https://arm.sputniknews.ru/20250227/irani-nakhagahy-chi-bacarel-amn-i-het-banakcutjunnery-verskselu-hnaravvorutjuny-86224183.html
Իրանի նախագահը չի բացառել ԱՄՆ-ի հետ բանակցությունները վերսկսելու հնարավորությունը
Իրանի նախագահը չի բացառել ԱՄՆ-ի հետ բանակցությունները վերսկսելու հնարավորությունը
Sputnik Արմենիա
Նախագահ Փեզեշքիանն ընդգծել է, որ բանակցությունների տրամաբանությունն իսկ խախտվում է, երբ մի կողմին առաջարկում են վայր դնել զենքը` իմանալով, որ մյուսը ցանկացած... 27.02.2025, Sputnik Արմենիա
2025-02-27T23:00+0400
2025-02-27T23:00+0400
2025-02-27T23:09+0400
իրանի իսլամական հանրապետություն
ամն
միջուկային ծրագիր
մասուդ փեզեշքիան
https://cdn.am.sputniknews.ru/img/07e9/01/13/84909989_0:192:3073:1921_1920x0_80_0_0_0098025d0e635bbc1df773efeaec065c.jpg
ԹԵՀՐԱՆ, 27 փետրվարի - Sputnik. Իրանը չի հրաժարվում Վաշինգտոնի հետ բանակցություններից, սակայն չի պատրաստվում դրանք վարել իր համար ոչ շահավետ պայմաններով։ Այս մասին, ինչպես փոխանցում է ՌԻԱ Նովոստին, հայտարարել է երկրի նախագահ Մասուդ Փեզեշքիանը։«Ոմանք ասում են, որ մենք այլ ընտրություն չունենք, քան ԱՄՆ-ի հետ բանակցությունների սեղան նստելը։ Բայց մենք չէինք էլ պնդում, որ չենք խոսելու։ Մենք միայն ասել ենք, որ չենք պատրաստվում ստորանալ ավազակների առաջ»,-նրա խոսքը մեջբերում է նախագահի մամուլի ծառայությունը։Փեզեշքիանն ընդգծել է, որ բանակցությունների տրամաբանությունն իսկ խախտվում է, երբ մի կողմին առաջարկում են վայր դնել զենքը` իմանալով, որ մյուսը ցանկացած պահի կարող է հարված հասցնել:Միջուկային գործարքը (ՀԳՀԾ) կնքվել է 2015 թվականին Մեծ Բրիտանիայի, Գերմանիայի, Չինաստանի, Ռուսաստանի, ԱՄՆ-ի, Ֆրանսիայի և Իրանի կողմից: Այն ենթադրում էր պատժամիջոցների վերացում` Իրանի միջուկային ծրագիրը սահմանափակելու դիմաց։ Սակայն 2018 թվականին` նախագահ Դոնալդ Թրամփի օրոք, ԱՄՆ-ը դուրս եկավ համաձայնագրից և վերականգնեց պատժամիջոցները։ Ի պատասխան Թեհրանը սկսեց աստիճանաբար կրճատել իր պարտավորությունները` հրաժարվելով մի շարք սահմանափակումներից, այդ թվում` ուրանի հարստացման աստիճանին վերաբերող։Փետրվարին Թրամփը հայտարարել էր, որ պատրաստ է ռազմական գործողություններ վարելու փոխարեն Իրանի հետ նոր համաձայնագիր կնքել: Նա նշել էր, որ ուզում է հասնել «վերիֆիկացված» միջուկային խաղաղության պայմանագրի, որը Թեհրանին թույլ կտա զարգանալ և բարգավաճել:Փետրվարի 25-ին ՌԴ նախագահի մամուլի քարտուղար Դմիտրի Պեսկովը իրանական IRNA գործակալությանը տված հարցազրույցում նշել էր, որ Մոսկվան պատրաստ է Թեհրանին օգնել լուծում միջուկային ծրագրի հետ կապված հարցերին։
իրանի իսլամական հանրապետություն
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իրանի իսլամական հանրապետություն, ամն, միջուկային ծրագիր, մասուդ փեզեշքիան
իրանի իսլամական հանրապետություն, ամն, միջուկային ծրագիր, մասուդ փեզեշքիան
Իրանի նախագահը չի բացառել ԱՄՆ-ի հետ բանակցությունները վերսկսելու հնարավորությունը
23:00 27.02.2025 (Թարմացված է: 23:09 27.02.2025) Նախագահ Փեզեշքիանն ընդգծել է, որ բանակցությունների տրամաբանությունն իսկ խախտվում է, երբ մի կողմին առաջարկում են վայր դնել զենքը` իմանալով, որ մյուսը ցանկացած պահի կարող է հարված հասցնել:
ԹԵՀՐԱՆ, 27 փետրվարի - Sputnik. Իրանը չի հրաժարվում Վաշինգտոնի հետ բանակցություններից, սակայն չի պատրաստվում դրանք վարել իր համար ոչ շահավետ պայմաններով։ Այս մասին, ինչպես փոխանցում է
ՌԻԱ Նովոստին, հայտարարել է երկրի նախագահ Մասուդ Փեզեշքիանը։
«Ոմանք ասում են, որ մենք այլ ընտրություն չունենք, քան ԱՄՆ-ի հետ բանակցությունների սեղան նստելը։ Բայց մենք չէինք էլ պնդում, որ չենք խոսելու։ Մենք միայն ասել ենք, որ չենք պատրաստվում ստորանալ ավազակների առաջ»,-նրա խոսքը մեջբերում է նախագահի մամուլի ծառայությունը։
Փեզեշքիանն ընդգծել է, որ բանակցությունների տրամաբանությունն իսկ խախտվում է, երբ մի կողմին առաջարկում են վայր դնել զենքը` իմանալով, որ մյուսը ցանկացած պահի կարող է հարված հասցնել:
Նախօրեին Իրանի ԱԳ նախարար Աբբաս Արաղչին իր ռուս գործընկեր Սերգեյ Լավրովի հետ մամուլի ասուլիսի ժամանակ հայտարարել էր, որ Թեհրանը ԱՄՆ-ի հետ միջուկային գործարքը չի քննարկելու, քանի դեռ Վաշինգտոնը շարունակում է առավելագույն ճնշման քաղաքականությունը: Նա նաև հստակեցրել էր, որ Լավրովը Թեհրան կատարած այցի ընթացքում Իրանին ամերիկյան կողմից որևէ ուղերձ չի փոխանցել:
Միջուկային գործարքը (ՀԳՀԾ) կնքվել է 2015 թվականին Մեծ Բրիտանիայի, Գերմանիայի, Չինաստանի, Ռուսաստանի, ԱՄՆ-ի, Ֆրանսիայի և Իրանի կողմից: Այն ենթադրում էր պատժամիջոցների վերացում` Իրանի միջուկային ծրագիրը սահմանափակելու դիմաց։ Սակայն 2018 թվականին` նախագահ Դոնալդ Թրամփի օրոք, ԱՄՆ-ը դուրս եկավ համաձայնագրից և վերականգնեց պատժամիջոցները։ Ի պատասխան Թեհրանը սկսեց աստիճանաբար կրճատել իր պարտավորությունները` հրաժարվելով մի շարք սահմանափակումներից, այդ թվում` ուրանի հարստացման աստիճանին վերաբերող։
Փետրվարին Թրամփը հայտարարել էր, որ պատրաստ է ռազմական գործողություններ վարելու փոխարեն Իրանի հետ նոր համաձայնագիր կնքել: Նա նշել էր, որ ուզում է հասնել «վերիֆիկացված» միջուկային խաղաղության պայմանագրի, որը Թեհրանին թույլ կտա զարգանալ և բարգավաճել:
Փետրվարի 25-ին ՌԴ նախագահի մամուլի քարտուղար Դմիտրի Պեսկովը իրանական IRNA գործակալությանը տված հարցազրույցում նշել էր, որ Մոսկվան պատրաստ է Թեհրանին օգնել լուծում միջուկային ծրագրի հետ կապված հարցերին։
