Պատմության և մշակույթի անշարժ հուշարձանների ցանկը համալրվել է 9-ով
17:43 06.03.2025 (Թարմացված է: 18:30 06.03.2025)
© Photo : official site of MESCS of RA «Զեյթունցիներ» հարթաքանդակների համալիրը

© Photo : official site of MESCS of RA
Բաժանորդագրվել
ԵՐԵՎԱՆ, 6 մարտի - Sputnik. ԿԳՄՍ նախարարության փորձագիտական հանձնաժողովի ընթացիկ տարվա երկրորդ նիստում քննարկվել է մի շարք պատմամշակութային օբյեկտների՝ պատմության և մշակույթի անշարժ հուշարձանի կարգավիճակ տալու հարցը։
© Photo : official site of MESCS of RA Բնակելի տուն Երևանի Մ․ Բաղրամյան պողոտայում

Բնակելի տուն Երևանի Մ․ Բաղրամյան պողոտայում
© Photo : official site of MESCS of RA
Փորձագիտական եզրակացությամբ հուշարձանի կարգավիճակ կշնորհվի 9 կառույցի։
Հանձնաժողովի որոշմամբ՝ տեղական նշանակության նորահայտ հուշարձանների կարգավիճակ է տրվել ներքոնշյալ օբյեկտներին՝
Երևանի Մ․ Բաղրամյան պողոտա 6 հասցեի բնակելի տուն (1947 թ.),
Երևանի Մ․ Բաղրամյան պողոտա 9 հասցեի բնակելի տուն (1945-1950 թթ.)
Երևանի Քանաքեռ-Զեյթուն վարչական շրջանի Դրոյի փողոց 2/3 հասցեի «Զեյթունցիներ» հարթաքանդակների համալիր (1985-1986 թթ․),
Արմավիրի մարզի Էջմիածին քաղաքում գտնվող հնձան (19-րդ դ․ վերջ- 20-րդ դ. սկիզբ),
Կոտայքի մարզի Կամարիս գյուղի մատուռ Սբ․ Սարգիս (19-րդ դ):
Հանրապետական նշանակության հուշարձանների կարգավիճակ են ստացել՝
Արարատի մարզի Վեդի քաղաքի դամբարանադաշտ (մ.թ.ա. 1-ին հազ. սկիզբ),
Դաշտաքար գյուղի բնակատեղի (մ.թ.ա. 3-1-ին դդ.),
Ուրցաձոր գյուղի գյուղատեղի (մ.թ.ա. III հազ., միջնադար),
Վայոց ձորի մարզի Ռինդ գյուղի Վիմափոր եկեղեցի (13-14-րդ դդ․)։
© Photo : official site of MESCS of RA Պատմության և մշակույթի անշարժ հուշարձանների ցանկը համալրվել է 9-ով

Պատմության և մշակույթի անշարժ հուշարձանների ցանկը համալրվել է 9-ով
© Photo : official site of MESCS of RA