Պուտինը շնորհավորել է Նունե Ասատրյանին և բռնցքամարտի աշխարհի առաջնության մյուս հաղթողներին
19:10 18.03.2025 (Թարմացված է: 21:06 18.03.2025)
© Sputnik / POOL
/ Բաժանորդագրվել
Աշխարհի առաջնության եզրափակիչում Նունե Ասատրյանը հաղթել է Ղազախստանի ներկայացուցչին:
ԵՐԵՎԱՆ, 18 մարտի - Sputnik. ՌԴ նախագահ Վլադիմիր Պուտինը շնորհավորել է Նունե Ասատրյանին և Սերբիայի Նիշ քաղաքում կայացած Բռնցքամարտի միջազգային ասոցիացիայի (IBA) 2025 թվականի աշխարհի կանանց առաջնության մյուս հաղթողներին։ Այս մասին ասվում է Կրեմլի կայքում հրապարակված շնորհավորական հեռագրում:
«Հարգելի Նունե Գրիգորովնա, Ելենա Վասիլևնա, Անաստասիա Վլադիմիրովնա, Սալտանատ Սերիկովնա։ Շնորհավորում եմ ձեզ կանանց բռնցքամարտի միջազգային ասոցիացիայի աշխարհի առաջնությունում վառ, համոզիչ հաղթանակի առթիվ: Այս հեղինակավոր մրցաշարի ոսկու ճանապարհին դուք դրսևորեցիք տաղանդ և վարպետություն, իսկական չեմպիոնի տրամադրվածությամբ, բնավորության և կամքի ուժով, ազնիվ և անզիջում մենամարտերով վաստակեցիք հանդիսատեսի ճանաչումը,»,-ասված է հաղորդագրության մեջ:
Պուտինը վստահ է, որ Սերբիայի Նիշ քաղաքում Ռուսաստանի հավաքականի ընդհանուր թիմային հաղթանակը կոգեշնչի կյանքում և սպորտում նոր հաջողությունների հասնելու համար։
Նշենք, որ մարտի 16-ին կրասնոդարցի Նունե Ասատրյանը ոսկե մեդալ էր նվաճել Սերբիայի Նիշ քաղաքում կայացած բռնցքամարտի աշխարհի առաջնությունում՝ եզրափակչում հաղթելով Ղազախստանը ներկայացնող Վիկտորյա Գրաֆեևային:
Նունե Ասատրյանը Ռուսաստանի եռակի չեմպիոն է:
