ԱՄՆ իշխանությունները սխալմամբ ուկրաինացիներին են նամակներ ուղարկել․ ԶԼՄ
Բաժանորդագրվել
Պարզ չէ, թե քանի ուկրաինացի է նամակ ստացել։
ԵՐԵՎԱՆ, 5 ապրիլի — Sputnik. Ամերիկյան իշխանությունները մարդասիրական ծրագրով ԱՄՆ-ում գտնվող մի շարք ուկրաինացիների սխալմամբ էլեկտրոնային նամակներ են ուղարկել՝ պահանջելով 7 օրում լքել երկիրը: Այս մասին գրում է ՌԻԱ Նովոստին՝ հղում անելով «Reuters» գործակալությանը:
«Մի շարք ուկրաինացիներ, որոնք մարդասիրական ծրագրով օրինական գտնվում են ԱՄՆ-ում, այս շաբաթ նամակ են ստացել, որում ասվում է` նրանց կարգավիճակը չեղյալ է հայտարարվել, և յոթ օր ունեն երկիրը լքելու համար, հակառակ դեպքում դաշնային կառավարությունը կգտնի նրանց: Ներքին անվտանգության նախարարության (ՆԱՆ) ներկայացուցիչն ասել է, որ նամակն ուղարկվել է սխալմամբ, և ուկրաինացիների մուտքի ու ժամանակավոր կացության թույլտվության ծրագիրը չի դադարեցվել», - հայտնում է գործակալությունը՝ հղում անելով ԱՄՆ ներքին անվտանգության նախարարության ներկայացուցչին:
Պարզ չէ, թե քանի ուկրաինացի է նման նամակ ստացել:
Մարտին «Reuters» գործակալությունը, հղում անելով իր աղբյուրներին, հայտնել էր, որ ԱՄՆ նախագահ Դոնալդ Թրամփի վարչակազմը նախատեսում է ժամանակավոր իրավական կարգավիճակից զրկել երկրում բնակվող շուրջ 240 հազար ուկրաինացու։
