https://arm.sputniknews.ru/20250327/gagauziaji-ghekavari-dzerbakalutjuny-nra-ugherdzy-putinin-ev-erdvoghanin-87230367.html
Գագաուզիայի ղեկավարի ձերբակալությունը, նրա ուղերձը Պուտինին և Էրդողանին
Գագաուզիայի ղեկավարի ձերբակալությունը, նրա ուղերձը Պուտինին և Էրդողանին
Sputnik Արմենիա
Փաստաբանն անհեթեթ է համարում Գուցուլի նկատմամբ բոլոր կասկածները։ 27.03.2025, Sputnik Արմենիա
2025-03-27T19:31+0400
2025-03-27T19:31+0400
2025-03-27T19:33+0400
մոլդովա
գագաուզիա
ձերբակալություն
եվգենյա գուցուլ
https://cdn.am.sputniknews.ru/img/07e9/03/1b/87226043_0:353:3014:2048_1920x0_80_0_0_c2e145b3128cbd9473e3241d4fe16474.jpg.webp
ԵՐԵՎԱՆ, 27 մարտի – Sputnik. Մոլդովայի Գագաուզիայի ինքնավարության ղեկավար Եվգենյա Գուցուլն արդեն երրորդ օրն է, ինչ ձերբակալվածի կարգավիճակում է։ Նա իրեն ներկայացված մեղադրանքը չի ընդունում և դիմել է Ռուսաստանի և Թուրքիայի նախագահներ Վլադիմիր Պուտինին և Ռեջեփ Թայիփ Էրդողանին՝ խնդրելով ճնշում գործադրել Մոլդովայի իշխանությունների վրա՝ իրեն հնարավորինս արագ արձակելու համար:Գուցուլին ձերբակալել են Քիշնևի օդանավակայանում մարտի 25-ի երեկոյան։ Քաղաքական գործչի անձնագիրը վերցրել են սահմանային անցակետն անցնելու ժամանակ, լիարժեք զննում են անցկացրել և թույլ չեն տվել մեկնել Ստամբուլ (միջազգային լրագրողական կոնգրեսի)` չնայած նա հետադարձ տոմս է ունեցել։Գուցուլի ձերբակալությունը հանրային լայն արձագանք է առաջացրել, Գագաուզիայի մայրաքաղաք Կոմրատում ակցիաներ են անցկացվում ի աջակցություն Գուցուլի, իսկ Մոլդովայի դատախազությունը 30 օրով նրան կալանավորելու հայց է պատրաստում:Գուցուլի ձերբակալությունըԳուցուլին մարտի 25-ին Քիշնևի օդանավակայանից տեղափոխել են Ազգային հակակոռուպցիոն կենտրոն։ Այնուհետև կենտրոնից հայտնել են, որ Գուցուլին 72 ժամով ձերբակալել են ընտրական ֆոնդերի կառավարման կարգի խախտման, ընտրություններում մրցակիցների անօրինական ֆինանսավորման և փաստաթղթերի կեղծման գործի շրջանակում:Գագաուզիայի ղեկավարի փաստաբան Նատալյա Բայրամը հայտարարել է, որ Եվգենյա Գուցուլն իրեն մեղավոր չի ճանաչում, իսկ նրա նկատմամբ կասկածներն անհեթեթ են:Ինքը՝ Գուցուլը, հայտարարել է, որ իրեն առաջարկել են դադարեցնել քրեական հետապնդումը շրջանի ղեկավարի պաշտոնից հրաժարվելու և երկրից անհապաղ դուրս գալու դիմաց:Ի պաշտպանություն Գագաուզիայի ղեկավարի բողոքի ակցիաներ են անցկացվումՀենց Գուցուլի ձերբակալության օրը Գագաուզիայի ինքնավարությունում սկսվել են նրա կողմնակիցների հանրահավաքներն ու երթերը։Նույն օրը (մարտի 25-ին) մոլդովական իշխանությունները սկսել են ոստիկանական ուժեր տեղափոխել ինքնավարության մայրաքաղաք Կոմրատ:Բացի այդ, մոլդովական ընդդիմությունը հայտարարել է Գուցուլի ձերբակալության հարցով ՄԻԵԴ դիմելու մտադրության մասին:Մարտի 27-ին ի պաշտպանություն Գուցուլի հանրահավաք է սկսվել նաև Մոսկվայում Մոլդովայի դեսպանատան մոտ։Ինչպես է ՌԴ–ն արձագանքել Գուցուլի ձերբակալությանըՌԴ նախագահի մամուլի քարտուղար Դմիտրի Պեսկովը հայտարարել է, որ Մոսկվան դատապարտում է ընդդիմադիր քաղաքական գործիչների հետապնդումները Մոլդովայում և կարծում է, որ Քիշնևը պետք է հրաժարվի ճնշման մեթոդներից և ազատություն տա երկրի բոլոր քաղաքական ուժերին։ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Մոլդովայում ավելի ու ավելի հաճախ են ճնշումների ենթարկվում այն լրագրողներն ու քաղաքական գործիչները, որոնք հանդես են գալիս Ռուսաստանի հետ կառուցողական հարաբերությունների օգտին:Մոլդովան միացել է «Ռոսիա սեգոդնյա» մեդիախմբի դեմ ԱՄՆ-ի պատժամիջոցներինԳագաուզիայի ղեկավարի հնարավոր կալանավորումը մեկնաբանել է նաև «Ռոսիա սեգոդնյա» մեդիախմբի և RT հեռուստաալիքի գլխավոր խմբագիր Մարգարիտա Սիմոնյանը՝ ընդգծելով, որ Մոլդովան չի ամաչում ձերբակալել գործող իշխանությանը մրցակից հանդիսացող անձանց։Նշենք, որ մարտի 27-ին արգելել են Քիշնևից դուրս գալ մոլդովական ընդդիմադիր «Շանս» կուսակցության առաջնորդ Ալեքսեյ Լունգուին: Նրան Ազգային հակակոռուպցիոն կենտրոն ներկայանալու մասին ծանուցագիր են հանձնել։Հիշեցնենք` ձերբակալությունից ընդամենը մի քանի օր առաջ Գուցուլը հայտարարել էր, որ չնայած Քիշնևի ստեղծած խոչընդոտներին, Գագաուզիան մեծ շուքով կնշի մեծ հաղթանակի 80-ամյակը, քանի որ ինքնավարության գործադիր կոմիտեն (կառավարությունը) 2025 թվականը հայտարարել է Հայրենական մեծ պատերազմում հաղթանակի 80-ամյակի տարի։Մոլդովային նոտա է հանձնվել՝ պահանջելով բացատրել ՌԴ դեսպանի հավատարմագրերը չընդունելը
մոլդովա
գագաուզիա
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
մոլդովա, գագաուզիա, ձերբակալություն, եվգենյա գուցուլ
մոլդովա, գագաուզիա, ձերբակալություն, եվգենյա գուցուլ
Գագաուզիայի ղեկավարի ձերբակալությունը, նրա ուղերձը Պուտինին և Էրդողանին
19:31 27.03.2025 (Թարմացված է: 19:33 27.03.2025) Փաստաբանն անհեթեթ է համարում Գուցուլի նկատմամբ բոլոր կասկածները։
ԵՐԵՎԱՆ, 27 մարտի – Sputnik. Մոլդովայի Գագաուզիայի ինքնավարության ղեկավար Եվգենյա Գուցուլն արդեն երրորդ օրն է, ինչ ձերբակալվածի կարգավիճակում է։ Նա իրեն ներկայացված մեղադրանքը չի ընդունում և դիմել է Ռուսաստանի և Թուրքիայի նախագահներ Վլադիմիր Պուտինին և Ռեջեփ Թայիփ Էրդողանին՝ խնդրելով ճնշում գործադրել Մոլդովայի իշխանությունների վրա՝ իրեն հնարավորինս արագ արձակելու համար:
Գուցուլին ձերբակալել են Քիշնևի օդանավակայանում մարտի 25-ի երեկոյան։ Քաղաքական գործչի անձնագիրը վերցրել են սահմանային անցակետն անցնելու ժամանակ, լիարժեք զննում են անցկացրել և թույլ չեն տվել մեկնել Ստամբուլ (միջազգային լրագրողական կոնգրեսի)` չնայած նա հետադարձ տոմս է ունեցել։
Գուցուլի ձերբակալությունը հանրային լայն արձագանք է առաջացրել, Գագաուզիայի մայրաքաղաք Կոմրատում ակցիաներ են անցկացվում ի աջակցություն Գուցուլի, իսկ Մոլդովայի դատախազությունը 30 օրով նրան կալանավորելու հայց է պատրաստում:
Գուցուլի ձերբակալությունը
Գուցուլին մարտի 25-ին Քիշնևի օդանավակայանից տեղափոխել են Ազգային հակակոռուպցիոն կենտրոն։ Այնուհետև կենտրոնից հայտնել են, որ Գուցուլին 72 ժամով ձերբակալել են ընտրական ֆոնդերի կառավարման կարգի խախտման, ընտրություններում մրցակիցների անօրինական ֆինանսավորման և փաստաթղթերի կեղծման գործի շրջանակում:
Գագաուզիայի ղեկավարի փաստաբան Նատալյա Բայրամը հայտարարել է, որ Եվգենյա Գուցուլն իրեն մեղավոր չի ճանաչում, իսկ նրա նկատմամբ կասկածներն անհեթեթ են:
Ինքը՝ Գուցուլը, հայտարարել է, որ իրեն առաջարկել են դադարեցնել քրեական հետապնդումը շրջանի ղեկավարի պաշտոնից հրաժարվելու և երկրից անհապաղ դուրս գալու դիմաց:
Ի պաշտպանություն Գագաուզիայի ղեկավարի բողոքի ակցիաներ են անցկացվում
Հենց Գուցուլի ձերբակալության օրը Գագաուզիայի ինքնավարությունում սկսվել են նրա կողմնակիցների հանրահավաքներն ու երթերը։
Նույն օրը (մարտի 25-ին) մոլդովական իշխանությունները սկսել են ոստիկանական ուժեր տեղափոխել ինքնավարության մայրաքաղաք Կոմրատ:
Բացի այդ, մոլդովական ընդդիմությունը հայտարարել է Գուցուլի ձերբակալության հարցով ՄԻԵԴ դիմելու մտադրության մասին:
Մարտի 27-ին ի պաշտպանություն Գուցուլի հանրահավաք է սկսվել նաև Մոսկվայում Մոլդովայի դեսպանատան մոտ։
Ինչպես է ՌԴ–ն արձագանքել Գուցուլի ձերբակալությանը
ՌԴ նախագահի մամուլի քարտուղար Դմիտրի Պեսկովը հայտարարել է, որ Մոսկվան դատապարտում է ընդդիմադիր քաղաքական գործիչների հետապնդումները Մոլդովայում և կարծում է, որ Քիշնևը պետք է հրաժարվի ճնշման մեթոդներից և ազատություն տա երկրի բոլոր քաղաքական ուժերին։
ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Մոլդովայում ավելի ու ավելի հաճախ են ճնշումների ենթարկվում այն լրագրողներն ու քաղաքական գործիչները, որոնք հանդես են գալիս Ռուսաստանի հետ կառուցողական հարաբերությունների օգտին:
Գագաուզիայի ղեկավարի հնարավոր կալանավորումը մեկնաբանել է նաև «Ռոսիա սեգոդնյա» մեդիախմբի և RT հեռուստաալիքի գլխավոր խմբագիր Մարգարիտա Սիմոնյանը՝ ընդգծելով, որ Մոլդովան չի ամաչում ձերբակալել գործող իշխանությանը մրցակից հանդիսացող անձանց։
Նշենք, որ մարտի 27-ին արգելել են Քիշնևից դուրս գալ մոլդովական ընդդիմադիր «Շանս» կուսակցության առաջնորդ Ալեքսեյ Լունգուին: Նրան Ազգային հակակոռուպցիոն կենտրոն ներկայանալու մասին ծանուցագիր են հանձնել։
Հիշեցնենք` ձերբակալությունից ընդամենը մի քանի օր առաջ Գուցուլը հայտարարել էր, որ չնայած Քիշնևի ստեղծած խոչընդոտներին, Գագաուզիան մեծ շուքով կնշի մեծ հաղթանակի 80-ամյակը, քանի որ ինքնավարության գործադիր կոմիտեն (կառավարությունը) 2025 թվականը հայտարարել է Հայրենական մեծ պատերազմում հաղթանակի 80-ամյակի տարի։
