https://arm.sputniknews.ru/20250420/aghvotenq-hajastani-ev-adrbejani-mijev-khaghaghutjan-hamadzajnagri-stvoragrman-hamar-hrvomi-pap-88026609.html
Աղոթենք Հայաստանի և Ադրբեջանի միջև խաղաղության համաձայնագրի ստորագրման համար. Հռոմի պապ
Աղոթենք Հայաստանի և Ադրբեջանի միջև խաղաղության համաձայնագրի ստորագրման համար. Հռոմի պապ
Sputnik Արմենիա
Հռոմի պապը կոչ արեց այս Սուրբ Զատիկի տոնակատարությունը որպես բարենպաստ առիթ օգտագործել` ռազմագերիների և քաղբանտարկյալների ազատ արձակման համար ողջ աշխարհում: 20.04.2025, Sputnik Արմենիա
2025-04-20T16:23+0400
2025-04-20T16:23+0400
2025-04-20T20:02+0400
վատիկան
հռոմի պապ
հայ-ադրբեջանական
ադրբեջան
հայաստան
սուրբ զատիկ
https://cdn.am.sputniknews.ru/img/07e9/04/14/88026043_0:9:1600:909_1920x0_80_0_0_1487792ba470e8361d15b9f362db0c28.jpg
ԵՐԵՎԱՆ, 20 ապրիլի – Sputnik. Հռոմի Ֆրանցիսկոս պապն այսօր աղոթել է Հայաստանի և Ադրբեջանի միջև վերջնական խաղաղության համաձայնագրի և տարածաշրջանում հաշտության համար: Այդ մասին ասված է նրա` «Urbi et Orbi» զատկական ավանդական ուղերձում, որն այս տարի իր խնդրանքով ընթերցել է Սրբազան հոր արարողակարգի պետ, արքեպիսկոպոս Դիեգո Ռավելին:Հռոմի պապը նաև աղոթք է բարձրացրել Լիբանանի և Սիրիայի քրիստոնյա համայնքների համար, հատուկ ուշադրություն դարձրել Եմենի բնակիչների իրավիճակին։ Նա խրախուսել է բոլոր նրանց, ովքեր ներգրավված են ռուս–ուկրաինական պատերազմի մեջ արդար և հարատև խաղաղության հասնելու գործընթացում:Հռոմի պապն իր աղոթքն է հղել Արևմտյան Բալկաններում լարվածության և ճգնաժամերի սրումից խուսափելու համար, Աֆրիկայի ժողովուրդներին, որոնք բռնության և հակամարտությունների զոհ են դարձել, հատկապես Կոնգոյի Դեմոկրատական Հանրապետությունում, Սուդանում և Հարավային Սուդանում, Սահելի տարածաշրջանում և այլն:«Խաղաղությունն անհնար է այնտեղ, որտեղ չկա կրոնական ազատություն, որտեղ չկա մտքի և խոսքի ազատություն, որտեղ չկա հարգանք ուրիշի կարծիքի նկատմամբ»,– ասել է Հռոմի պապը:Ըստ նրա` յուրաքանչյուր ժողովուրդ իր պաշտպանությունն ապահովելու անհրաժեշտությունը չի կարող վերածել սպառազինությունների համընդհանուր մրցավազքի։ Հռոմի պապը կարող էր մահանալ փետրվարի 28-ին․ ի՞նչ է պատմում նրան բուժող բժիշկըՀռոմի պապը կոչ արեց այս Սուրբ Զատիկի տոնակատարությունը որպես բարենպաստ առիթ օգտագործել` բոլոր ռազմագերիների և քաղբանտարկյալների ազատ արձակման համար:Նշենք, որ Վատիկանը Սուրբ Զատիկն այս տարի նշել է առանց Հռոմի Ֆրանցիսկոս պապի, քանի որ 88-ամյա պոնտիֆիկոսը շարունակում է ապաքինվել մահացու վտանգավոր երկկողմանի թոքաբորբից։ Նրա փոխարեն Սուրբ պատարագը մատուցել է կարդինալ Անջելո Կոմաստրին՝ Սուրբ Պետրոսի բազիլիկի պաշտոնաթող ավագ քահանան:
վատիկան
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
վատիկան, հռոմի պապ, հայ-ադրբեջանական, ադրբեջան, հայաստան, սուրբ զատիկ
վատիկան, հռոմի պապ, հայ-ադրբեջանական, ադրբեջան, հայաստան, սուրբ զատիկ
Աղոթենք Հայաստանի և Ադրբեջանի միջև խաղաղության համաձայնագրի ստորագրման համար. Հռոմի պապ
16:23 20.04.2025 (Թարմացված է: 20:02 20.04.2025) Հռոմի պապը կոչ արեց այս Սուրբ Զատիկի տոնակատարությունը որպես բարենպաստ առիթ օգտագործել` ռազմագերիների և քաղբանտարկյալների ազատ արձակման համար ողջ աշխարհում:
ԵՐԵՎԱՆ, 20 ապրիլի – Sputnik. Հռոմի Ֆրանցիսկոս պապն այսօր աղոթել է Հայաստանի և Ադրբեջանի միջև վերջնական խաղաղության համաձայնագրի և տարածաշրջանում հաշտության համար: Այդ մասին ասված է նրա` «Urbi et Orbi» զատկական ավանդական
ուղերձում, որն այս տարի իր խնդրանքով ընթերցել է Սրբազան հոր արարողակարգի պետ, արքեպիսկոպոս Դիեգո Ռավելին:
«Այս տոնական օրը եկեք հիշենք Հարավային Կովկասը և աղոթենք Հայաստանի և Ադրբեջանի միջև վերջնական խաղաղության համաձայնագրի շուտափույթ ստորագրման և իրականացման համար, որը տանում է դեպի տարածաշրջանում այդքան բաղձալի հաշտեցման»,– ասել է Հռոմի պապը:
Հռոմի պապը նաև աղոթք է բարձրացրել Լիբանանի և Սիրիայի քրիստոնյա համայնքների համար, հատուկ ուշադրություն դարձրել Եմենի բնակիչների իրավիճակին։ Նա խրախուսել է բոլոր նրանց, ովքեր ներգրավված են ռուս–ուկրաինական պատերազմի մեջ արդար և հարատև խաղաղության հասնելու գործընթացում:
Հռոմի պապն իր աղոթքն է հղել Արևմտյան Բալկաններում լարվածության և ճգնաժամերի սրումից խուսափելու համար, Աֆրիկայի ժողովուրդներին, որոնք բռնության և հակամարտությունների զոհ են դարձել, հատկապես Կոնգոյի Դեմոկրատական Հանրապետությունում, Սուդանում և Հարավային Սուդանում, Սահելի տարածաշրջանում և այլն:
«Խաղաղությունն անհնար է այնտեղ, որտեղ չկա կրոնական ազատություն, որտեղ չկա մտքի և խոսքի ազատություն, որտեղ չկա հարգանք ուրիշի կարծիքի նկատմամբ»,– ասել է Հռոմի պապը:
Ըստ նրա` յուրաքանչյուր ժողովուրդ իր պաշտպանությունն ապահովելու անհրաժեշտությունը չի կարող վերածել սպառազինությունների համընդհանուր մրցավազքի։
Հռոմի պապը կոչ արեց այս Սուրբ Զատիկի տոնակատարությունը որպես բարենպաստ առիթ օգտագործել` բոլոր ռազմագերիների և քաղբանտարկյալների ազատ արձակման համար:
Նշենք, որ Վատիկանը Սուրբ Զատիկն այս տարի նշել է առանց Հռոմի Ֆրանցիսկոս պապի, քանի որ 88-ամյա պոնտիֆիկոսը շարունակում է ապաքինվել մահացու վտանգավոր երկկողմանի թոքաբորբից։ Նրա փոխարեն Սուրբ պատարագը մատուցել է կարդինալ Անջելո Կոմաստրին՝ Սուրբ Պետրոսի բազիլիկի պաշտոնաթող ավագ քահանան:
