Նա մանկուց իմ կուռքն է եղել. մարմնամարզության Գրան պրիի մրցանակակիրը բացահայտել է գաղտնիքը
15:13 07.03.2025 (Թարմացված է: 15:16 07.03.2025)
© Sputnik / Владимир Песня
/ Բաժանորդագրվել
Ասրիյանը անհատական բազմամարտում և գնդակով վարժությունում նվաճել է բրոնզե մեդալ:
ԵՐԵՎԱՆ, 7 մարտի - Sputnik. Հայ մարմնամարզուհի Միլենա Ասրիյանը մանկուց իր կուռք է համարել օլիմպիական չեմպիոն Ալինա Կաբաևային։ Այս մասին նա հայտնել է ՌԻԱ Նովոստիին։
Ավելի վաղ Մոսկվայում կայացել էր գեղարվեստական մարմնամարզության Գրան պրին՝ Ալինա Կաբաևայի Չեմպիոնուհիների գավաթը: Ասրիյանը բրոնզե մեդալներ է նվաճել անհատական բազմամարտում և գնդակով վարժությունում:
«Մրցաշարում շատ լավ մթնոլորտ է, աներևակայելի հաճելի է այստեղ հանդես գալը։ Ալինա Կաբաևան մանկուց իմ կուռքն է, և նրա մրցումներին մասնակցելն ինձ համար մեծ ձեռքբերում է։ Ամեն ինչ չէ, որ ստացվեց՝ եղան սխալներ, կորուստներ, դրա վրա պետք է աշխատել։ Բայց ընդհանուր առմամբ, ամեն ինչ լավ է։ Մեդալները, որոնք ինձ հաջողվել է նվաճել այստեղ, իմ ջանքերի արդարացված լինելու գիտակցումն է», - ասել է Ասրիյանը։
Նշենք, որ Գրան Պրիին մասնակցել են Ռուսաստանի, Հայաստանի, Ուզբեկստանի, Բելառուսի, Ադրբեջանի, Վենեսուելայի, Պուերտո Ռիկոյի, Թաիլանդի, Ղրղզստանի, Լյուքսեմբուրգի, Թունիսի, ԱՄՆ-ի, Մոլդովայի, Սլովակիայի, Թուրքիայի, Գերմանիայի, Կանադայի, Իսրայելի, Գրենադայի, ԱՄԷ-ի մարմնամարզիկները:
