Ձյուն և խիտ մառախուղ. ի՞նչ է կատարվում Հայաստանի ճանապարհներին
20:24 14.02.2025 (Թարմացված է: 20:25 14.02.2025)
Մառախուղ
© Sputnik / Armine Aleksanyan
Բաժանորդագրվել
Միջպետական և հանրապետական նշանակության ճանապարհները բաց են։
ԵՐԵՎԱՆ, 14 փետրվարի – Sputnik. Հայաստանի մի շարք հատվածներում ձյուն է գալիս։ Տեղեկությունը հայտնում է Ճանապարհային դեպարտամենտը։
«Աշտարակի, Էջմիածնի, Բաղրամյանի, Վայքի, Սիսիանի, Արթիկի, Աբովյանի, Հրազդանի, Սևանի տարածաշրջաններում ձյուն է տեղում Գորիսի տարածաշրջանում խիտ մառախուղ է, տեսանելիությունը՝ 3 մետր։ Ստեփանավանի տարածաշրջանում տեղ-տեղ մերկասառույց է»,– ասված է հաղորդագրությունում։
Միջպետական և հանրապետական նշանակության բոլոր ավտոճանապարհները բաց են։
Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ:
