https://arm.sputniknews.ru/20250403/patmutjan-tangarani-tshakatajin-hatvatsum-teghadrvel-en-hh-petakan-khvorhrdanshannery--87486775.html
Պատմության թանգարանի ճակատային հատվածում տեղադրվել են ՀՀ պետական խորհրդանշանները
Պատմության թանգարանի ճակատային հատվածում տեղադրվել են ՀՀ պետական խորհրդանշանները
Sputnik Արմենիա
Դրոշն ու զինանշանը վիտրաժի հետևում են տեղադրված։ 03.04.2025, Sputnik Արմենիա
2025-04-03T20:50+0400
2025-04-03T20:50+0400
2025-04-03T21:19+0400
գերբ
զինանշան
թանգարան
հայաստան
հայաստանի պատմության թանգարան
https://cdn.am.sputniknews.ru/img/07e9/04/03/87485195_0:24:2048:1176_1920x0_80_0_0_3530f79795a88c62e4e7085f9e8cda9d.jpg.webp
ԵՐԵՎԱՆ, 3 ապրիլի – Sputnik. Հայաստանի պատմության թանգարանի ճակատային հատվածում այսուհետև կլինեն ՀՀ պետական խորհրդանշանները` դրոշն ու զինանշանը։ Տեղեկությունը հայտնում է թանգարանի մամուլի ծառայությունը։Նշվում է, որ ապրիլի 2-ին տեղի է ունեցել Հայաստանի պատմության թանգարանի դիմահայաց կամարաշար հատվածի 2 ութանկյուն պատուհաններին տեղադրված Հայաստանի Հանրապետության և ՀՀ զինված ուժերի զինանշանների ապակենկարների (վիտրաժ) լուսավորման արարողությունը:«Այսուհետև մայրաքաղաքի սրտում՝ Մայր թանգարանի շենքի վրա, մշտապես տեղադրված կլինեն պետության գլխավոր խորհրդանշանները՝ ընդգծելով մեր հազարամյա պատմության ընթացքում և ապագայի կերտման գործում ազգային պետականության ու զինված ուժերի հիմնարար դերակատարությունը»,– ասված է հաղորդագրությունում։Հիշեցնենք, որ ՀՀ դրոշի կարմիր հատվածը խորհրդանշում է հայկական բարձրավանդակը, հայ ժողովրդի մշտական պայքարը հարատևման, քրիստոնեական հավատքի, Հայաստանի անկախության և ազատության համար: Կապույտը խորհրդանշում է հայ ժողովրդի ապրելու կամքը խաղաղ երկնքի ներքո: Նարնջագույնը խորհրդանշում է հայ ժողովրդի արարչական տաղանդը և աշխատասիրությունը:ՀՀ զինանշանի կենտրոնում, վահանի վրա պատկերված են Արարատ լեռը` Նոյյան տապանով և պատմական Հայաստանի թագավորություններից չորսի (վերևից ձախ` Բագրատունիների, վերևից աջ` Արշակունիների, ներքևից ձախ` Արտաշիսյանների, ներքևից աջ` Ռուբինյանների) զինանշանները: Վահանը պահում են արծիվը (ձախից) և առյուծը (աջից), իսկ վահանից ներքև պատկերված են սուր, ճյուղ, հասկերի խուրձ, շղթա և ժապավեն: Հայաստանի Հանրապետության զինանշանի հիմնական գույնն է ոսկեգույնը։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
գերբ, զինանշան, թանգարան, հայաստան, հայաստանի պատմության թանգարան
գերբ, զինանշան, թանգարան, հայաստան, հայաստանի պատմության թանգարան
Պատմության թանգարանի ճակատային հատվածում տեղադրվել են ՀՀ պետական խորհրդանշանները
20:50 03.04.2025 (Թարմացված է: 21:19 03.04.2025) Դրոշն ու զինանշանը վիտրաժի հետևում են տեղադրված։
ԵՐԵՎԱՆ, 3 ապրիլի – Sputnik. Հայաստանի պատմության թանգարանի ճակատային հատվածում այսուհետև կլինեն ՀՀ պետական խորհրդանշանները` դրոշն ու զինանշանը։ Տեղեկությունը հայտնում է
թանգարանի մամուլի ծառայությունը։
Նշվում է, որ ապրիլի 2-ին տեղի է ունեցել Հայաստանի պատմության թանգարանի դիմահայաց կամարաշար հատվածի 2 ութանկյուն պատուհաններին տեղադրված Հայաստանի Հանրապետության և ՀՀ զինված ուժերի զինանշանների ապակենկարների (վիտրաժ) լուսավորման արարողությունը:
«Այսուհետև մայրաքաղաքի սրտում՝ Մայր թանգարանի շենքի վրա, մշտապես տեղադրված կլինեն պետության գլխավոր խորհրդանշանները՝ ընդգծելով մեր հազարամյա պատմության ընթացքում և ապագայի կերտման գործում ազգային պետականության ու զինված ուժերի հիմնարար դերակատարությունը»,– ասված է հաղորդագրությունում։
Հիշեցնենք, որ ՀՀ դրոշի կարմիր հատվածը խորհրդանշում է հայկական բարձրավանդակը, հայ ժողովրդի մշտական պայքարը հարատևման, քրիստոնեական հավատքի, Հայաստանի անկախության և ազատության համար: Կապույտը խորհրդանշում է հայ ժողովրդի ապրելու կամքը խաղաղ երկնքի ներքո: Նարնջագույնը խորհրդանշում է հայ ժողովրդի արարչական տաղանդը և աշխատասիրությունը:
ՀՀ զինանշանի կենտրոնում, վահանի վրա պատկերված են Արարատ լեռը` Նոյյան տապանով և պատմական Հայաստանի թագավորություններից չորսի (վերևից ձախ` Բագրատունիների, վերևից աջ` Արշակունիների, ներքևից ձախ` Արտաշիսյանների, ներքևից աջ` Ռուբինյանների) զինանշանները: Վահանը պահում են արծիվը (ձախից) և առյուծը (աջից), իսկ վահանից ներքև պատկերված են սուր, ճյուղ, հասկերի խուրձ, շղթա և ժապավեն: Հայաստանի Հանրապետության զինանշանի հիմնական գույնն է ոսկեգույնը։
