https://arm.sputniknews.ru/20250324/ehn-chi-meknabanum-hajastanum-gtnvvogh-evrvopaci-ditvordneri-tshakatagiry-87096727.html
ԵՀ–ն չի մեկնաբանում Հայաստանում գտնվող եվրոպացի դիտորդների ճակատագիրը
ԵՀ–ն չի մեկնաբանում Հայաստանում գտնվող եվրոպացի դիտորդների ճակատագիրը
Sputnik Արմենիա
ԵՄ երկարաժամկետ առաքելությունը Հայաստանում է տեղակայվել 2023 թվականին։ 24.03.2025, Sputnik Արմենիա
2025-03-24T17:12+0400
2025-03-24T17:12+0400
2025-03-24T17:13+0400
հայաստան
եվրահանձնաժողով
դիտորդ
https://cdn.am.sputniknews.ru/img/07e8/04/03/74111278_0:84:1600:984_1920x0_80_0_0_0911b54e09df079271d719164593c00e.jpg
ԵՐԵՎԱՆ, 24 մարտի — Sputnik. Եվրահանձնաժողովը (ԵՀ) չի մեկնաբանում հաղորդագրություններն այն մասին, որ Բաքուն որպես Երևանի հետ խաղաղության համաձայնագրի կնքման պայման պահանջում է ավարտել Հայաստանում Եվրոպական առաքելության աշխատանքը:Մարտի 13-ին հայտնի դարձավ, որ Երևանն ու Բաքուն ավարտել են խաղաղության համաձայնագրի տեքստի շուրջ բանակցությունները՝ համաձայնեցնելով վերջին երկու կետերը, որոնք վերաբերում էին սահմանային հատվածներից երրորդ ուժերի (տվյալ դեպքում՝ Հայաստանում ԵՄ առաքելության. խմբ.) դուրսբերմանը և միջազգային դատական ատյաններ ներկայացված հայցերից հրաժարվելուն։Հիշեցնենք` ԵՄ երկարաժամկետ առաքելությունը 2 տարով տեղակայվեց Հայաստանում 2023 թվականի փետրվարի 20-ից և ի սկզբանե բաղկացած էր 100 հոգուց։ 2023 թվականի դեկտեմբերին ԵՄ - ն հայտարարեց, որ առաքելությունն ընդլայնվում է (209 մարդ նախկին 138-ի փոխարեն)։ 2024 թվականի մարտին ՀՀ ԱԺ-ն ընդունեց «ՀՀ–ի և ԵՄ–ի միջև ՀՀ-ում ԵՄ առաքելության կարգավիճակի մասին» համաձայնագիրը վավերացնելու նախագիծը:Ըստ համաձայնագրի` դիտորդների կարգավիճակը մոտ է դիվանագիտական կարգավիճակին այն իմաստով, որ նրանք և նրանց ծառայողական գույքը (մեքենաներ, տեխնիկա և այլն) ենթակա չեն մաքսային զննման և Հայաստանում գրանցման ստանդարտ ընթացակարգերի: Դիտորդները կօգտվեն իրավական անձեռնմխելիությունից։ Այն շենքերը, որտեղ գտնվում է առաքելությունը, անձեռնմխելիության կարգավիճակ կունենան և խուզարկության ենթակա չեն լինի։Մոսկվան բազմիցս հայտարարել է, որ Հայաստանում ԵՄ առաքելությունն օտար մարմին է Հարավային Կովկասի տարածաշրջանի համար և սպասարկում է ՆԱՏՕ-ի շահերը։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, եվրահանձնաժողով, դիտորդ
հայաստան, եվրահանձնաժողով, դիտորդ
ԵՀ–ն չի մեկնաբանում Հայաստանում գտնվող եվրոպացի դիտորդների ճակատագիրը
17:12 24.03.2025 (Թարմացված է: 17:13 24.03.2025) ԵՄ երկարաժամկետ առաքելությունը Հայաստանում է տեղակայվել 2023 թվականին։
ԵՐԵՎԱՆ, 24 մարտի — Sputnik. Եվրահանձնաժողովը (ԵՀ) չի մեկնաբանում հաղորդագրություններն այն մասին, որ Բաքուն որպես Երևանի հետ խաղաղության համաձայնագրի կնքման պայման պահանջում է ավարտել Հայաստանում Եվրոպական առաքելության աշխատանքը:
Մարտի 13-ին հայտնի դարձավ, որ
Երևանն ու Բաքուն ավարտել են խաղաղության համաձայնագրի տեքստի շուրջ բանակցությունները՝ համաձայնեցնելով վերջին երկու կետերը, որոնք վերաբերում էին սահմանային հատվածներից երրորդ ուժերի (տվյալ դեպքում՝ Հայաստանում ԵՄ առաքելության. խմբ.) դուրսբերմանը և միջազգային դատական ատյաններ ներկայացված հայցերից հրաժարվելուն։
«Մենք չենք մեկնաբանում երկկողմ բանակցությունները։ Մերը քաղաքացիական առաքելություն է՝ երկու տարվա մանդատով», - Բրյուսելում կայացած ասուլիսի ժամանակ հայտարարել է ԵՄ արտաքին քաղաքական ծառայության ներկայացուցիչ Անիտա Հիպերը։
Հիշեցնենք` ԵՄ երկարաժամկետ առաքելությունը 2 տարով տեղակայվեց Հայաստանում 2023 թվականի փետրվարի 20-ից և ի սկզբանե բաղկացած էր 100 հոգուց։ 2023 թվականի դեկտեմբերին ԵՄ - ն հայտարարեց, որ առաքելությունն ընդլայնվում է (209 մարդ նախկին 138-ի փոխարեն)։ 2024 թվականի մարտին
ՀՀ ԱԺ-ն ընդունեց «ՀՀ–ի և ԵՄ–ի միջև ՀՀ-ում ԵՄ առաքելության կարգավիճակի մասին» համաձայնագիրը վավերացնելու նախագիծը:
Ըստ համաձայնագրի` դիտորդների կարգավիճակը մոտ է դիվանագիտական կարգավիճակին այն իմաստով, որ նրանք և նրանց ծառայողական գույքը (մեքենաներ, տեխնիկա և այլն) ենթակա չեն մաքսային զննման և Հայաստանում գրանցման ստանդարտ ընթացակարգերի: Դիտորդները կօգտվեն իրավական անձեռնմխելիությունից։ Այն շենքերը, որտեղ գտնվում է առաքելությունը, անձեռնմխելիության կարգավիճակ կունենան և խուզարկության ենթակա չեն լինի։
Մոսկվան բազմիցս հայտարարել է, որ Հայաստանում ԵՄ առաքելությունն օտար մարմին է Հարավային Կովկասի տարածաշրջանի համար և սպասարկում է ՆԱՏՕ-ի շահերը։
