Մարզադաշտ գնալ ժամը 19։00-ից․ Երևանի կենտրոնական փողոցները փակ են լինելու
16:57 20.03.2025 (Թարմացված է: 16:58 20.03.2025)
Երևանի Վազգեն Սարգսյանի անվան «Հանրապետական» մարզադաշտում:
© Sputnik / Aram Nersesyan
Բաժանորդագրվել
Ոստիկանությունը հորդորում է ավտոմեքենաները կայանել մարզադաշտից հեռու։
ԵՐԵՎԱՆ, 20 մարտի – Sputnik․ Հայաստան-Վրաստան ֆուտբոլային խաղով պայմանավորված` այսօր երեկոյան որոշ փողոցներ ժամանակ առ ժամանակ փակ կլինեն։ Տեղեկությունը հայտնում է ՀՀ ՆԳՆ ոստիկանությունը։
«Մարտի 20-ին կայանալիք Հայաստան-Վրաստան ֆուտբոլային խաղի մասնակիցների, ինչպես նաև երկրպագուների ու զբոսաշրջիկների անվտանգությունն ապահովելու նպատակով 19։00-ից 23։00-ն ընկած միջակայքում ժամանակ առ ժամանակ փակ են լինելու Չարենցի, Ալեք Մանուկյան, Խորենացու, Նար-Դոսի, Վարդանանց, Սիմոն Վրացյան, Զավարյան, Երվանդ Քոչարի փողոցներն ու Սայաթ-Նովայի պողոտան»,- ասված է հաղորդագրությունում:
Խաղը սկսվելու է ժամը 21։00-ին։ Ոստիկանությունը հորդորում է մարզադաշտ գնալ 19։00-ից, իսկ մեքենաները կայանել մարզադաշտից հեռու, չկայանել երկրորդ գծում և չխախտել երթևեկության կանոնները։
Հիշեցնենք` ՈւԵՖԱ Ազգերի լիգայի 2024/2025 թթ. խաղարկության անցումային փլեյ-օֆֆ փուլի Հայաստան-Վրաստան հանդիպումը կկայանա Երևանի Վազգեն Սարգսյանի անվան «Հանրապետական» մարզադաշտում:
