Հայաստանի հավաքականը ջախջախիչ պարտություն կրեց Թբիլիսիում
Հայաստանի հավաքականը ջախջախիչ պարտություն կրեց Թբիլիսիում
Sputnik Արմենիա
Երևանում Ազգերի լիգայի անցումային առաջին խաղում 0։3 հաշվով պարտվելուց հետո, Հայաստանի հավաքականը փորձելու էր ռևանշի հասնել Թբիլիսիում, սակայն... 23.03.2025, Sputnik Արմենիա
ԵՐԵՎԱՆ, 23 մարտի – Sputnik. ՈւԵՖԱ-ի Ազգերի լիգայի 2024/2025 թթ. խաղարկության անցումային փլեյ-օֆֆ փուլի պատասխան խաղում Հայաստանի հավաքականը խայտառակ պարտություն կրեց Վրաստանի ընտրանուց 1։6 հաշվով։Շատ հաճախ երկու խաղերից բաղկացած դիմակայությունում առաջին խաղի հաշիվը իր ազդեցությունն է ունենում պատասխան հանդիպման ընթացքի վրա։ Հայաստանի հավաքականն իր հարկի տակ 0։3 հաշվով պարտվելուց հետո կորցնելու ոչինչ չուներ, բայց խաղի մեկնարկը ավելի վատ հնարավոր էլ չէր պատկերացնել։ Արդեն 4-րդ րոպեին Օթար Կիտեիշվիլին բացեց խաղի հաշիվը։ Իսկ 14-րդ րոպեին աչքի ընկնելու հերթը հասավ Ժորժ Միկաուտաձեին, որն էլ կրկնապատկեց վրացիների առավելությունը։Հայաստանի հավաքականը պարզապես հոգեբանորեն արդեն պատրաստ չէր խաղը շարունակել։ Վրացի ֆուտբոլիստներն ինչ ուզում՝ անում էին մեր տուգանային հրապարակում ու նրա մատույցներում։ 23-րդ րոպեին Գեորգի Չակվետաձեն հաշիվը դարձրեց 3։0, Օթար Կիտեիշվիլին էլ դարձավ դուբլի հեղինակ, ու երկու խաղերի արդյունքում մենք արդեն խայտառակ հաշվով էինք զիջում՝ 0։7։ Այլևս իմաստ էլ չունի խոսել կամ գրել, թե հետո ինչ տեղի ունեցավ։ Առաջին խաղակեսում մեր հավաքականը պարզապես աննկատելի էր խաղադաշտում։Եզակի խաղ էր Հայաստանի հավաքականի մասնացությամբ, որի երկրորդ խաղակեսը, մեղմ ասած, հետաքրքիր չէր։ Բայց սա է իրականությունը։ Ճիշտ է, մեր հավաքականը Սևիկյանի գոլից ու հետո էլ Բարսեղյանի հարվածից հետո «կենդանության» նշաններ ցույց տվեց, բայց արդեն ուշ էր։ Վրաստանի հավաքականը հաղթեց 6։1 հաշվով՝ մեզ համար թողնելով մեծ հարցականներ ու խորը հիասթափություն խաղի հետ կապված։Հայաստանի հավաքականը իր հաջորդ պաշտոնական հանդիպումը անցկացնելու է սեպտեմբեր ամսին, արդեն Աշխարհի գավաթի խաղարկության ընտրական փուլում։ Սեպտեմբերի 6-ին մեր թիմի մրցակիցն է լինելու Պորտուգալիայի կամ Դանիայի հավաքականը, իսկ սեպտեմբերի 9-ին Երևանում մերոնք հյուրընկալելու են Իռլանդիայի հավաքականին։
Երևանում Ազգերի լիգայի անցումային առաջին խաղում 0։3 հաշվով պարտվելուց հետո, Հայաստանի հավաքականը փորձելու էր ռևանշի հասնել Թբիլիսիում, սակայն...
ԵՐԵՎԱՆ, 23 մարտի – Sputnik. ՈւԵՖԱ-ի Ազգերի լիգայի 2024/2025 թթ. խաղարկության անցումային փլեյ-օֆֆ փուլի պատասխան խաղում Հայաստանի հավաքականը խայտառակ պարտություն կրեց Վրաստանի ընտրանուց 1։6 հաշվով։
Շատ հաճախ երկու խաղերից բաղկացած դիմակայությունում առաջին խաղի հաշիվը իր ազդեցությունն է ունենում պատասխան հանդիպման ընթացքի վրա։ Հայաստանի հավաքականն իր հարկի տակ 0։3 հաշվով պարտվելուց հետո կորցնելու ոչինչ չուներ, բայց խաղի մեկնարկը ավելի վատ հնարավոր էլ չէր պատկերացնել։ Արդեն 4-րդ րոպեին Օթար Կիտեիշվիլին բացեց խաղի հաշիվը։ Իսկ 14-րդ րոպեին աչքի ընկնելու հերթը հասավ Ժորժ Միկաուտաձեին, որն էլ կրկնապատկեց վրացիների առավելությունը։
Հայաստանի հավաքականը պարզապես հոգեբանորեն արդեն պատրաստ չէր խաղը շարունակել։ Վրացի ֆուտբոլիստներն ինչ ուզում՝ անում էին մեր տուգանային հրապարակում ու նրա մատույցներում։ 23-րդ րոպեին Գեորգի Չակվետաձեն հաշիվը դարձրեց 3։0, Օթար Կիտեիշվիլին էլ դարձավ դուբլի հեղինակ, ու երկու խաղերի արդյունքում մենք արդեն խայտառակ հաշվով էինք զիջում՝ 0։7։ Այլևս իմաստ էլ չունի խոսել կամ գրել, թե հետո ինչ տեղի ունեցավ։ Առաջին խաղակեսում մեր հավաքականը պարզապես աննկատելի էր խաղադաշտում։
Եզակի խաղ էր Հայաստանի հավաքականի մասնացությամբ, որի երկրորդ խաղակեսը, մեղմ ասած, հետաքրքիր չէր։ Բայց սա է իրականությունը։ Ճիշտ է, մեր հավաքականը Սևիկյանի գոլից ու հետո էլ Բարսեղյանի հարվածից հետո «կենդանության» նշաններ ցույց տվեց, բայց արդեն ուշ էր։ Վրաստանի հավաքականը հաղթեց 6։1 հաշվով՝ մեզ համար թողնելով մեծ հարցականներ ու խորը հիասթափություն խաղի հետ կապված։
Հայաստանի հավաքականը իր հաջորդ պաշտոնական հանդիպումը անցկացնելու է սեպտեմբեր ամսին, արդեն Աշխարհի գավաթի խաղարկության ընտրական փուլում։ Սեպտեմբերի 6-ին մեր թիմի մրցակիցն է լինելու Պորտուգալիայի կամ Դանիայի հավաքականը, իսկ սեպտեմբերի 9-ին Երևանում մերոնք հյուրընկալելու են Իռլանդիայի հավաքականին։
