https://arm.sputniknews.ru/20250324/turqiajum-zangvatsajin-cujcery-veratsvel-en-vostikanutjan-het-bakhumneri-87077093.html
Թուրքիայում զանգվածային ցույցերը վերածվել են ոստիկանության հետ բախումների
Թուրքիայում զանգվածային ցույցերը վերածվել են ոստիկանության հետ բախումների
Sputnik Արմենիա
Իրավապահներն արցունքաբեր գազ ու ջրցան մեքենաներ են կիրառել, ցուցարարներին հարվածել են ոտքերով և մահակներով։ 24.03.2025, Sputnik Արմենիա
2025-03-24T09:54+0400
2025-03-24T09:54+0400
2025-03-24T09:55+0400
թուրքիա
բողոքի ակցիա
ոստիկան
բախումներ
էքրեմ իմամօղլու
տեսանյութ
տեսանյութեր
https://cdn.am.sputniknews.ru/img/07e9/03/18/87076282_0:0:1920:1080_1920x0_80_0_0_224cbb1732ac07f9b3d71cd4e0c22bda.jpg.webp
Այս գիշեր Թուրքիայում զանգվածային բողոքի ցույցեր են տեղի ունեցել։ Երթերի և ցույցերի մասնակիցները պահանջել են ազատ արձակել Ստամբուլի քաղաքապետի պաշտոնից հեռացված և կալանավորված Էքրեմ Իմամօղլուին:Ցուցարարները վանկարկել են` «Մենք Մուստաֆա Քեմալի զինվորներն ենք», «Իրավունք, օրենք, արդարություն», «Կառավարությունը պետք է հրաժարական տա»։Թուրքական ԶԼՄ-ները գրում են, որ Ստամբուլում ակտիվիստներից մեկը հենց բողոքի ակցիայի ժամանակ պատռել է Էրդողանի «Ավելի արդար աշխարհ հնարավոր է» գիրքը (թուրք առաջնորդը ոչ վաղ անցյալում այդ գրքի մի օրինակ նվիրել էր Հայաստանի վարչապետ Նիկոլ Փաշինյանին)։ Իսկ Էսքիշեհիրում ցուցարարները կազմակերպել են թուրք ազգայնականների առաջնորդ և Էրդողանի զինակից Դևլեթ Բահչելիի խորհրդանշական հուղարկավորությունը։Ընդդիմության տվյալներով՝ միայն Ստամբուլում փողոց է դուրս եկել մոտ մեկ միլիոն մարդ` չնայած նրան, որ իշխանությունները Ստամբուլում հավաք անցկացնելու արգելքը երկարաձգել են մինչև մարտի 27-ը։Բողոքի ակցիաներն ակտիվացել են մարտի 23-ին, երբ հայտնի է դարձել, որ դատարանը կոռուպցիոն մեղադրանքով ձերբակալված Իմամօղլուին կալանավորելու որոշում է կայացրել։ Թուրքիայի ՆԳՆ-ի որոշմամբ՝ նա հեռացվել է Ստամբուլի քաղաքապետի պաշտոնից։Երեկ կայացել է նաև Ժողովրդահանրապետական կուսակցության փրայմերիզը՝ ապագա նախագահական ընտրություններում միասնական թեկնածու ընտրելու համար: Կուսակցության ղեկավար Օզգյուր Օզելը հայտնել է, որ կուսակցության թեկնածու Իմամօղլուի օգտին քվեարկել է 14,8 մլն մարդ: Նա ընդգծել է` իրենց անցկացրած փրայմերիզը կասկածի տակ է դնում Թուրքիայի գործող նախագահ Ռեջեփ Թայիփ Էրդողանի լեգիտիմությունը, ուստի երկրում պետք է արտահերթ ընտրություններ անցկացվեն։Հիշեցնենք, որ Իմամօղլուն համարվում է Թուրքիայի գործող նախագահ Ռեջեփ Թայիփ Էրդողանի գլխավոր մրցակիցը։ Թուրքիայի սահմանադրությունը թույլ է տալիս նախագահի թեկնածու առաջադրվել միայն բարձրագույն կրթություն ունեցող անձանց, մինչդեռ Ստամբուլի համալսարանն ավելի վաղ չեղարկել էր Իմամօղլուի դիպլոմը։Էրդողանը մտադիր չէ աչք փակել «փողոցային ահաբեկչության» վրա
թուրքիա
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Антиправительственные митинги в Турции: полиция разгоняет протестующих
Sputnik Արմենիա
Антиправительственные митинги в Турции: полиция разгоняет протестующих
2025-03-24T09:54+0400
true
PT1M32S
Sputnik Արմենիա
media@sputniknews.com
+74956456601
MIA „Rossiya Segodnya“
թուրքիա, բողոքի ակցիա, ոստիկան, բախումներ, էքրեմ իմամօղլու, տեսանյութ, տեսանյութեր, видео
թուրքիա, բողոքի ակցիա, ոստիկան, բախումներ, էքրեմ իմամօղլու, տեսանյութ, տեսանյութեր, видео
Թուրքիայում զանգվածային ցույցերը վերածվել են ոստիկանության հետ բախումների
09:54 24.03.2025 (Թարմացված է: 09:55 24.03.2025) Իրավապահներն արցունքաբեր գազ ու ջրցան մեքենաներ են կիրառել, ցուցարարներին հարվածել են ոտքերով և մահակներով։
Այս գիշեր Թուրքիայում զանգվածային բողոքի ցույցեր են տեղի ունեցել։ Երթերի և ցույցերի մասնակիցները պահանջել են ազատ արձակել Ստամբուլի քաղաքապետի պաշտոնից հեռացված և կալանավորված Էքրեմ Իմամօղլուին:
Ցուցարարները վանկարկել են` «Մենք Մուստաֆա Քեմալի զինվորներն ենք», «Իրավունք, օրենք, արդարություն», «Կառավարությունը պետք է հրաժարական տա»։
Թուրքական ԶԼՄ-ները գրում են, որ Ստամբուլում ակտիվիստներից մեկը հենց բողոքի ակցիայի ժամանակ պատռել է Էրդողանի «Ավելի արդար աշխարհ հնարավոր է» գիրքը (թուրք առաջնորդը ոչ վաղ անցյալում այդ գրքի մի օրինակ նվիրել էր Հայաստանի վարչապետ Նիկոլ Փաշինյանին)։ Իսկ Էսքիշեհիրում ցուցարարները կազմակերպել են թուրք ազգայնականների առաջնորդ և Էրդողանի զինակից Դևլեթ Բահչելիի խորհրդանշական հուղարկավորությունը։
Ընդդիմության տվյալներով՝ միայն Ստամբուլում փողոց է դուրս եկել մոտ մեկ միլիոն մարդ` չնայած նրան, որ իշխանությունները Ստամբուլում հավաք անցկացնելու արգելքը երկարաձգել են մինչև մարտի 27-ը։
Բողոքի ակցիաներն ակտիվացել են մարտի 23-ին, երբ հայտնի է դարձել, որ դատարանը կոռուպցիոն մեղադրանքով ձերբակալված Իմամօղլուին
կալանավորելու որոշում է կայացրել։ Թուրքիայի ՆԳՆ-ի որոշմամբ՝ նա հեռացվել է Ստամբուլի քաղաքապետի պաշտոնից։
Երեկ կայացել է նաև Ժողովրդահանրապետական կուսակցության փրայմերիզը՝ ապագա նախագահական ընտրություններում միասնական թեկնածու ընտրելու համար: Կուսակցության ղեկավար Օզգյուր Օզելը հայտնել է, որ կուսակցության թեկնածու Իմամօղլուի օգտին քվեարկել է 14,8 մլն մարդ: Նա ընդգծել է` իրենց անցկացրած փրայմերիզը կասկածի տակ է դնում Թուրքիայի գործող նախագահ Ռեջեփ Թայիփ Էրդողանի լեգիտիմությունը, ուստի երկրում պետք է արտահերթ ընտրություններ անցկացվեն։
Հիշեցնենք, որ Իմամօղլուն համարվում է Թուրքիայի գործող նախագահ Ռեջեփ Թայիփ Էրդողանի գլխավոր մրցակիցը։ Թուրքիայի սահմանադրությունը թույլ է տալիս նախագահի թեկնածու առաջադրվել միայն բարձրագույն կրթություն ունեցող անձանց, մինչդեռ Ստամբուլի համալսարանն ավելի վաղ չեղարկել էր Իմամօղլուի դիպլոմը։
