https://arm.sputniknews.ru/20250325/hhiran-haraberutjunnery-himnvats-en-bnakan-shaheri-vra-pashinjann-yndunel-e-araghchiin-87133662.html
ՀՀ–Իրան հարաբերությունները հիմնված են բնական շահերի վրա. Փաշինյանն ընդունել է Արաղչիին
ՀՀ–Իրան հարաբերությունները հիմնված են բնական շահերի վրա. Փաշինյանն ընդունել է Արաղչիին
Sputnik Արմենիա
Իրանի արտգործնախարարը նշել է, որ երկու երկրների միջև հարաբերություններն ունեն ռազմավարական նշանակություն, և տեղի ունեցող զարգացումներն ավելի են ընդգծում... 25.03.2025, Sputnik Արմենիա
2025-03-25T17:02+0400
2025-03-25T17:02+0400
2025-03-25T17:04+0400
հայաստան
նիկոլ փաշինյան
հայաստան–իրան գործակցություն
աբբաս արաղչի
https://cdn.am.sputniknews.ru/img/07e9/03/19/87132929_0:0:1600:901_1920x0_80_0_0_f976b69b9c841f6ac04897a6446800e7.jpg.webp
ԵՐԵՎԱՆ, 25 մարտի – Sputnik. Հայաստանի և Իրանի միջև հարաբերությունները հիմնված են բնական շահերի վրա, ինչը կարևոր հիմք և երաշխիք է հարաբերությունների հետագա զարգացման ու ընդլայնման համար: Այս հայտարարությունն արել է ՀՀ վարչապետ Նիկոլ Փաշինյանը Իրանի Իսլամական Հանրապետության արտաքին գործերի նախարար Սեյեդ Աբբաս Արաղչիի հետ հանդիպման ժամանակ։ Տեղեկությունը հայտնում է վարչապետի մամուլի ծառայությունը։«Երկու երկրների միջև համագործակցությունը հաջողությամբ զարգանում է, և դրա կարևոր նախապայմաններից մեկն այն է, որ կողմերը կարողացել են փոխադարձ վստահություն ձևավորել»,– ընդգծել է Փաշինյանը։Արաղչին շնորհակալություն է հայտնել ընդունելության համար և Փաշինյանին փոխանցել ԻԻՀ նախագահ Մասուդ Փեզեշքիանի ջերմ ողջույնները:Արաղչին շեշտել է Իրանի շարունակական աջակցությունը Հայաստանի տարածքային ամբողջականությանն ու ընդգծել տարածաշրջանում գոյություն ունեցող սահմանների անխախտելիության կարևորությունը:Զրուցակիցներն անդրադարձել են Հայաստանի և Իրանի միջև տնտեսության, այդ թվում՝ ենթակառուցվածքների և էներգետիկայի ոլորտներում նոր նախագծերի իրականացմանը: Կարևորվել է երկկողմ բարձր մակարդակի փոխայցելությունների կազմակերպումը:Մտքեր են փոխանակվել Հայաստանի և Ադրբեջանի միջև խաղաղության համաձայնագրի ստորագրման, ինչպես նաև երկուստեք հետաքրքրություն ներկայացնող այլ հարցերի շուրջ:Փաշինյանն ընդգծել է, որ ՀՀ կառավարությունը հավատարիմ է խաղաղության օրակարգի հետևողական իրագործմանը: Միաժամանակ Իրանի ԱԳ նախարարը հայտնել է իր երկրի աջակցությունը Հայաստանի և Ադրբեջանի միջև խաղաղության համաձայնագրի ստորագրմանը՝ հավելելով, որ այն կնպաստի տարածաշրջանում կայունության ապահովմանը:ՀՀ վարչապետը խնդրել է իր ջերմ ողջույնները փոխանցել Իսլամական հեղափոխության գերագույն առաջնորդ այաթոլլա Սեյեդ Ալի Խամենեիին և Իրանի նախագահ Մասուդ Փեզեշքիանին:Հիշեցնենք` Սեյեդ Աբբաս Արաղչին պաշտոնական այցով Հայաստան է ժամանել մարտի 24-ին։Իրանի արտգործնախարարը շրջել է Երևանում, մտել հուշանվերների խանութ
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, նիկոլ փաշինյան, հայաստան–իրան գործակցություն, աբբաս արաղչի
հայաստան, նիկոլ փաշինյան, հայաստան–իրան գործակցություն, աբբաս արաղչի
ՀՀ–Իրան հարաբերությունները հիմնված են բնական շահերի վրա. Փաշինյանն ընդունել է Արաղչիին
17:02 25.03.2025 (Թարմացված է: 17:04 25.03.2025) Իրանի արտգործնախարարը նշել է, որ երկու երկրների միջև հարաբերություններն ունեն ռազմավարական նշանակություն, և տեղի ունեցող զարգացումներն ավելի են ընդգծում երկկողմ փոխգործակցության կարևորությունը:
ԵՐԵՎԱՆ, 25 մարտի – Sputnik. Հայաստանի և Իրանի միջև հարաբերությունները հիմնված են բնական շահերի վրա, ինչը կարևոր հիմք և երաշխիք է հարաբերությունների հետագա զարգացման ու ընդլայնման համար: Այս հայտարարությունն արել է ՀՀ վարչապետ Նիկոլ Փաշինյանը Իրանի Իսլամական Հանրապետության արտաքին գործերի նախարար Սեյեդ Աբբաս Արաղչիի հետ հանդիպման ժամանակ։ Տեղեկությունը հայտնում է վարչապետի
մամուլի ծառայությունը։
«Երկու երկրների միջև համագործակցությունը հաջողությամբ զարգանում է, և դրա կարևոր նախապայմաններից մեկն այն է, որ կողմերը կարողացել են փոխադարձ վստահություն ձևավորել»,– ընդգծել է Փաշինյանը։
Արաղչին շնորհակալություն է հայտնել ընդունելության համար և Փաշինյանին փոխանցել ԻԻՀ նախագահ Մասուդ Փեզեշքիանի ջերմ ողջույնները:
Նախարարը նշել է, որ Հայաստանի ու Իրանի հարաբերությունները խարսխված են պատմական տնտեսական և մշակութային հարաբերությունների վրա: Նրա խոսքով՝ երկու երկրների միջև հարաբերություններն ունեն ռազմավարական նշանակություն, և տեղի ունեցող զարգացումներն ավելի են ընդգծում երկկողմ փոխգործակցության կարևորությունը:
Արաղչին շեշտել է Իրանի շարունակական աջակցությունը Հայաստանի տարածքային ամբողջականությանն ու ընդգծել տարածաշրջանում գոյություն ունեցող սահմանների անխախտելիության կարևորությունը:
Զրուցակիցներն անդրադարձել են Հայաստանի և Իրանի միջև տնտեսության, այդ թվում՝ ենթակառուցվածքների և էներգետիկայի ոլորտներում նոր նախագծերի իրականացմանը: Կարևորվել է երկկողմ բարձր մակարդակի փոխայցելությունների կազմակերպումը:
Մտքեր են փոխանակվել Հայաստանի և Ադրբեջանի միջև խաղաղության համաձայնագրի ստորագրման, ինչպես նաև երկուստեք հետաքրքրություն ներկայացնող այլ հարցերի շուրջ:
Փաշինյանն ընդգծել է, որ ՀՀ կառավարությունը հավատարիմ է խաղաղության օրակարգի հետևողական իրագործմանը: Միաժամանակ Իրանի ԱԳ նախարարը հայտնել է իր երկրի աջակցությունը Հայաստանի և Ադրբեջանի միջև խաղաղության համաձայնագրի ստորագրմանը՝ հավելելով, որ այն կնպաստի տարածաշրջանում կայունության ապահովմանը:
ՀՀ վարչապետը խնդրել է իր ջերմ ողջույնները փոխանցել Իսլամական հեղափոխության գերագույն առաջնորդ այաթոլլա Սեյեդ Ալի Խամենեիին և Իրանի նախագահ Մասուդ Փեզեշքիանին:
Հիշեցնենք` Սեյեդ Աբբաս Արաղչին պաշտոնական այցով Հայաստան է ժամանել մարտի 24-ին։
