ՌԴ զինուժը Կուրսկի մարզում Ուկրաինայի զինված ուժերի 3 գրոհ է հետ մղել. ՊՆ
16:49 22.02.2025 (Թարմացված է: 17:00 22.02.2025)
ՌԴ պաշտպանության նախարարության շենքը Մոսկվայում
© Sputnik / Владимир Баранов
Բաժանորդագրվել
Խոցվել են Ուկրաինայի զինված ուժերի կենդանի ուժն ու տեխնիկան։
ԵՐԵՎԱՆ, 22 փետրվարի – Sputnik. Ռուսական զորքը Ուկրաինայի զինված ուժերի երեք գրոհ է հետ մղել Կուրսկի մարզում։ Տեղեկությունը հայտնում է ՌԴ պաշտպանության նախարարությունը։
««Հյուսիս» զորախմբավորման ստորաբաժանումները հարձակողական գործողությունների ընթացքում խոցել են Ուկրաինայի զինված ուժերի տանկային, ծանր մեքենայացված, յոթ մեքենայացված, հինգ դեսանտային-գրոհային բրիգադներ, ծովային հետևակի բրիգադներ, տարածքային պաշտպանության չորս բրիգադներ և երեք գրոհային գնդեր Գոգոլևկա, Գոնչարովկա, Գուևո, Զաոլեշենկա, Կազաչյա Լոկնյա, Կուրիլովկա, Լեբեդևկա, Լոկնյա, Մախնովկա, Նովայա Սորոչինա, Նիկոլսկի, Օլեշնյա, Ռուբանշչինա և Սուջա բնակավայրերի շրջաններում: Հետ է մղվել հակառակորդի երեք գրոհ», - ասված է հաղորդագրության մեջ։
Օպերատիվ-մարտավարական, բանակային ավիացիայի հարվածներից և հրետանու կրակից խոցվել են Ուկրաինայի զինված ուժերի կենդանի ուժն ու տեխնիկան Կուրսկի շրջանի տասը բնակավայրերի, ինչպես նաև Ուկրաինայի Սումիի մարզի յոթ բնակավայրերում:
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Պուտինի խոսքով` նպատակը մեկն է` պաշտպանել նրանց, ովքեր 8 տարի շարունակ ծաղրի ու ցեղասպանության են ենթարկվել Կիևի ռեժիմի կողմից, և դրա համար նախատեսվում է իրականացնել Ուկրաինայի ապառազմականացում, դատի տալ բոլոր ռազմական հանցագործներին, որոնք պատասխանատու են Դոնբասի խաղաղ բնակիչների դեմ արյունալի հանցագործությունների համար: Արևմուտքի երկրներն ի պատասխան լայնածավալ պատժամիջոցներ են սահմանել Ռուսաստանի դեմ։
