https://arm.sputniknews.ru/20250402/razmakan-ajlyntranq-chka-irani-artgvortsnakhararn-ardzaganqel-e-trampi-sparnaliqnerin-87409805.html
Ռազմական այլընտրանք չկա. Իրանի արտգործնախարարն արձագանքել է Թրամփի սպառնալիքներին
Ռազմական այլընտրանք չկա. Իրանի արտգործնախարարն արձագանքել է Թրամփի սպառնալիքներին
Sputnik Արմենիա
Իրանի ԱԳՆ–ն հայտնել է, որ համաձայնեցված է ՄԱԳԱՏԷ-ի ղեկավար Գրոսսիի այցը Թեհրան։ 02.04.2025, Sputnik Արմենիա
2025-04-02T11:36+0400
2025-04-02T11:36+0400
2025-04-02T11:38+0400
ամն
իրանի իսլամական հանրապետություն
աբբաս արաղչի
դոնալդ թրամփ
https://cdn.am.sputniknews.ru/img/07e8/0b/0a/82879229_0:0:1200:676_1920x0_80_0_0_aafe4261ecc112f2db4b07c105d0ab93.jpg.webp
ԵՐԵՎԱՆ, 2 ապրիլի – Sputnik. Իրանը երբեք չի ձգտել միջուկային զենքի։ Այս հայտարարությունն արել է Իրանի արտգործնախարար Աբբաս Արաղչին։Ավելի վաղ ԱՄՆ նախագահ Դոնալդ Թրամփը «NBC News»-ի հետ զրույցում սպառնացել էր «աննախադեպ ռմբակոծություններով», եթե ԱՄՆ-ն ու Իրանը համաձայնագիր չկնքեն։«Իրանը կրկին հայտարարում է, որ երբեք և ոչ մի դեպքում չի ձգտի փնտրել, արտադրել կամ ձեռք բերել միջուկային զենք: ՀԳՀԾ-ի ստորագրումից 10 տարի անց և ԱՄՆ–ի միակողմանի դուրս գալուց յոթ տարի անց որևէ ապացույց չկա, որ Իրանը խախտել է ՀԳՀԾ-ով նախատեսված իր պարտավորությունները: Դա ընդունել է նույնիսկ Ազգային հետախուզության տնօրեն Թուլսի Գաբարդը», – գրել է Արաղչին X սոցցանցում (նախկին Twitter)։Նա նշել է, որ միջուկային ծրագրի հարցի շուրջ արևմտյան երկրների հետ Իրանի փոխգործակցության դիվանագիտական ճանապարհն ապացուցել է իր արդյունավետությունն անցյալում և կարող է արդյունավետ մնալ մինչ օրս։Ավելի վաղ Իրանի ԱԳՆ-ն հայտնել էր, որ Արաղչին հեռախոսով զրուցել է ՄԱԳԱՏԷ-ի գլխավոր տնօրեն Ռաֆայել Գրոսսիի հետ, քննարկել են իրանական միջուկային ծրագրի հետ կապված բանակցությունների շուրջ ստեղծված իրավիճակը։ Առաջիկայում Գրոսսին կայցելի Թեհրան։Դեռևս փետրվարին ԱՄՆ նախագահ Դոնալդ Թրամփը հայտարարել էր, որ պատրաստ է գործարք կնքել Իրանի հետ՝ նրա դեմ ռազմական գործողությունների փոխարեն: Թրամփն ասել էր, որ ցանկանում է Իրանի հետ կնքել «վավերացված» միջուկային խաղաղության համաձայնագիր, որը թույլ կտա Թեհրանին զարգանալ և բարգավաճել խաղաղ պայմաններում։ Նա կոչ էր արել անհապաղ սկսել աշխատանքները:Մարտի սկզբին Դոնալդ Թրամփը հայտնել էր, որ նամակ է հղել Իրանի գերագույն առաջնորդ Ալի Խամենեիին և գրել, որ նախընտրում է միջուկային հարցը կարգավորել խաղաղ ճանապարհով: Ավելի ուշ նա հստակեցրել էր, որ դիտարկում է երկու սցենար՝ դիվանագիտական և ռազմական՝ առաջնահերթություն տալով բանակցություններին։ Ըստ «Axios»–ի` Խամենեիին ուղղված նամակում Թրամփը պայման է դրել` նոր միջուկային գործարքը կնքել երկու ամսվա ընթացքում:Մարտի 27-ի երեկոյան Իրանի ԱԳՆ ղեկավարը հայտարարեց, որ Թրամփի նամակի պատասխանն ուղարկվել է Օմանով։ Իրանի նախագահ Մասուդ Փեզեշքիանի խոսքով` Թեհրանը Վաշինգտոնին ուղղված պատասխան նամակում հրաժարվել է միջուկային ծրագրի շուրջ ԱՄՆ-ի հետ ուղիղ բանակցություններից, բանակցությունների պատուհանը բաց է միայն երրորդ երկրների միջնորդությամբ։
ամն
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ամն, իրանի իսլամական հանրապետություն, աբբաս արաղչի, դոնալդ թրամփ
ամն, իրանի իսլամական հանրապետություն, աբբաս արաղչի, դոնալդ թրամփ
Ռազմական այլընտրանք չկա. Իրանի արտգործնախարարն արձագանքել է Թրամփի սպառնալիքներին
11:36 02.04.2025 (Թարմացված է: 11:38 02.04.2025) Իրանի ԱԳՆ–ն հայտնել է, որ համաձայնեցված է ՄԱԳԱՏԷ-ի ղեկավար Գրոսսիի այցը Թեհրան։
ԵՐԵՎԱՆ, 2 ապրիլի – Sputnik. Իրանը երբեք չի ձգտել միջուկային զենքի։ Այս հայտարարությունն արել է Իրանի արտգործնախարար Աբբաս Արաղչին։
Ավելի վաղ ԱՄՆ նախագահ Դոնալդ Թրամփը «NBC News»-ի հետ զրույցում սպառնացել էր «աննախադեպ ռմբակոծություններով», եթե ԱՄՆ-ն ու Իրանը համաձայնագիր չկնքեն։
«Իրանը կրկին հայտարարում է, որ երբեք և ոչ մի դեպքում չի ձգտի փնտրել, արտադրել կամ ձեռք բերել միջուկային զենք: ՀԳՀԾ-ի ստորագրումից 10 տարի անց և ԱՄՆ–ի միակողմանի դուրս գալուց յոթ տարի անց որևէ ապացույց չկա, որ Իրանը խախտել է ՀԳՀԾ-ով նախատեսված իր պարտավորությունները: Դա ընդունել է նույնիսկ Ազգային հետախուզության տնօրեն Թուլսի Գաբարդը», – գրել է Արաղչին X սոցցանցում (նախկին Twitter)։
Նա նշել է, որ միջուկային ծրագրի հարցի շուրջ արևմտյան երկրների հետ Իրանի փոխգործակցության դիվանագիտական ճանապարհն ապացուցել է իր արդյունավետությունն անցյալում և կարող է արդյունավետ մնալ մինչ օրս։
«Սակայն բոլորին պետք է հստակ հասկացնել, որ ռազմական այլընտրանք չկա, էլ չեմ խոսում ռազմական ճանապարհի մասին։ Մերձավոր Արևելքում աղետալի ձախողումները, որոնք ԱՄՆ նախկին վարչակազմին ավելի քան 7 տրիլիոն դոլար արժեցան, ինքին խոսուն են», – հավելել է իրանցի դիվանագետը։
Ավելի վաղ Իրանի ԱԳՆ-ն հայտնել էր, որ Արաղչին հեռախոսով զրուցել է ՄԱԳԱՏԷ-ի գլխավոր տնօրեն Ռաֆայել Գրոսսիի հետ, քննարկել են իրանական միջուկային ծրագրի հետ կապված բանակցությունների շուրջ ստեղծված իրավիճակը։ Առաջիկայում Գրոսսին կայցելի Թեհրան։
Դեռևս փետրվարին ԱՄՆ նախագահ
Դոնալդ Թրամփը հայտարարել էր, որ պատրաստ է գործարք կնքել Իրանի հետ՝ նրա դեմ ռազմական գործողությունների փոխարեն: Թրամփն ասել էր, որ ցանկանում է Իրանի հետ կնքել «վավերացված» միջուկային խաղաղության համաձայնագիր, որը թույլ կտա Թեհրանին զարգանալ և բարգավաճել խաղաղ պայմաններում։ Նա կոչ էր արել անհապաղ սկսել աշխատանքները:
Մարտի սկզբին Դոնալդ Թրամփը հայտնել էր, որ նամակ է հղել Իրանի գերագույն առաջնորդ Ալի Խամենեիին և գրել, որ նախընտրում է միջուկային հարցը կարգավորել խաղաղ ճանապարհով: Ավելի ուշ նա հստակեցրել էր, որ դիտարկում է երկու սցենար՝ դիվանագիտական և ռազմական՝ առաջնահերթություն տալով բանակցություններին։ Ըստ «Axios»–ի` Խամենեիին ուղղված նամակում Թրամփը պայման է դրել` նոր միջուկային գործարքը կնքել երկու ամսվա ընթացքում:
Մարտի 27-ի երեկոյան Իրանի ԱԳՆ ղեկավարը հայտարարեց, որ Թրամփի նամակի պատասխանն ուղարկվել է Օմանով։ Իրանի նախագահ Մասուդ Փեզեշքիանի խոսքով` Թեհրանը Վաշինգտոնին ուղղված պատասխան նամակում հրաժարվել է միջուկային ծրագրի շուրջ ԱՄՆ-ի հետ ուղիղ բանակցություններից, բանակցությունների պատուհանը բաց է միայն երրորդ երկրների միջնորդությամբ։
