https://arm.sputniknews.ru/20250228/abkhaziaji-haj-hamajnqy-yntrutjunneri-2-rd-pulic-araj-hajtararutjun-e-taratsel-86276463.html
Աբխազիայի հայ համայնքը ընտրությունների 2-րդ փուլից առաջ հայտարարություն է տարածել
Աբխազիայի հայ համայնքը ընտրությունների 2-րդ փուլից առաջ հայտարարություն է տարածել
Sputnik Արմենիա
Կոչ է արվում հավատարիմ մնալ սկզբունքներին և ընտրություն կատարել խղճի մտոք: 28.02.2025, Sputnik Արմենիա
2025-02-28T20:17+0400
2025-02-28T20:17+0400
2025-02-28T20:27+0400
աբխազիա
ընտրություններ
հայեր
https://cdn.am.sputniknews.ru/img/07e9/02/0f/85823021_0:373:2978:2048_1920x0_80_0_0_c34aaa9c4698a75abc367247f78a1b4f.jpg.webp
ԵՐԵՎԱՆ, 28 փետրվարի – Sputnik. Աբխազիայում նախագահական ընտրությունների երկրորդ փուլի նախաշեմին տեղի հայ համայնքը հայտարարություն է տարածել:Տեքստում նշվում է, որ հայերը պետք է կայացնեն ճակատագրական որոշում, որը կորոշի ողջ Աբխազիայի ապագան, ընդ որում` ոչ միայն առաջիկա տարիների համար:Նշվում է նաև, որ Աբխազիան ընդհանուր տուն է, որտեղ չկան օտարներ և ազգային խտրականություն:«Բոլորս նույն երկրի քաղաքացիներ ենք, և մեզ վախեցնելու և պառակտելու իրավունք ոչ ոք չունի», - ասվում է տեքստում։Փետրվարի 17-ին սոցցանցերում հայտնվել է մի ձայնագրություն, որում Աբխազիայի նախագահի թեկնածու Ադգուր Արձինբայի աջակից Էնվեր Բգանբան՝ նախագահի պաշտոնակատարի եղբորորդին, կոչ է անում հայ համայնքի նկատմամբ կոշտ գործողություններ ձեռնարկել: Ավելի ուշ թեկնածուներ Ադգուր Արձինբան և Բադրա Գունբան ստորագրեցին համատեղ հայտարարություն, որը դատապարտում է ազգամիջյան թշնամանք հրահրելու փորձերը:Հիշեցնենք՝ փետրվարի 15-ին Աբխազիայում նախագահական ընտրություններ անցկացվեցին, որոնց մասնակցեց քվեարկելու իրավունք ունեցողների 69%–ը։ Հաշվի առնելով, որ թեկնածուներից ոչ մեկը չհավաքեց ձայների կեսից ավելին, նշանակվեց երկրորդ փուլ, որը տեղի կունենա մարտի 1-ին: Երկրորդ փուլին կմասնակցեն գործող փոխնախագահ Բադրա Գունբան (առաջին փուլում հավաքել էր 46,38%) և էկոնոմիկայի նախկին նախարար Ադգուր Արձինբան (36,92%):Ընտրություններ Աբխազիայում. թեկնածուները դատապարտել են ազգամիջյան երկպառակության հրահրումը
աբխազիա
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
աբխազիա, ընտրություններ, հայեր
աբխազիա, ընտրություններ, հայեր
Աբխազիայի հայ համայնքը ընտրությունների 2-րդ փուլից առաջ հայտարարություն է տարածել
20:17 28.02.2025 (Թարմացված է: 20:27 28.02.2025) Կոչ է արվում հավատարիմ մնալ սկզբունքներին և ընտրություն կատարել խղճի մտոք:
ԵՐԵՎԱՆ, 28 փետրվարի – Sputnik. Աբխազիայում նախագահական ընտրությունների երկրորդ փուլի նախաշեմին տեղի հայ համայնքը հայտարարություն է տարածել:
Տեքստում նշվում է, որ հայերը պետք է կայացնեն ճակատագրական որոշում, որը կորոշի ողջ Աբխազիայի ապագան, ընդ որում` ոչ միայն առաջիկա տարիների համար:
«Ուզում եմ մեր հանրապետության յուրաքանչյուր բնակչի ասել՝ մի՛ վախեցեք։ Ոչ ոք չի կարող կոտրել մեր կամքը, ոչ ոք չի ստիպի մեզ հրաժարվել սկզբունքներից։ Մենք միասնական ժողովուրդ ենք և միասին այդ ընտրությունը կկատարենք խղճի մտոք՝ առանց վախի ու ճնշման»,-ասվում է հայտարարության մեջ։
Նշվում է նաև, որ Աբխազիան ընդհանուր տուն է, որտեղ չկան օտարներ և ազգային խտրականություն:
«Բոլորս նույն երկրի քաղաքացիներ ենք, և մեզ վախեցնելու և պառակտելու իրավունք ոչ ոք չունի», - ասվում է տեքստում։
Փետրվարի 17-ին սոցցանցերում հայտնվել է մի ձայնագրություն, որում Աբխազիայի նախագահի թեկնածու Ադգուր Արձինբայի աջակից Էնվեր Բգանբան՝ նախագահի պաշտոնակատարի եղբորորդին, կոչ է անում հայ համայնքի նկատմամբ կոշտ գործողություններ ձեռնարկել: Ավելի ուշ թեկնածուներ Ադգուր Արձինբան և Բադրա Գունբան ստորագրեցին համատեղ հայտարարություն, որը դատապարտում է ազգամիջյան թշնամանք հրահրելու փորձերը:
Հիշեցնենք՝ փետրվարի 15-ին Աբխազիայում նախագահական ընտրություններ անցկացվեցին, որոնց մասնակցեց քվեարկելու իրավունք ունեցողների 69%–ը։ Հաշվի առնելով, որ թեկնածուներից ոչ մեկը չհավաքեց ձայների կեսից ավելին, նշանակվեց երկրորդ փուլ, որը տեղի կունենա մարտի 1-ին: Երկրորդ փուլին կմասնակցեն գործող փոխնախագահ Բադրա Գունբան (առաջին փուլում հավաքել էր 46,38%) և էկոնոմիկայի նախկին նախարար Ադգուր Արձինբան (36,92%):
