական նպատակներով։ Մասնավորապես փորձ է արվել Օդեսայի քաղաքացիական օբյեկտներից մեկում կազմակերպել հրթիռային համակարգերի փորձարկում։«Բոլորովին վերջերս՝ մի քանի օր առաջ, մեր զինված ուժերը հարված են հասցրել մի փոքր բնակավայրի, որը Օդեսայից 82 կիլոմետր է հեռու։ Դա գյուղատնտեսական օբյեկտ է՝ անգարներ, ձեռնարկություններ: Բայց այնտեղ Կիևի իշխանությունները, օտարերկրյա հրահանգիչների և օգնականների հետ փորձել են կազմակերպել նոր հրթիռային համակարգի ոչ միայն արտադրություն, այլև փորձարկում: Հենց այդ օբյեկտին էլ հասցվել է հարվածը։ Ուրեմն դա քաղաքացիակա՞ն օբյեկտ է, թե՞ ոչ: Քաղաքացիական է, բայց օգտագործվել է ռազմական նպատակներով», - նշել է Ռուսաստանի ղեկավարը։Մեկնաբանելով ռուսական զինուժի` Սումիի կոնգրես-կենտրոնին հասցված հարվածը՝ Պուտինն ասել է, որ այնտեղ այդ ժամանակ պարգևատրվել են նրանք, ովքեր հանցագործություններ են կատարել ՌԴ Կուրսկի մարզում։«Բոլորին քաջ հայտնի է մեր զինված ուժերի հարվածը Սումիի համալսարանի մոտ գտնվող կենտրոնին։ Դա քաղաքացիական օբյեկտ է, բայց այնտեղ պարգևատրում էին նրանց, որոնք հանցագործություններ են կատարել Կուրսկի մարզում՝ Ուկրաինայի զինված ուժերի ստորաբաժանումներին և ազգայնականներին: Նրանց մենք հանցագործ ենք համարում», – ասել է ՌԴ նախագահը։Հիշեցնենք` ապրիլի 19-ին հայտնի դարձավ, որ Պուտինը հրադադար է հայտարարել Զատկի կապակցությամբ։ Հրադադարը գործեց ապրիլի 19-ի ժամը 18:00-ից մինչև ապրիլի 21-ի ժամը 00:00-ն: ՌԴ նախագահը հայտարարել էր` ելնում է նրանից, որ Ուկրաինան կհետևի Ռուսաստանի օրինակին։ Միաժամանակ նա նշել էր, որ ռուսական զորքը պետք է պատրաստ լինի հակառակորդի կողմից հրադադարի հնարավոր խախտումներն ու սադրանքները հետ մղելու: Այսօր ՌԴ ՊՆ-ն հայտնեց, որ հրադադարի ընթացքում ուկրաինական կողմից արձանագրվել է 4,9 հազար խախտում:
ուկրաինա
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռուսաստան, ուկրաինա, հրադադար, վլադիմիր պուտին
ռուսաստան, ուկրաինա, հրադադար, վլադիմիր պուտին
ՌԴ–ն պետք է վերլուծի հրադադարի փորձը. Պուտինը՝ Ուկրաինայի զինուժի խախտումների մասին
19:06 21.04.2025 (Թարմացված է: 19:11 21.04.2025) Ռուսաստանի նախագահը չի բացառում, որ Կիևի արևմտյան հրահանգիչներն են ուկրաինական կողմին հուշել, որ չմերժի Զատկի կապակցությամբ հայտարարված հրադադարը:
ԵՐԵՎԱՆ, 21 ապրիլի – Sputnik. Զատկի տոնի կապակցությամբ հայտարարված հրադադարի ընթացքում Ուկրաինայի զինված ուժերի կողմից գրեթե 5 հազար խախտում է արձանագրվել, բայց ընդհանուր առմամբ նկատվել է ակտիվության նվազում։ Ինչպես տեղեկացնում է
ՌԻԱ Նովոստին, այս մասին հայտնել է Ռուսաստանի նախագահ Վլադիմիր Պուտինը։
«Ընդհանուր առմամբ մենք տեսնում ենք հակառակորդի կողմից մարտական ակտիվության նվազում։ Դա նաև մեր խմբավորումների հրամանատարների գնահատականն է։ Այնուամենայնիվ, գրեթե 5 հազար խախտում է եղել, ավելի ճիշտ՝ 4,9 հազար։ Դրանցից 6-ը հարձակումներ են, 90-ը՝ ինքնաթիռային տիպի ԱԹՍ-ների հարվածների փորձեր, 1,4 հազար հրետակոծություն։ Բայց ընդհանուր առմամբ, այնուամենայնիվ, ակտիվության նվազում է եղել», - լրագրողներին ասել է Պուտինը «Փոքր հայրենիքը Ռուսաստանի ուժն է» երկրորդ համառուսաստանյան համաժողովի շրջանակում «Ծառայություն» մրցանակի հանձնումից հետո։
