https://arm.sputniknews.ru/20250301/chinastany-ab-volvorti-arajatar-gvortsichnerin-hrahangel-e-khusapel-amn-mekneluc-wsj-86291550.html
Չինաստանը ԱԲ ոլորտի առաջատար գործիչներին հրահանգել է խուսափել ԱՄՆ մեկնելուց. WSJ
Չինաստանը ԱԲ ոլորտի առաջատար գործիչներին հրահանգել է խուսափել ԱՄՆ մեկնելուց. WSJ
Sputnik Արմենիա
Հաղորդվում է, որ դա ոչ հրապարակային կարգադրություն է։ 01.03.2025, Sputnik Արմենիա
2025-03-01T12:41+0400
2025-03-01T12:41+0400
2025-03-01T12:43+0400
արհեստական բանականություն
չինաստան
ամն
https://cdn.am.sputniknews.ru/img/07e9/03/01/86289772_0:120:3071:1847_1920x0_80_0_0_40f606b28c5ad1c1e6516f28e4e4985b.jpg
ԵՐԵՎԱՆ, 1 մարտի — Sputnik. Չինաստանի իշխանություններն արհեստական բանականության ոլորտում իրենց առաջատար գործիչներին հրահանգել են խուսափել ԱՄՆ մեկնելուց՝ անվտանգության նկատառումներից ելնելով, հայտնում է Wall Street Journal թերթը՝ վկայակոչելով իր աղբյուրներին:Թերթի տվյալներով՝ ՉԺՀ-ի իշխանություններն անհանգստացած են, որ արտերկիր մեկնող ԱԲ գծով չինացի փորձագետները կարող են գաղտնի տեղեկատվություն հրապարակել երկրի առաջընթացի մասին կամ կարող են ձերբակալվել և որպես ճնշման լծակ օգտագործվել ԱՄՆ-ի և Չինաստանի միջև բանակցություններում:Ընդ որում, ինչպես ճշտում է թերթը, ուղևորությունների ուղղակի արգելք չի եղել, ավելի շուտ հրահանգներ են տրվել Չինաստանի խոշորագույն տեխնոլոգիական կենտրոնների, այդ թվում՝ Շանհայի, Պեկինի և Չժեցզյանի իշխանությունների կողմից:Փետրվարին Google տեխնոլոգիական կորպորացիայի էներգետիկ շուկայի զարգացման և նորարարությունների բաժնի ղեկավար Քերոլայն Գոլինը հայտարարել էր, որ ԱՄՆ-ն էներգետիկ հզորությունների ճգնաժամ է ապրում Չինաստանի հետ ԱԲ տեխնոլոգիաների զարգացման մրցավազքի ֆոնին:Չինաստանում հիմնված DeepSeek ընկերությունը հունվարի 20-ին հայտարարել է ԱԲ վրա հիմնված R1 օգնականի թողարկման մասին, որը, ինչպես նշված է իր կայքում, չի զիջում ChatGPT-ին: Համապատասխան բջջային հավելվածը օգնականի նոր տարբերակի թողարկումից հետո գլխավորել է վարկանիշները մի շարք երկրներում։ Մասնավորապես, Apple-ի հավելվածների խանութում՝ App Store-ում, DeepSeek-ի օգնականը զբաղեցրել է առաջին տեղը ԱՄՆ-ում, Մեծ Բրիտանիայում, ԱՄԷ-ում, Ճապոնիայում, Հարավային Կորեայում և Չինաստանում: Հունվարի 27-ին ծառայության հաջողությունը ամերիկյան տեխնիկական հատվածի անկում է առաջացրել. այդ օրը Nasdaq Composite բարձր տեխնոլոգիական ընկերությունների ինդեքսը նվազել է 3,07 տոկոսով, Nvidia-ի բաժնետոմսերը կորցրել են արժեքի 17 տոկոսը:
չինաստան
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արհեստական բանականություն, չինաստան, ամն
արհեստական բանականություն, չինաստան, ամն
Չինաստանը ԱԲ ոլորտի առաջատար գործիչներին հրահանգել է խուսափել ԱՄՆ մեկնելուց. WSJ
12:41 01.03.2025 (Թարմացված է: 12:43 01.03.2025) Հաղորդվում է, որ դա ոչ հրապարակային կարգադրություն է։
ԵՐԵՎԱՆ, 1 մարտի — Sputnik. Չինաստանի իշխանություններն արհեստական բանականության ոլորտում իրենց առաջատար գործիչներին հրահանգել են խուսափել ԱՄՆ մեկնելուց՝ անվտանգության նկատառումներից ելնելով, հայտնում է Wall Street Journal թերթը՝ վկայակոչելով իր աղբյուրներին:
Թերթի տվյալներով՝ ՉԺՀ-ի իշխանություններն անհանգստացած են, որ արտերկիր մեկնող ԱԲ գծով չինացի փորձագետները կարող են գաղտնի տեղեկատվություն հրապարակել երկրի առաջընթացի մասին կամ կարող են ձերբակալվել և որպես ճնշման լծակ օգտագործվել ԱՄՆ-ի և Չինաստանի միջև բանակցություններում:
Ընդ որում, ինչպես ճշտում է թերթը, ուղևորությունների ուղղակի արգելք չի եղել, ավելի շուտ հրահանգներ են տրվել Չինաստանի խոշորագույն տեխնոլոգիական կենտրոնների, այդ թվում՝ Շանհայի, Պեկինի և Չժեցզյանի իշխանությունների կողմից:
Ինչպես թերթին հայտնել են աղբյուրները, արհեստական բանականության և ռազմավարական նշանակություն ունեցող այլ ոլորտների, ինչպիսիք են ռոբոտաշինությունը, տեղական առաջատար ընկերությունների ղեկավարներին խորհուրդ է տրվում առանց ծայրահեղ անհրաժեշտության չուղևորվել ԱՄՆ և նրա դաշնակից երկրներ, իսկ նրանց, ովքեր որոշել են գնալ, պետք է մեկնելուց առաջ հայտնեն իրենց ծրագրերի մասին, իսկ վերադառնալուց հետո տեղեկացնեն, թե ինչ են արել և ում հետ են հանդիպել:
Փետրվարին Google տեխնոլոգիական կորպորացիայի էներգետիկ շուկայի զարգացման և նորարարությունների բաժնի ղեկավար Քերոլայն Գոլինը հայտարարել էր, որ ԱՄՆ-ն էներգետիկ հզորությունների ճգնաժամ է ապրում Չինաստանի հետ ԱԲ տեխնոլոգիաների զարգացման մրցավազքի ֆոնին:
Չինաստանում հիմնված DeepSeek ընկերությունը հունվարի 20-ին հայտարարել է ԱԲ վրա հիմնված R1 օգնականի թողարկման մասին, որը, ինչպես նշված է իր կայքում, չի զիջում ChatGPT-ին: Համապատասխան բջջային հավելվածը օգնականի նոր տարբերակի թողարկումից հետո գլխավորել է վարկանիշները մի շարք երկրներում։ Մասնավորապես, Apple-ի հավելվածների խանութում՝ App Store-ում, DeepSeek-ի օգնականը զբաղեցրել է առաջին տեղը ԱՄՆ-ում, Մեծ Բրիտանիայում, ԱՄԷ-ում, Ճապոնիայում, Հարավային Կորեայում և Չինաստանում: Հունվարի 27-ին ծառայության հաջողությունը ամերիկյան տեխնիկական հատվածի անկում է առաջացրել. այդ օրը Nasdaq Composite բարձր տեխնոլոգիական ընկերությունների ինդեքսը նվազել է 3,07 տոկոսով, Nvidia-ի բաժնետոմսերը կորցրել են արժեքի 17 տոկոսը:
