https://arm.sputniknews.ru/20250318/baqun-hh-banaki-kvoghmic-hradadary--khakhtelu-pastakan-tvjal-der-chi-pvokhancel-karavarutjun-86865593.html
Բաքուն ՀՀ ԶՈւ–ի կողմից հրադադարը խախտելու փաստական տվյալ դեռ չի փոխանցել. հայտարարություն
Բաքուն ՀՀ ԶՈւ–ի կողմից հրադադարը խախտելու փաստական տվյալ դեռ չի փոխանցել. հայտարարություն
Sputnik Արմենիա
ՀՀ վարչապետի աշխատակազմը հայտարարել է, որ ՀՀ բանակը հրադադարի ռեժիմի խախտման պատճառ կամ հրահանգ չունի։ 18.03.2025, Sputnik Արմենիա
2025-03-18T10:57+0400
2025-03-18T10:57+0400
2025-03-18T11:20+0400
հայաստան
ադրբեջան
հրադադար
խաղաղության պայմանագիր
https://cdn.am.sputniknews.ru/img/2144/08/21440804_0:0:1600:900_1920x0_80_0_0_44bc868a4c4c7b79e54e4c936f266ba2.jpg.webp
ԵՐԵՎԱՆ, 18 մարտի – Sputnik. Ադրբեջանը ՀՀ զինուժի կողմից հրադադարը խախտելու որևէ փաստական տվյալ դեռ չի փոխանցել Հայաստանին։ Այս հայտարարությունը տարածել է ՀՀ վարչապետի աշխատակազմը։Ադրբեջանի ՊՆ–ն մարտի 16–ից 6 հաղորդագրություն է տարածել` հայտարարելով, թե իբր ՀՀ ԶՈւ ստորաբաժանումները կրակ են բացել ադրբեջանական դիրքերի ուղղությամբ, ՀՀ պաշտպանության նախարարությունը հերքել է Բաքվի բոլոր հաղորդագրությունները և հայտնել, որ պատրաստ է հետաքննել Ադրբեջանի հաղորդագրությունները հիմնավորող փաստերը՝ դրանք ՀՀ–ին փոխանցելու պարագայում։Նշվում է, որ ՀՀ պաշտպանության նախարարությունը Ադրբեջանի հաղորդագրություններից հետո իրականացրել է ստուգողական աշխատանքներ և ստուգման արդյունքներով հերքել Հայաստանի բանակի կողմից հրադադարի ռեժիմի խախտման մասին պնդումները։«Բոլոր հերքման հաղորդագրություններում ՀՀ պաշտպանության նախարարությունը հիշեցրել է դեռևս 2024 թ. հունիսի 22–ին ՀՀ վարչապետի աշխատակազմի առաջարկը՝ հրադադարի ռեժիմի խախտման դեպքերի և/կամ նման տեղեկությունների հետաքննության Հայաստան–Ադրբեջան համատեղ մեխանիզմ ստեղծելու մասին, որին Ադրբեջանը մինչև օրս դրական չի արձագանքել»,– ասված է հաղորդագրության մեջ։Վերահաստատելով հրադադարի ռեժիմի խախտման դեպքերի և/կամ նման տեղեկությունների հետաքննության Հայաստան-Ադրբեջան համատեղ մեխանիզմ ստեղծելու մասին իր առաջարկը` ՀՀ վարչապետի աշխատակազմը հայտարարում է, որ ՀՀ բանակը հրադադարի ռեժիմի խախտման պատճառ կամ հրահանգ չունի։Վարչապետի աշխատակազմը ևս մեկ անգամ ընդգծել է, որ ՀՀ կառավարությունն առաջնորդվում է խաղաղության օրակարգով, ինչի անհերքելի ապացույցն են Հայաստանի և Ադրբեջանի միջև խաղաղության և միջպետական հարաբերությունների հաստատման մասին համաձայնագրի տեքստի վերջնականացմանն ուղղված քայլերը։«Հարկ ենք համարում ընդգծել, որ համաձայնագրի նախագծի համաձայնեցված տեքստը հասցեագրում է Հայաստանի և Ադրբեջանի միջև խաղաղության և հարաբերությունների հաստատման հիմնարար հարցերը և մեխանիզմներ է նախատեսում հետագա անելիքների քննարկման համար։ 2025 թ. հունվարին Հայաստանը գրավոր կերպով Ադրբեջանին է փոխանցել Ադրբեջանի արևմտյան շրջաններից ՀՀ տարածքով դեպի Նախիջանի Ինքնավար Հանրապետություն, հակառակ ուղղությամբ և դեպի երրորդ երկրներ, ՀՀ հյուսիսարևմտյան շրջաններից Ադրբեջանի տարածքով դեպի ՀՀ հարավային հատված, հակառակ ուղղությամբ և դեպի երրորդ երկրներ երկաթուղային բեռնափոխադրումների խնդրի լուծման առաջարկ, ինչպես նաև սպառազինությունների փոխադարձ վերահսկման երկկողմ մեխանիզմի ստեղծման մասին առաջարկ և սպասում է Ադրբեջանի դրական արձագանքին»,– նշված է ՀՀ վարչապետի աշխատակազմի հայտարարության մեջ։։Միևնույն ժամանակ աշխատակազմից վերահաստատել են, որ Հայաստանը պատրաստ է շարունակել Ադրբեջանի հետ պետական սահմանի սահմանազատման աշխատանքները՝ Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովի և Ադրբեջանի և Հայաստանի միջև պետական սահմանի սահմանազատման պետական հանձնաժողովի համատեղ գործունեության մասին կանոնակարգի համաձայն։Հիշեցնենք` մարտի 13-ին հայտնի դարձավ, որ Երևանն ու Բաքուն ավարտել են խաղաղության պայմանագրի տեքստի շուրջ բանակցությունները՝ համաձայնեցնելով վերջին երկու կետերը, որոնք վերաբերում էին սահմանային հատվածներից երրորդ ուժերի (տվյալ դեպքում՝ Հայաստանում ԵՄ առաքելության. խմբ.) դուրսբերմանը և միջազգային դատական ատյաններ ներկայացված հայցերից հրաժարվելուն։
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ադրբեջան, հրադադար, խաղաղության պայմանագիր
հայաստան, ադրբեջան, հրադադար, խաղաղության պայմանագիր
Բաքուն ՀՀ ԶՈւ–ի կողմից հրադադարը խախտելու փաստական տվյալ դեռ չի փոխանցել. հայտարարություն
10:57 18.03.2025 (Թարմացված է: 11:20 18.03.2025) ՀՀ վարչապետի աշխատակազմը հայտարարել է, որ ՀՀ բանակը հրադադարի ռեժիմի խախտման պատճառ կամ հրահանգ չունի։
ԵՐԵՎԱՆ, 18 մարտի – Sputnik. Ադրբեջանը ՀՀ զինուժի կողմից հրադադարը խախտելու որևէ փաստական տվյալ դեռ չի փոխանցել Հայաստանին։ Այս հայտարարությունը տարածել է
ՀՀ վարչապետի աշխատակազմը։
Ադրբեջանի ՊՆ–ն մարտի 16–ից 6 հաղորդագրություն է տարածել` հայտարարելով, թե իբր ՀՀ ԶՈւ ստորաբաժանումները կրակ են բացել ադրբեջանական դիրքերի ուղղությամբ, ՀՀ պաշտպանության նախարարությունը հերքել է Բաքվի բոլոր հաղորդագրությունները և հայտնել, որ պատրաստ է հետաքննել Ադրբեջանի հաղորդագրությունները հիմնավորող փաստերը՝ դրանք ՀՀ–ին փոխանցելու պարագայում։
«Այս պահի դրությամբ Ադրբեջանի Հանրապետության կողմից Հայաստանի Հանրապետությանը չի փոխանցվել ՀՀ բանակի կողմից հրադադարի ռեժիմի խախտման ոչ մի փաստական տվյալ կամ հիմնավորում»,– ասված է ՀՀ վարչապետի աշխատակազմի հայտարարությունում։
Նշվում է, որ ՀՀ պաշտպանության նախարարությունը Ադրբեջանի հաղորդագրություններից հետո իրականացրել է ստուգողական աշխատանքներ և ստուգման արդյունքներով հերքել Հայաստանի բանակի կողմից հրադադարի ռեժիմի խախտման մասին պնդումները։
«Բոլոր հերքման հաղորդագրություններում ՀՀ պաշտպանության նախարարությունը հիշեցրել է դեռևս 2024 թ. հունիսի 22–ին ՀՀ վարչապետի աշխատակազմի առաջարկը՝ հրադադարի ռեժիմի խախտման դեպքերի և/կամ նման տեղեկությունների հետաքննության Հայաստան–Ադրբեջան համատեղ մեխանիզմ ստեղծելու մասին, որին Ադրբեջանը մինչև օրս դրական չի արձագանքել»,– ասված է հաղորդագրության մեջ։
Վերահաստատելով հրադադարի ռեժիմի խախտման դեպքերի և/կամ նման տեղեկությունների հետաքննության Հայաստան-Ադրբեջան համատեղ մեխանիզմ ստեղծելու մասին իր առաջարկը` ՀՀ վարչապետի աշխատակազմը հայտարարում է, որ ՀՀ բանակը հրադադարի ռեժիմի խախտման պատճառ կամ հրահանգ չունի։
Վարչապետի աշխատակազմը ևս մեկ անգամ ընդգծել է, որ ՀՀ կառավարությունն առաջնորդվում է խաղաղության օրակարգով, ինչի անհերքելի ապացույցն են Հայաստանի և Ադրբեջանի միջև խաղաղության և միջպետական հարաբերությունների հաստատման մասին համաձայնագրի տեքստի վերջնականացմանն ուղղված քայլերը։
«Հարկ ենք համարում ընդգծել, որ համաձայնագրի նախագծի համաձայնեցված տեքստը հասցեագրում է Հայաստանի և Ադրբեջանի միջև խաղաղության և հարաբերությունների հաստատման հիմնարար հարցերը և մեխանիզմներ է նախատեսում հետագա անելիքների քննարկման համար։ 2025 թ. հունվարին Հայաստանը գրավոր կերպով Ադրբեջանին է փոխանցել Ադրբեջանի արևմտյան շրջաններից ՀՀ տարածքով դեպի Նախիջանի Ինքնավար Հանրապետություն, հակառակ ուղղությամբ և դեպի երրորդ երկրներ, ՀՀ հյուսիսարևմտյան շրջաններից Ադրբեջանի տարածքով դեպի ՀՀ հարավային հատված, հակառակ ուղղությամբ և դեպի երրորդ երկրներ երկաթուղային բեռնափոխադրումների խնդրի լուծման առաջարկ, ինչպես նաև սպառազինությունների փոխադարձ վերահսկման երկկողմ մեխանիզմի ստեղծման մասին առաջարկ և սպասում է Ադրբեջանի դրական արձագանքին»,– նշված է ՀՀ վարչապետի աշխատակազմի հայտարարության մեջ։։
Միևնույն ժամանակ աշխատակազմից վերահաստատել են, որ Հայաստանը պատրաստ է շարունակել Ադրբեջանի հետ պետական սահմանի սահմանազատման աշխատանքները՝ Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովի և Ադրբեջանի և Հայաստանի միջև պետական սահմանի սահմանազատման պետական հանձնաժողովի համատեղ գործունեության մասին կանոնակարգի համաձայն։
Հիշեցնենք` մարտի 13-ին հայտնի դարձավ, որ
Երևանն ու Բաքուն ավարտել են խաղաղության պայմանագրի տեքստի շուրջ բանակցությունները՝ համաձայնեցնելով վերջին երկու կետերը, որոնք վերաբերում էին սահմանային հատվածներից երրորդ ուժերի (տվյալ դեպքում՝ Հայաստանում ԵՄ առաքելության. խմբ.) դուրսբերմանը և միջազգային դատական ատյաններ ներկայացված հայցերից հրաժարվելուն։