Ռուսաստանի նախագահը հնարավոր է համարել, որ Կիևի արևմտյան հրահանգիչներն ուկրաինական կողմին հուշել են չմերժել Զատկի կապակցությամբ հայտարարված հրադադարի նախաձեռնությունը:
«Այնտեղ երևի գտնվել է ավելի խելացի մեկը (ամենայն հավանականությամբ՝ օտարերկրյա հրահանգիչներից), ով հուշել է, որ նման նախաձեռնությունները մերժելը Կիևի ռեժիմի համար պարտվողական դիրքորոշում է, և նրանք արագ համաձայնել են»,-նշել է Պուտինը։
Նրա խոսքով՝ Ռուսաստանը պետք է վերլուծի Զատկի կապակցությամբ հայտարարված հրադադարի փորձը։
«Մենք պետք է մտածենք և գնահատենք արդյունքները։ Ես ամենասկզբից, երբ հանդիպել եմ գլխավոր շտաբի պետ Վալերի Գերասիմովի հետ, ասել եմ, որ կտեսնենք` ինչպիսին կլինի Զատկի հրադադար հայտարարելու փորձը», – նշել է Ռուսաստանի ղեկավարը։
Բացի այդ, Պուտինը հայտարարել է, որ Ուկրաինան քաղաքացիական օբյեկտներն օգտագործում է ռազմական նպատակներով։ Մասնավորապես փորձ է արվել Օդեսայի քաղաքացիական օբյեկտներից մեկում կազմակերպել հրթիռային համակարգերի փորձարկում։
«Բոլորովին վերջերս՝ մի քանի օր առաջ, մեր զինված ուժերը հարված են հասցրել մի փոքր բնակավայրի, որը Օդեսայից 82 կիլոմետր է հեռու։ Դա գյուղատնտեսական օբյեկտ է՝ անգարներ, ձեռնարկություններ: Բայց այնտեղ Կիևի իշխանությունները, օտարերկրյա հրահանգիչների և օգնականների հետ փորձել են կազմակերպել նոր հրթիռային համակարգի ոչ միայն արտադրություն, այլև փորձարկում: Հենց այդ օբյեկտին էլ հասցվել է հարվածը։ Ուրեմն դա քաղաքացիակա՞ն օբյեկտ է, թե՞ ոչ: Քաղաքացիական է, բայց օգտագործվել է ռազմական նպատակներով», - նշել է Ռուսաստանի ղեկավարը։
Մեկնաբանելով ռուսական զինուժի` Սումիի կոնգրես-կենտրոնին հասցված հարվածը՝ Պուտինն ասել է, որ այնտեղ այդ ժամանակ պարգևատրվել են նրանք, ովքեր հանցագործություններ են կատարել ՌԴ Կուրսկի մարզում։
«Բոլորին քաջ հայտնի է մեր զինված ուժերի հարվածը Սումիի համալսարանի մոտ գտնվող կենտրոնին։ Դա քաղաքացիական օբյեկտ է, բայց այնտեղ պարգևատրում էին նրանց, որոնք հանցագործություններ են կատարել Կուրսկի մարզում՝ Ուկրաինայի զինված ուժերի ստորաբաժանումներին և ազգայնականներին: Նրանց մենք հանցագործ ենք համարում», – ասել է ՌԴ նախագահը։
Հիշեցնենք` ապրիլի 19-ին հայտնի դարձավ, որ
Պուտինը հրադադար է հայտարարել Զատկի կապակցությամբ։ Հրադադարը գործեց ապրիլի 19-ի ժամը 18:00-ից մինչև ապրիլի 21-ի ժամը 00:00-ն: ՌԴ նախագահը հայտարարել էր` ելնում է նրանից, որ Ուկրաինան կհետևի Ռուսաստանի օրինակին։ Միաժամանակ նա նշել էր, որ ռուսական զորքը պետք է պատրաստ լինի հակառակորդի կողմից հրադադարի հնարավոր խախտումներն ու սադրանքները հետ մղելու: Այսօր ՌԴ ՊՆ-ն հայտնեց, որ հրադադարի ընթացքում ուկրաինական կողմից արձանագրվել է 4,9 հազար խախտում:
