Բուհերի վարձավճարներն էլ կարող են բարձրանալ. «Հրապարակ»
09:55 20.02.2025 (Թարմացված է: 10:18 20.02.2025)
ԵՊՀ
© Sputnik / Asatur Yesayants
Բաժանորդագրվել
Այժմ բուհական կրթության տարեկան վարձավճարի վերին շեմ կա` տարեկան 1 մլն դրամից ոչ շատ։
ԵՐԵՎԱՆ, 20 փետրվարի – Sputnik. ՀՀ բուհերի ուսման վարձավճարներն առաջիկայում կարող են բարձրանալ։ Տեղեկությունը հայտնում է «Հրապարակ» օրաթերթը։
«Բանն այն է, որ դեռ տարիներ առաջ կառավարության որոշում է ընդունվել, ըստ որի` բուհական կրթության տարեկան վարձավճարի վերին սահման է ֆիքսվել` տարեկան 1 մլն դրամից ոչ ավելի: Ամեն ինչ «բարեփոխող», այսինքն` թանկացնող իշխանությունը որոշել է այստեղ էլ «բարեփոխում» անել, և հիմա ԿԳՄՍ նախարարությունում քննարկում են 1 մլն–ի սահմանափակումը հանելու հարցը»,– գրում է թերթը։
Ըստ պարբերականի` հիմնավորումն այն է, թե մասնավոր դպրոցներ ու մանկապարտեզներ կան, որտեղ 1 մլն–ից բարձր է տարեկան վարձը։
