https://arm.sputniknews.ru/20250325/shurj-40-tavushci-erekhaner-hjurynkalvecin-hajastani-azgajin-patkerasrahum-87127400.html
Շուրջ 40 տավուշցի երեխաներ հյուրընկալվեցին Հայաստանի ազգային պատկերասրահում
Շուրջ 40 տավուշցի երեխաներ հյուրընկալվեցին Հայաստանի ազգային պատկերասրահում
Sputnik Արմենիա
Ծրագրի ավարտին երեխաները լրացնելու են փոքրիկ հարցաթերթիկ և գնահատեն դրա արդյունավետությունը։ 25.03.2025, Sputnik Արմենիա
2025-03-25T15:23+0400
2025-03-25T15:23+0400
2025-03-25T18:26+0400
‹‹իմ քայլը›› հիմնադրամ
հայաստանի ազգային պատկերասրահ
https://cdn.am.sputniknews.ru/img/07e9/03/19/87137707_0:0:1600:901_1920x0_80_0_0_81123bb25ce95fdecca03ea46081e61e.jpg.webp
ԵՐԵՎԱՆ, 25 մարտի – Sputnik․ Շուրջ 40 երեխաներ Տավուշի տարբեր սահմանամերձ գյուղերից «Մշակութային ճամփորդություն Հայաստանում» ծրագրի շրջանակներում հյուրընկալվեցին Հայաստանի ազգային պատկերասրահում։Ծրագրի ղեկավար Անի Թովմասյանը նկատեց` սա երեխաների առաջին այցելությունն է մշակութային կենտրոն, սակայն ծրագրված է, որ տարբեր մարզերի երեխաները պետք է պարբերաբար այցելեն տարբեր թանգարաններ, թատրոններ և համերգասրահներ։ Բոլոր այցերն ունենալու են գործնական և տեսական հատվածներ։7-րդ դասարանցի աշակերտուհի Սոնա Ամիրխանյանը պատմեց, որ առաջին անգամ չէ Երևանում, բայց պատկերասրահ առաջին անգամ է այցելում և տպավորված է։ Նաև շատ կուզեր տեսնել Անահիտ աստվածուհու հայտնի բրոնզե արձանի գլուխը, որն ցուցադրված է Հայաստանի պատմության թանգարանում «Մայր աստվածություն. Անահիտից Մարիամ» ցուցահանդեսի շրջաակներում։Իսկ Մոնթե Միքայելյանը Բաղանիսից նշում է` տղայական խաղերն ու կարուսելները զվարճալի են, բայց այս ճամփորդությունը Երևան հենց թանգարանային այցով է հիշվելու։ Նա էլ է առաջին անգամ պատկերասրահում ու արդեն մտածում է կրկին վերադառնալ ու դանդաղ շրջել ցուցասրահներում։«Շատ կուզեմ տեսնել եզակի բաներ, որ ոչ մի ուրիշ տեղ չկա։ Իհարկե ընկերներիս էլ կպատմեմ, ու գուցե միասին էլ գանք», – նշեց նա։Մարզաբնակ երեխաների խմբերից մեկը հյուրընկալվելու է Չինական արվեստի կենտրոնում: Այս համատեքստում ՀՀ-ում ՉԺՀ գործերի ժամանակավոր հավատարմատար Չեն Մինը կարևորեց երկու ժողովուրդների մշակութային շփումը:«Մեր երկրների բարեկամական կապերը սկսում են դեռևս Մետաքսե ճանապարհից: Մեր երկրները համարվում են հին մշակույթը կրող պետություններ, ուստի մենք պետք է ծանոթ լինենք միմյանց մշակույթին և սերտացնենք մեր կապերը», - նշեց նա:Միջոցառմանը ներկա էր նաև «Իմ քայլը» հիմնադրամի գործադիր տնօրեն Աննա Հակոբյանը:Նշենք, որ «Մշակութային ճամփորդություն Հայաստանում» ծրագիրը իրականացնում է «Իմ քայլը» հիմնադրամը։ Ծրագրի ավարտին երեխաները լրացնելու են փոքրիկ հարցաթերթիկ, որի միջոցով կգնահատվի արդյունավետությունը և ստացած գիտելիքները մշակութային փորձառությունից։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
‹‹իմ քայլը›› հիմնադրամ, հայաստանի ազգային պատկերասրահ
‹‹իմ քայլը›› հիմնադրամ, հայաստանի ազգային պատկերասրահ
Շուրջ 40 տավուշցի երեխաներ հյուրընկալվեցին Հայաստանի ազգային պատկերասրահում
15:23 25.03.2025 (Թարմացված է: 18:26 25.03.2025) Ծրագրի ավարտին երեխաները լրացնելու են փոքրիկ հարցաթերթիկ և գնահատեն դրա արդյունավետությունը։
ԵՐԵՎԱՆ, 25 մարտի – Sputnik․ Շուրջ 40 երեխաներ Տավուշի տարբեր սահմանամերձ գյուղերից «Մշակութային ճամփորդություն Հայաստանում» ծրագրի շրջանակներում հյուրընկալվեցին Հայաստանի ազգային պատկերասրահում։
Ծրագրի ղեկավար Անի Թովմասյանը նկատեց` սա երեխաների առաջին այցելությունն է մշակութային կենտրոն, սակայն ծրագրված է, որ տարբեր մարզերի երեխաները պետք է պարբերաբար այցելեն տարբեր թանգարաններ, թատրոններ և համերգասրահներ։ Բոլոր այցերն ունենալու են գործնական և տեսական հատվածներ։
«Ծրագրի նպատակն է արվեստի հանդեպ սեր ունեցող երեխաներին ծանոթացնել Հայաստանի հարուստ մշակութային ժառանգությանը։ Նաև նպատակ ունենք ընդլայնել երեխաների գիտելիքներն ու մտահորիզոնը», – նշեց նա։
7-րդ դասարանցի աշակերտուհի Սոնա Ամիրխանյանը պատմեց, որ առաջին անգամ չէ Երևանում, բայց պատկերասրահ առաջին անգամ է այցելում և տպավորված է։ Նաև շատ կուզեր տեսնել Անահիտ աստվածուհու հայտնի բրոնզե արձանի գլուխը, որն ցուցադրված է Հայաստանի պատմության թանգարանում «Մայր աստվածություն. Անահիտից Մարիամ» ցուցահանդեսի շրջաակներում։
Իսկ Մոնթե Միքայելյանը Բաղանիսից նշում է` տղայական խաղերն ու կարուսելները զվարճալի են, բայց այս ճամփորդությունը Երևան հենց թանգարանային այցով է հիշվելու։ Նա էլ է առաջին անգամ պատկերասրահում ու արդեն մտածում է կրկին վերադառնալ ու դանդաղ շրջել ցուցասրահներում։
«Շատ կուզեմ տեսնել եզակի բաներ, որ ոչ մի ուրիշ տեղ չկա։ Իհարկե ընկերներիս էլ կպատմեմ, ու գուցե միասին էլ գանք», – նշեց նա։
Մարզաբնակ երեխաների խմբերից մեկը հյուրընկալվելու է Չինական արվեստի կենտրոնում: Այս համատեքստում ՀՀ-ում ՉԺՀ գործերի ժամանակավոր հավատարմատար Չեն Մինը կարևորեց երկու ժողովուրդների մշակութային շփումը:
«Մեր երկրների բարեկամական կապերը սկսում են դեռևս Մետաքսե ճանապարհից: Մեր երկրները համարվում են հին մշակույթը կրող պետություններ, ուստի մենք պետք է ծանոթ լինենք միմյանց մշակույթին և սերտացնենք մեր կապերը», - նշեց նա:
Միջոցառմանը ներկա էր նաև «Իմ քայլը» հիմնադրամի գործադիր տնօրեն Աննա Հակոբյանը:
Նշենք, որ «Մշակութային ճամփորդություն Հայաստանում» ծրագիրը իրականացնում է «Իմ քայլը» հիմնադրամը։ Ծրագրի ավարտին երեխաները լրացնելու են փոքրիկ հարցաթերթիկ, որի միջոցով կգնահատվի արդյունավետությունը և ստացած գիտելիքները մշակութային փորձառությունից։
