Խնածախի տներից մեկի ուղղությամբ կրակոցներ արձակելու դեպքով քրեական վարույթ է նախաձեռնվել
17:05 05.04.2025 (Թարմացված է: 17:06 05.04.2025)
Ադրբեջանական կրակոցների հետքերը
© Sputnik
Բաժանորդագրվել
Նշանակվել է դատաձգաբանական և դատաապրանքագիտական փորձաքննություններ:
ԵՐԵՎԱՆ, 5 ապրիլ – Sputnik. Ադրբեջանական զինուի կողմից մարտի 31-ին Սյունիքի մարզի Խնածախ գյուղի տներից մեկի ուղղությամբ կրակոցներ արձակելու դեպքով քրեական վարույթ է նախաձեռնվել։ Տեղեկությունը Sputnik Արմենիային հայտնեցին ՀՀ քննչական կոմիտեից։
Քրեական վարույթ է հարուցվել քրեական օրենսգրքի 44-155-րդ 2-րդ մասի 7-րդ եւ 15-րդ կետերով (ռասայական, ազգային, էթնիկ կամ սոցիալական ծագումով, կրոնով, քաղաքական կամ այլ հայացքներով պայմանավորված սպանության փորձ) և 335-րդ հոդվածի 1-ին մասով (hրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառություն):
Նշանակվել է դատաձգաբանական և դատաապրանքագիտական փորձաքննություններ:
Հիշեցնենք` մարտի 31-ին՝ ժամը 00:50-ի սահմաններում, Ադրբեջանի ԶՈւ ստորաբաժանումները կրակ էին բացել Սյունիքի մարզի Խնածախ բնակավայրի ուղղությամբ, ինչի հետևանքով բնակելի տուն էր վնասվել։
