https://arm.sputniknews.ru/20250413/haj-araqelakan-ekeghecin-ajsor-tvonum-e-tsaghkazardy-manukneri-orhnutjan-or-e-naev-87764539.html
Հայ առաքելական եկեղեցին այսօր տոնում է Ծաղկազարդը. մանուկների օրհնության օրն է նաև
Հայ առաքելական եկեղեցին այսօր տոնում է Ծաղկազարդը. մանուկների օրհնության օրն է նաև
Sputnik Արմենիա
Ծաղկազարդը հասարակության սիրելի տոներից է։ Շատերն են եկեղեցի գնում` օրհնված ճյուղեր տանելու։ 13.04.2025, Sputnik Արմենիա
2025-04-13T10:18+0400
2025-04-13T10:18+0400
2025-04-13T15:39+0400
ծաղկազարդ
հայ առաքելական եկեղեցի
պատարագ
երեխա
տեսանյութեր
https://cdn.am.sputniknews.ru/img/07e9/04/0d/87769795_0:0:1060:597_1920x0_80_0_0_e45d11739ae54712428491aabd569f49.jpg
ԵՐԵՎԱՆ, 13 ապրիլի - Sputnik. Այսօր՝ ապրիլի 13-ին, Հայ առաքելական եկեղեցին նշում էր Ծաղկազարդն ու մանուկների օրհնության օրը։ Ս. Հարության տոնին նախորդող կիրակի օրն է նշվում Ծաղկազարդը, որը նշանավորում է Քրիստոսի հաղթական մուտքը Երուսաղեմ:Գարեգին Բ ամենայն հայոց կաթողիկոսի տնօրինությամբ Ծաղկազարդը հռչակվել է մանուկների օրհնության օր, քանի որ Տիրոջ՝ Երուսաղեմի տաճար մտնելու ժամանակ մանուկներն աղաղակում էին՝ ասելով. «Օրհնությո՜ւն Դավթի որդուն»: Այսօր եկեղեցիներում տեղի է ունենում Սուրբ պատարագ և մանուկների օրհնություն։Հիսուսի մուտքը Երուսաղեմ ժողովուրդն ընդունել է խանդավառությամբ` ձիթենու և արմավենու ճյուղերի հետ իրենց զգեստները փռելով ճանապարհի վրա:Ծաղկազարդը խորհրդանշում է նաև արարչության առաջին օրը, երբ Աստված ստեղծեց երկինքն ու երկիրը և, լույսը տարածվելով, հալածեց խավարը:Ծաղկազարդի օրը Քրիստոսն իր կամքով գնաց Երուսաղեմ՝ իր չարչարանքների վայրը, որպեսզի ցույց տա, որ ինքն է Աստծո գառը, որը կամենում է պատարագվել մեր փրկության համար:Հավելենք, որ այսօրվա Ս. պատարագը մատուցվում է բաց վարագույրով: Իսկ Ծաղկազարդի առավոտյան եկեղեցիներում օրհնում են ձիթենու կամ ուռենու ոստեր և բաժանում ժողովրդին:Ուռենու ոստերը, որոնք անպտուղ են, խորհրդանշում են հեթանոսներին, ովքեր պտղաբերեցին միայն Քրիստոսին ընծայվելուց հետո: Ոստերի փափկությունը խորհրդանշում է Քրիստոսի հետևողների խոնարհությունը: Ուռենու ճյուղերը մեր ընծաներն են Տիրոջը, ինչպես Ս. Ծննդյան օրն Արևելքից մոգերի բերած ընծաները:
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ծաղկազարդ, հայ առաքելական եկեղեցի, պատարագ, երեխա, տեսանյութեր, видео
ծաղկազարդ, հայ առաքելական եկեղեցի, պատարագ, երեխա, տեսանյութեր, видео
Հայ առաքելական եկեղեցին այսօր տոնում է Ծաղկազարդը. մանուկների օրհնության օրն է նաև
10:18 13.04.2025 (Թարմացված է: 15:39 13.04.2025) Ծաղկազարդը հասարակության սիրելի տոներից է։ Շատերն են եկեղեցի գնում` օրհնված ճյուղեր տանելու։
ԵՐԵՎԱՆ, 13 ապրիլի - Sputnik. Այսօր՝ ապրիլի 13-ին, Հայ առաքելական եկեղեցին նշում էր Ծաղկազարդն ու մանուկների օրհնության օրը։ Ս. Հարության տոնին նախորդող կիրակի օրն է նշվում Ծաղկազարդը, որը նշանավորում է Քրիստոսի հաղթական մուտքը Երուսաղեմ:
Գարեգին Բ ամենայն հայոց կաթողիկոսի տնօրինությամբ Ծաղկազարդը հռչակվել է մանուկների օրհնության օր, քանի որ Տիրոջ՝ Երուսաղեմի տաճար մտնելու ժամանակ մանուկներն աղաղակում էին՝ ասելով. «Օրհնությո՜ւն Դավթի որդուն»: Այսօր եկեղեցիներում տեղի է ունենում Սուրբ պատարագ և մանուկների օրհնություն։
Հիսուսի մուտքը Երուսաղեմ ժողովուրդն ընդունել է խանդավառությամբ` ձիթենու և արմավենու ճյուղերի հետ իրենց զգեստները փռելով ճանապարհի վրա:
Ըստ եկեղեցու հայրերի՝ Հիսուսի առջև հանդերձներ փռելը խորհրդանշել է մեղքերը Քրիստոսին խոստովանելը: Ոստեր և ճյուղեր ընծայելն էլ առանձնակի պատիվներ և հանդիսավորություն էր նշանակում: Ձիթենին ընկալվել է որպես իմաստության, խաղաղության, հաղթանակի և փառքի խորհրդանշան: Մեռյալ Ղազարոսին հարություն տված Քրիստոսին ձիթենու և արմավենու ճյուղերի ընծայումը խորհրդանշում է մահվան հանդեպ հաղթանակը:
Ծաղկազարդը խորհրդանշում է նաև արարչության առաջին օրը, երբ Աստված ստեղծեց երկինքն ու երկիրը և, լույսը տարածվելով, հալածեց խավարը:
Ծաղկազարդի օրը Քրիստոսն իր կամքով գնաց Երուսաղեմ՝ իր չարչարանքների վայրը, որպեսզի ցույց տա, որ ինքն է Աստծո գառը, որը կամենում է պատարագվել մեր փրկության համար:
Հավելենք, որ այսօրվա Ս. պատարագը մատուցվում է բաց վարագույրով: Իսկ Ծաղկազարդի առավոտյան եկեղեցիներում օրհնում են ձիթենու կամ ուռենու ոստեր և բաժանում ժողովրդին:
Ուռենու ոստերը, որոնք անպտուղ են, խորհրդանշում են հեթանոսներին, ովքեր պտղաբերեցին միայն Քրիստոսին ընծայվելուց հետո: Ոստերի փափկությունը խորհրդանշում է Քրիստոսի հետևողների խոնարհությունը: Ուռենու ճյուղերը մեր ընծաներն են Տիրոջը, ինչպես Ս. Ծննդյան օրն Արևելքից մոգերի բերած ընծաները:
