https://arm.sputniknews.ru/20250313/ajs-patmutjan-mej-es-indz-ev-im-mankutjuny-tesa-erevani-rusakan-tany-kvomiqsi-premiera-er-86731523.html
Այս պատմության մեջ ես ինձ և իմ մանկությունը տեսա. Երևանի Ռուսական տանը կոմիքսի պրեմիերա էր
Այս պատմության մեջ ես ինձ և իմ մանկությունը տեսա. Երևանի Ռուսական տանը կոմիքսի պրեմիերա էր
Sputnik Արմենիա
Սցենարի հեղինակները հայաստանցի հայեր և ռուսներ են։ 13.03.2025, Sputnik Արմենիա
2025-03-13T21:15+0400
2025-03-13T21:15+0400
2025-03-13T21:28+0400
հայաստան
ռուս
հայաստանում ռուսական տուն
պրեմիերա
https://cdn.am.sputniknews.ru/img/07e9/03/0d/86728798_0:134:2560:1574_1920x0_80_0_0_58974c0332d5bc92abfdbdd4c3e8d935.jpg
ԵՐԵՎԱՆ, 13 մարտի – Sputnik. Երևանի Ռուսական տանը ներկայացվել է «7 քար. Հայաստանը դարերի միջով» հեղինակային կոմիքսը։ Սա արկածային պատմություն է երիտասարդ ռուս հայրենակիցների համար՝ մանկության մոռացված խաղերի, ընկերության և ժամանակի մեջ ճամփորդության մասին:Հիմքում հայկական ավանդական բակային խաղն է, որը շատ երեխաներ արդեն չգիտեն։«Մեզ համար կարևոր է աջակցել այն նախաձեռնություններին, որոնք երեխաներին ծանոթացնում են մեր ընդհանուր պատմությանը»,-նշել է Ռուսական տան տնօրեն Վադիմ Ֆեֆիլովը:Կոմիքսի գաղափարը ծնվել է ՀՀ ոստիկանության պաշտոնաթող գնդապետ Ալեքսանդր Բերեզովսկու մոտ, որը մեծացել է Երևանում։ «Յոթ քարը» նրա համար ոչ միայն խաղ է եղել, այլև շփման լեզու. բակերում հավաքվում էին տարբեր ազգությունների երեխաներ և սովորում հասկանալ միմյանց:Պատկերապատման հերոսները՝ Անին ու Մաքսիմը, պարզապես կերպարներ չեն, նրանք ուղեկցում են ընթերցողին պատմության լաբիրինթոսում, որտեղ սյուժեի յուրաքանչյուր շրջադարձ կապված է լեգենդար խաղի հետ։«Այս պատմության մեջ ես ինձ և իմ մանկությունը տեսա։ «Յոթ քարը» մեզ ամենաշատ միավորող բանն էր։ Խաղից հետո անցնում էինք շփվելու, իսկ ամառվա վերջում Ռուսաստանից եկած երեխաներն արդեն հայերեն գիտեին»,-պատմում է Sputnik Արմենիայի տնօրեն Դմիտրի Պիսարենկոն։Սցենարի հեղինակները հայաստանցի հայեր և ռուսներ են, նկարիչներն ու պրոդյուսերները՝ Հայկ Վարդանյանը և նրա մոսկովյան թիմը։ Միասին նրանք ստեղծել են գիրք, որը յուրատեսակ դուռ է դեպի անցյալ՝ հիմնված երևակայության և հրաշքի հանդեպ մանկական հավատի վրա։Շնորհանդեսին ներկա էին մշակույթի գործիչներ, հասարակական գործիչներ, ՀՀ վարչապետի աշխատակազմի ազգային փոքրամասնությունների հարցերի բաժնի ներկայացուցիչներ, հայրենակցական կազմակերպություններ, համալսարանների ռեկտորներ, դեկաններ, դիվանագետներ:Հավելենք, որ ծրագիրն իրականացվել է «Բարության ուղի» ՀԿ-ի կողմից՝ Հայրենակիցների իրավունքների պաշտպանության հիմնադրամի և Հայաստանում Ռուսական տան աջակցությամբ:
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ռուս, հայաստանում ռուսական տուն, պրեմիերա
հայաստան, ռուս, հայաստանում ռուսական տուն, պրեմիերա
Այս պատմության մեջ ես ինձ և իմ մանկությունը տեսա. Երևանի Ռուսական տանը կոմիքսի պրեմիերա էր
21:15 13.03.2025 (Թարմացված է: 21:28 13.03.2025) Սցենարի հեղինակները հայաստանցի հայեր և ռուսներ են։
ԵՐԵՎԱՆ, 13 մարտի – Sputnik. Երևանի Ռուսական տանը ներկայացվել է «7 քար. Հայաստանը դարերի միջով» հեղինակային կոմիքսը։ Սա արկածային պատմություն է երիտասարդ ռուս հայրենակիցների համար՝ մանկության մոռացված խաղերի, ընկերության և ժամանակի մեջ ճամփորդության մասին:
Հիմքում հայկական ավանդական բակային խաղն է, որը շատ երեխաներ արդեն չգիտեն։
«Մեզ համար կարևոր է աջակցել այն նախաձեռնություններին, որոնք երեխաներին ծանոթացնում են մեր ընդհանուր պատմությանը»,-նշել է Ռուսական տան տնօրեն Վադիմ Ֆեֆիլովը:
Կոմիքսի գաղափարը ծնվել է ՀՀ ոստիկանության պաշտոնաթող գնդապետ Ալեքսանդր Բերեզովսկու մոտ, որը մեծացել է Երևանում։ «Յոթ քարը» նրա համար ոչ միայն խաղ է եղել, այլև շփման լեզու. բակերում հավաքվում էին տարբեր ազգությունների երեխաներ և սովորում հասկանալ միմյանց:
Պատկերապատման հերոսները՝ Անին ու Մաքսիմը, պարզապես կերպարներ չեն, նրանք ուղեկցում են ընթերցողին պատմության լաբիրինթոսում, որտեղ սյուժեի յուրաքանչյուր շրջադարձ կապված է լեգենդար խաղի հետ։
«Այս պատմության մեջ ես ինձ և իմ մանկությունը տեսա։ «Յոթ քարը» մեզ ամենաշատ միավորող բանն էր։ Խաղից հետո անցնում էինք շփվելու, իսկ ամառվա վերջում Ռուսաստանից եկած երեխաներն արդեն հայերեն գիտեին»,-պատմում է Sputnik Արմենիայի տնօրեն Դմիտրի Պիսարենկոն։
Սցենարի հեղինակները հայաստանցի հայեր և ռուսներ են, նկարիչներն ու պրոդյուսերները՝ Հայկ Վարդանյանը և նրա մոսկովյան թիմը։ Միասին նրանք ստեղծել են գիրք, որը յուրատեսակ դուռ է դեպի անցյալ՝ հիմնված երևակայության և հրաշքի հանդեպ մանկական հավատի վրա։
Շնորհանդեսին ներկա էին մշակույթի գործիչներ, հասարակական գործիչներ, ՀՀ վարչապետի աշխատակազմի ազգային փոքրամասնությունների հարցերի բաժնի ներկայացուցիչներ, հայրենակցական կազմակերպություններ, համալսարանների ռեկտորներ, դեկաններ, դիվանագետներ:
Հավելենք, որ ծրագիրն իրականացվել է «Բարության ուղի» ՀԿ-ի կողմից՝ Հայրենակիցների իրավունքների պաշտպանության հիմնադրամի և Հայաստանում Ռուսական տան աջակցությամբ:
