https://arm.sputniknews.ru/20250327/adrbejanum-haj-bantarkjalneri-dajvatsqnery-pvordzum-en-ajrelvov-jnjel-uscirfi-zekujcy-87233821.html
Ադրբեջանում հայ բանտարկյալների դաջվածքները փորձում են այրելով ջնջել. USCIRF–ի զեկույցը
Ադրբեջանում հայ բանտարկյալների դաջվածքները փորձում են այրելով ջնջել. USCIRF–ի զեկույցը
Sputnik Արմենիա
Ամերիկյան կազմակերպությունն իր զեկույցում անդրադարձել է հայ ռազմագերիներին ու Լեռնային Ղարաբաղում հայկական հուշարձանների ոչնչացմանը։ 27.03.2025, Sputnik Արմենիա
2025-03-27T21:37+0400
2025-03-27T21:37+0400
2025-03-27T21:57+0400
ադրբեջան
գերի
լեռնային ղարաբաղ
հուշարձան
https://cdn.am.sputniknews.ru/img/985/09/9850946_0:151:1600:1051_1920x0_80_0_0_017721561a13987a5af3e4aff00ebcfc.jpg.webp
ԵՐԵՎԱՆ, 27 մարտի – Sputnik. Ադրբեջանում հայ բանտարկյալները բռնության են ենթարկվում կրոնական հիմքով։ Այս մասին նշված է ԱՄՆ միջազգային կրոնական ազատության հանձնաժողովի (USCIRF) հրապարակած զեկույցում։Նշվում է, որ թեպետ Ադրբեջանի Սահմանադրությունը կրոնի ազատություն է երաշխավորում, սակայն կա պետական վերահսկողություն, որը ճնշում է կրոնի ազատությունը։ Մատնանշվում են երկրում կրոնական ազատության աղաղակող խախտումներ, ինչպես, օրինակ, կրոնական գործիչների փաստագրված խոշտանգումներ, ներառյալ՝ ծեծ, բռնաբարության սպառնալիքներ և սարսափելի պայմաններում կալանք։ԱՄՆ միջազգային կրոնական ազատության հանձնաժողովն անդրադարձել է նաև Ադրբեջանի կողմից Լեռնային Ղարաբաղի տարածքում հայկական պատմամշակութային հուշարձանների ոչնչացման թեմային։Նշվում է, որ Caucasus Heritage Watch (CHW)-ն արբանյակային փաստագրումներ է տրամադրել ԼՂ–ում վտանգված կրոնական վայրերի վերաբերյալ:2024 թվականի հունիսին CHW-ն հայտնել է հայկական կրոնական վայրերի, այդ թվում՝ 19-րդ դարի եկեղեցու, երկու գերեզմանների և այլ հուշարձանների ոչնչացման մասին:Ամերիկյան «Freedom House» ոչ կառավարական կազմակերպությունն էլ նշել է, որ 2020 և 2023 թվականներին ռազմական գործողությունների ժամանակ Ադրբեջանն իրականացրել է Լեռնային Ղարաբաղն էթնիկ հայ բնակչությունից և պատմական, մշակութային ներկայությունից դատարկելու համապարփակ ռազմավարություն։ Ադրբեջանի այս գործողությունները կազմակերպությունն անվանել է կրոնական հանցագործություններ, նաև օգտագործել «ռազմական հանցագործություն» ձևակերպումը:USCIRF-ն ԱՄՆ կառավարությանն ու Կոնգրեսին առաջարկել է մի շարք քայլեր ձեռնարկել, մասնավորապես թիրախային պատժամիջոցներ սահմանել Ադրբեջանի նկատմամբ, թույլ տալ, որ անկախ միջազգային դիտորդները, օրինակ` ՄԱԿ-ի ներկայացուցիչներն այցելեն Լեռնային Ղարաբաղ և հարակից տարածքներ՝ մշակութային և կրոնական ժաանգության ցանկը ստուգելու և փաստաթղթավորելու համար: Կառույցը նաև առաջարկել է լսումներ անցկացնել Սենատի արտաքին հարաբերությունների հանձնաժողովում։
ադրբեջան
լեռնային ղարաբաղ
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ադրբեջան, գերի, լեռնային ղարաբաղ, հուշարձան
ադրբեջան, գերի, լեռնային ղարաբաղ, հուշարձան
Ադրբեջանում հայ բանտարկյալների դաջվածքները փորձում են այրելով ջնջել. USCIRF–ի զեկույցը
21:37 27.03.2025 (Թարմացված է: 21:57 27.03.2025) Ամերիկյան կազմակերպությունն իր զեկույցում անդրադարձել է հայ ռազմագերիներին ու Լեռնային Ղարաբաղում հայկական հուշարձանների ոչնչացմանը։
ԵՐԵՎԱՆ, 27 մարտի – Sputnik. Ադրբեջանում հայ բանտարկյալները բռնության են ենթարկվում կրոնական հիմքով։ Այս մասին նշված է ԱՄՆ միջազգային կրոնական ազատության հանձնաժողովի (USCIRF) հրապարակած
զեկույցում։
Նշվում է, որ թեպետ Ադրբեջանի Սահմանադրությունը կրոնի ազատություն է երաշխավորում, սակայն կա պետական վերահսկողություն, որը ճնշում է կրոնի ազատությունը։ Մատնանշվում են երկրում կրոնական ազատության աղաղակող խախտումներ, ինչպես, օրինակ, կրոնական գործիչների փաստագրված խոշտանգումներ, ներառյալ՝ ծեծ, բռնաբարության սպառնալիքներ և սարսափելի պայմաններում կալանք։
«Հայ քրիստոնյա բանտարկյալները հաճախ դառնում են դաժան վերաբերմունքի թիրախ, ենթարկվում ծեծի, հոգեբանական բռնության, բժշկական օգնության հասանելիության և նորմալ սննդի բացակայության։ Կրոնական հետապնդումները փաստագրվում են նաև խաչի տեսքով դաջվածքները այրելով ջնջելու փորձերով»,– ասված է զեկույցում։
ԱՄՆ միջազգային կրոնական ազատության հանձնաժողովն անդրադարձել է նաև Ադրբեջանի կողմից Լեռնային Ղարաբաղի տարածքում հայկական պատմամշակութային հուշարձանների ոչնչացման թեմային։
Նշվում է, որ Caucasus Heritage Watch (CHW)-ն արբանյակային փաստագրումներ է տրամադրել ԼՂ–ում վտանգված կրոնական վայրերի վերաբերյալ:
2024 թվականի հունիսին CHW-ն հայտնել է հայկական կրոնական վայրերի, այդ թվում՝ 19-րդ դարի եկեղեցու, երկու գերեզմանների և այլ հուշարձանների ոչնչացման մասին:
Ամերիկյան «Freedom House» ոչ կառավարական կազմակերպությունն էլ նշել է, որ 2020 և 2023 թվականներին ռազմական գործողությունների ժամանակ Ադրբեջանն իրականացրել է Լեռնային Ղարաբաղն էթնիկ հայ բնակչությունից և պատմական, մշակութային ներկայությունից դատարկելու համապարփակ ռազմավարություն։ Ադրբեջանի այս գործողությունները կազմակերպությունն անվանել է կրոնական հանցագործություններ, նաև օգտագործել «ռազմական հանցագործություն» ձևակերպումը:
USCIRF-ն ԱՄՆ կառավարությանն ու Կոնգրեսին առաջարկել է մի շարք քայլեր ձեռնարկել, մասնավորապես թիրախային պատժամիջոցներ սահմանել Ադրբեջանի նկատմամբ, թույլ տալ, որ անկախ միջազգային դիտորդները, օրինակ` ՄԱԿ-ի ներկայացուցիչներն այցելեն Լեռնային Ղարաբաղ և հարակից տարածքներ՝ մշակութային և կրոնական ժաանգության ցանկը ստուգելու և փաստաթղթավորելու համար: Կառույցը նաև առաջարկել է լսումներ անցկացնել Սենատի արտաքին հարաբերությունների հանձնաժողովում։
