Երևանում հարգանքի տուրք են մատուցել Խորհրդային Միության հերոս Նելսոն Ստեփանյանի հիշատակին
17:01 28.03.2025 (Թարմացված է: 17:03 28.03.2025)
Երևանում հարգանքի տուրք են մատուցել Խորհրդային Միության հերոս Նելսոն Ստեփանյանի հիշատակին
© Photo : Русский дом в Армении
Բաժանորդագրվել
Միջոցառմանը ներկա է եղել նաև հերոսի թոռնուհին՝ Աննա Ստեփանյանը:
ԵՐԵՎԱՆ, 28 մարտի – Sputnik. Երևանում նշվել է ռազմական օդաչու, Խորհրդային Միության կրկնակի հերոս Նելսոն Ստեփանյանի ծննդյան 112-րդ տարեդարձը։ Տեղեկությունը հայտնում է Հայաստանում Ռոսսոտրուդնիչեստվոյի ներկայացուցչության մամուլի ծառայությունը:
Երևանում հարգանքի տուրք են մատուցել Խորհրդային Միության հերոս Նելսոն Ստեփանյանի հիշատակին
© Photo : Русский дом в Армении
«Հայ ժողովրդի մեծ զավակի ծննդյան օրը ծաղկեպսակներ դրվեցին Երևանում գտնվող նրա հուշարձանի մոտ: Լեգենդար օդաչուի հիշատակը հարգելու էին եկել Գիտության և մշակույթի ռուսական կենտրոնի, Հայաստանում Ռուսաստանի դեսպանատան, ռուսական 102-րդ ռազմաբազայի, Երևանում Մոսկվայի տան, Հայաստանի վետերանների միավորման ներկայացուցիչները, Երևանի Նելսոն Ստեփանյանի անվան թիվ 71 հիմնական դպրոցի աշակերտները» - ասված է հաղորդագրության մեջ:
Երևանում հարգանքի տուրք են մատուցել Խորհրդային Միության հերոս Նելսոն Ստեփանյանի հիշատակին
© Photo : Русский дом в Армении
Միջոցառման ընթացքում հերոսի թոռնուհին՝ Աննա Ստեփանյանը, նշել է` կան արժեքներ, որոնք պետք է սերնդեսերունդ փոխանցվեն:
«Չպետք է մոռանալ նրանց, ովքեր պայքարել են, ովքեր իրենց զոհաբերել են հանուն ապագայի։ Նելսոն Ստեփանյանն իր կյանքի 31 տարիների ընթացքում արել է այն, ինչը շատերին չի հաջողվում ամբողջ կյանքում։ Նրա անունը պետք է մնա պատմության մեջ, նրա սխրանքը չպետք է մոռացվի», - ընդգծել է նա։
Հայաստանի վետերանների միավորման նախագահ Սիմոն Եսայանը թվարկել է Նելսոն Ստեփանյանի մարտական սխրանքները` «Բալթյան արծիվը» ոչնչացրել է 13 նավ, 27 ինքնաթիռ, 80 տանկ, 600 ավտոմեքենա, հակաօդային պաշտպանության 100 զենիթային զենք, գնդացրի 130 կրակաբույն, 4 անցում, 40 երկաթուղային վագոն։ Տարբեր ավիացիոն էսկադրիլիաների կազմում Ստեփանյանը մասնակցել է Օդեսայի պաշտպանությանը, Տիրասպոլ-Մելիտոպոլ գործողությանը, կռվել Լենինգրադի համար, մասնակցել Ղրիմի ազատագրմանը և մարտական առաջադրանքներ կատարել Ֆիննական ծոցի վրա։
1944 թվականի դեկտեմբերի 14–ին Ստեփանյանը կատարել է իր վերջին՝ 259-րդ մարտական թռիչքը։ Որպես գնդի հրամանատար՝ նա ղեկավարել է գրոհայինների մի խումբ, որոնք մասնակցել են «Արկտուրուս» գործողությանը՝ Լիեպայայի նավահանգստում գերմանական նավային ջոկատը ոչնչացնելու համար։ Առաջադրանքի կատարման ժամանակ նրա ինքնաթիռը խոցվել է։
ԽՍՀՄ Գերագույն Խորհրդի նախագահության` 1945 թվականի մարտի 6-ի հրամանագրով փոխգնդապետ Նելսոն Ստեփանյանն արժանացել է Խորհրդային Միության հերոսի երկրորդ մեդալի (հետմահու):
