https://arm.sputniknews.ru/20250314/rusastann-amn-ic-lracucich-teghekutjunner-e-stacel-ukrainaji-veraberjal-peskvov-86769248.html
Ռուսաստանն ԱՄՆ-ից լրացուցիչ տեղեկություններ է ստացել Ուկրաինայի վերաբերյալ. Պեսկով
Ռուսաստանն ԱՄՆ-ից լրացուցիչ տեղեկություններ է ստացել Ուկրաինայի վերաբերյալ. Պեսկով
Sputnik Արմենիա
Մոսկվան զգուշավոր լավատեսություն ունի նաև Ուկրաինայի հետ հարաբերությունների կարգավորման հարցում։ 14.03.2025, Sputnik Արմենիա
2025-03-14T14:54+0400
2025-03-14T14:54+0400
2025-03-14T14:55+0400
դմիտրի պեսկով
ռուսաստան
ամն
ուկրաինա
պատերազմ
հրադադար
վլադիմիր պուտին
դոնալդ թրամփ
https://cdn.am.sputniknews.ru/img/07e9/03/04/86394175_0:165:3062:1887_1920x0_80_0_0_ea9d87a064bf60168927d5a9f92985e2.jpg.webp
ԵՐԵՎԱՆ, 14 մարտի – Sputnik. Ռուսաստանի նախագահ Վլադիմիր Պուտինը երեկ ուշ երեկոյան լսել է ամերիկացի հատուկ բանագնաց Սթիվ Ուիթքոֆին և նրա միջոցով տեղեկություններ և լրացուցիչ ազդանշաններ է փոխանցել Դոնալդ Թրամփին: Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։Նա նշել է, որ Պուտինը պաշտպանում է ԱՄՆ նախագահի դիրքորոշումն Ուկրաինայի հետ հարաբերությունների կարգավորման հարցում, սակայն մատնանշել է հարցեր, որոնց պատասխանը պետք է միասին գտնել:Նա հավելել է, որ դեռևս համաձայնեցված չէ, թե երբ կկայանա Պուտինի և Թրամփի զրույցը, այն կորոշվի ԱՄՆ նախագահին Ուիթքոֆի զեկույցից հետո: Թե՛ Ռուսաստանը, թե՛ ԱՄՆ-ը հասկանում են, որ երկու առաջնորդների զրույցն անհրաժեշտ է։Հիշեցնենք՝ մարտի 13-ին Պուտինը հայտարարել էր, որ համաձայն է Ուկրաինայում ռազմական գործողությունները դադարեցնելու ԱՄՆ-ի առաջարկին, սակայն այդ հրադադարը պետք է բերի երկարատև խաղաղություն և վերացնի ճգնաժամի սկզբնական պատճառները:Նրա խոսքով՝ ուկրաինական կողմին ձեռնտու է հրադադարի հասնել՝ պայմանավորված ՌԴ տարածք ներխուժած իր խմբավորման լիակատար մեկուսացմամբ։ Պուտինը համոզված է, որ Ուկրաինան պետք է ամերիկացիներից հրադադար խնդրեր՝ հաշվի առնելով երկրում տիրող իրավիճակը։Ընդ որում, խոսելով ժամանակավոր զինադադարի գաղափարի մասին, նա նշել է, որ կան հարցեր, որոնք երկու կողմից էլ մանրակրկիտ ուսումնասիրության կարիք ունեն։ Մասնավորապես, Պուտինը հարց է բարձրացրել, թե ով է հրահանգելու դադարեցնել ռազմական գործողությունները և վերահսկել Ուկրաինայի գործողություններն առաջարկվող հրադադարի ժամանակ: ՌԴ նախագահը նաև նշել է, որ Ուկրաինան կարող է օգտագործել ժամանակավոր հրադադարը հարկադիր մոբիլիզացիայի համար: Պուտինը չի բացառել Ուկրաինայում հրադադարի գաղափարի քննարկումը Թրամփի հետ։
ամն
ուկրաինա
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
դմիտրի պեսկով, ռուսաստան, ամն, ուկրաինա, պատերազմ, հրադադար, վլադիմիր պուտին, դոնալդ թրամփ
դմիտրի պեսկով, ռուսաստան, ամն, ուկրաինա, պատերազմ, հրադադար, վլադիմիր պուտին, դոնալդ թրամփ
Ռուսաստանն ԱՄՆ-ից լրացուցիչ տեղեկություններ է ստացել Ուկրաինայի վերաբերյալ. Պեսկով
14:54 14.03.2025 (Թարմացված է: 14:55 14.03.2025) Մոսկվան զգուշավոր լավատեսություն ունի նաև Ուկրաինայի հետ հարաբերությունների կարգավորման հարցում։
ԵՐԵՎԱՆ, 14 մարտի – Sputnik. Ռուսաստանի նախագահ Վլադիմիր Պուտինը երեկ ուշ երեկոյան լսել է ամերիկացի հատուկ բանագնաց Սթիվ Ուիթքոֆին և նրա միջոցով տեղեկություններ և լրացուցիչ ազդանշաններ է փոխանցել Դոնալդ Թրամփին: Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։
Նա նշել է, որ Պուտինը պաշտպանում է ԱՄՆ նախագահի դիրքորոշումն Ուկրաինայի հետ հարաբերությունների կարգավորման հարցում, սակայն մատնանշել է հարցեր, որոնց պատասխանը պետք է միասին գտնել:
«Դուք երեկ լսել եք նախագահ Պուտինի շատ կարևոր հայտարարությունը։ Պատասխանելով լրագրողների հարցին՝ նա ասել է, որ աջակցում է նախագահ Թրամփի դիրքորոշմանը կարգավորման առումով, սակայն հնչեցրել է որոշ հարցեր, որոնց պատասխանը պետք է համատեղ գտնել: Այդ պատճառով իսկապես, դեռ շատ անելիքներ կան, բայց, այնուամենայնիվ, նախագահը համերաշխություն է հայտնել պարոն Թրամփի դիրքորոշմանը»,- ասել է Պեսկովը։
Նա հավելել է, որ դեռևս համաձայնեցված չէ, թե երբ կկայանա Պուտինի և Թրամփի զրույցը, այն կորոշվի ԱՄՆ նախագահին Ուիթքոֆի զեկույցից հետո: Թե՛ Ռուսաստանը, թե՛ ԱՄՆ-ը հասկանում են, որ երկու առաջնորդների զրույցն անհրաժեշտ է։
Հիշեցնենք՝ մարտի 13-ին Պուտինը հայտարարել էր, որ համաձայն է Ուկրաինայում ռազմական գործողությունները դադարեցնելու ԱՄՆ-ի առաջարկին, սակայն այդ հրադադարը պետք է բերի երկարատև խաղաղություն և վերացնի ճգնաժամի սկզբնական պատճառները:
Նրա խոսքով՝ ուկրաինական կողմին ձեռնտու է հրադադարի հասնել՝ պայմանավորված ՌԴ տարածք ներխուժած իր խմբավորման լիակատար մեկուսացմամբ։ Պուտինը համոզված է, որ Ուկրաինան պետք է ամերիկացիներից հրադադար խնդրեր՝ հաշվի առնելով երկրում տիրող իրավիճակը։
Ընդ որում, խոսելով ժամանակավոր զինադադարի գաղափարի մասին, նա նշել է, որ կան հարցեր, որոնք երկու կողմից էլ մանրակրկիտ ուսումնասիրության կարիք ունեն։ Մասնավորապես, Պուտինը հարց է բարձրացրել, թե ով է հրահանգելու դադարեցնել ռազմական գործողությունները և վերահսկել Ուկրաինայի գործողություններն առաջարկվող հրադադարի ժամանակ: ՌԴ նախագահը նաև նշել է, որ Ուկրաինան կարող է օգտագործել ժամանակավոր հրադադարը հարկադիր մոբիլիզացիայի համար: Պուտինը չի բացառել Ուկրաինայում հրադադարի գաղափարի քննարկումը Թրամփի հետ։
