Բուք և մերկասառույց. ի՞նչ իրավիճակ է Հայաստանի ճանապարհներին
09:51 22.02.2025 (Թարմացված է: 09:53 22.02.2025)
Բաժանորդագրվել
Ճանապարհաշինարարները շարունակում են մաքրման աշխատանքներ իրականացնել։
ԵՐԵՎԱՆ, 22 փետրվարի – Sputnik. Հայաստանի մի շարք ճանապարհներ մերկասառույցով են պատված։ Տեղեկությունը հայտնում է Ճանապարհային դեպարտամենտը։
«Արարատի, Թալինի, Անիի, Ախուրյանի, Աբովյանի, Հրազդանի, Ապարանի, Նոյեմբերյանի, Մասիսի, Վարդենիսի, Վանաձորի տարածաշրջանների ավտոճանապարհներին տեղ-տեղ մերկասառույց է։ Աշոցքի, Ամասիայի, Գորիսի, Մեղրիի տարածաշրջանների ավտոճանապարհներին, Սիսիանից մինչև «Զանգեր» կոչվող հատվածում և Տիգրանաշենի ոլորաններում բուք է»,– ասված է հաղորդագրությունում։
Ըստ հիմնադրամի` միջպետական և հանրապետական նշանակության մյուս ավտոճանապարհները բաց են։
Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ:
