https://arm.sputniknews.ru/20250214/1-taruc-aveli-e-hhn-chi-karvoghanum-sksel-chvor-navahangsti-shinararutjuny-vorn-e-khndiry-85754200.html
1 տարուց ավելի է` ՀՀ–ն չի կարողանում սկսել «Չոր նավահանգստի» շինարարությունը. որն է խնդիրը
1 տարուց ավելի է` ՀՀ–ն չի կարողանում սկսել «Չոր նավահանգստի» շինարարությունը. որն է խնդիրը
Sputnik Արմենիա
Նախագիծը կդառնա ազատ տնտեսական գործունեության գոտում առևտրի զարգացման համար օպտիմալ լուծում, սակայն մինչ օրս Երևանը ներդրող չի գտել։ 14.02.2025, Sputnik Արմենիա
2025-02-14T08:55+0400
2025-02-14T08:55+0400
2025-02-14T08:55+0400
չոր նավահանգիստ
հայաստան
գյումրի
էկոնոմիկայի նախարարություն
https://cdn.am.sputniknews.ru/img/07e6/06/1e/44470787_0:124:1600:1024_1920x0_80_0_0_54664af74e39e9db43d096dc23e8526f.jpg
ԵՐԵՎԱՆ, 14 փետրվարի - Sputnik. Հայաստանը մեկ տարուց ավելի է` չի կարողանում կողմնորոշվել Գյումրիում «Չոր նավահանգստի» և արդյունաբերական հանգույցի կառուցման նախագծի իրականացման ժամկետների հարցում։ Ծրագրի իրականացման մեկնարկի ամսաթիվը կրկին անորոշ ժամկետով հետաձգվել է։2023 թվականի դեկտեմբերին հայտնի դարձավ, որ հոլանդական MTBS խորհրդատվական միջազգային ընկերությունը պատրաստել է «Չոր նավահանգստի» տեխնիկատնտեսական հիմնավորումը (ՏՏՀ)։ 2024 թվականի երկրորդ կեսին պետք է սկսվեին շինարարական աշխատանքները։ՀՀ էկոնոմիկայի նախարարությունից Sputnik Արմենիայի գրավոր հարցմանն ի պատասխան պարզաբանել են, որ ներկայում, բացի ՏՏՀ-ից, մշակված է նախագծի իրագործելիության պլանը, ճանապարհային քարտեզը։Նախարարությունը չի բացառում նախագծում հնարավոր փոփոխությունները, ըստ որում՝ ժամկետների առումով։ Նշվում է, որ ծրագրի իրականացումը կնպաստի տնտեսության աճին, նոր աշխատատեղերի ստեղծմանը, ինչպես նաև արտահանման ծավալների ընդլայնմանը:Հիշեցնենք, որ նախագծով նախատեսվում է Գյումրիում լոգիստիկ կենտրոնի, արդյունաբերական գոտու և պահեստների հետ ազատ առևտրի գոտու ստեղծում: Դա թույլ կտա ապրանքներ և բեռներ տեղափոխել ցանկացած ուղղությամբ՝ օգտագործելով ինչպես օդային, այնպես էլ երկաթուղային տրանսպորտը:«Չոր նավահանգստի» հասկացությունը հատկապես արդիական է դեպի ծով ելք չունեցող երկրների համար, ինչպիսին Հայաստանն է։ «Չոր նավահանգիստը» ֆունկցիոնալ առումով ոչնչով չի տարբերվում ծովայինից, բացառությամբ այն բանի, որ նավերի փոխարեն օգտագործվում են վագոններ, երկաթուղիներ և բեռնատարներ։ Ազատ տնտեսական գործունեության գոտում նախագիծը կդառնա առևտրի զարգացման համար օպտիմալ լուծում։Գյումրին ընտրվել է իր զարգացած ենթակառուցվածքների և ավտոմոբիլային, օդային և երկաթուղային կապն ապահովելու հնարավորությունների շնորհիվ: Քաղաքը սահմանակից է Թուրքիային ու Վրաստանին և կարող է կապ ապահովել Ռուսաստանի և Եվրոպայի երկրների հետ Սև ծովի նավահանգիստների միջոցով։Գյումրիում չոր նավահանգիստ կառուցելու ծրագիրը հարցականի տա՞կ է. Պապոյանի պարզաբանումը
գյումրի
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
չոր նավահանգիստ, հայաստան, գյումրի, էկոնոմիկայի նախարարություն
չոր նավահանգիստ, հայաստան, գյումրի, էկոնոմիկայի նախարարություն
1 տարուց ավելի է` ՀՀ–ն չի կարողանում սկսել «Չոր նավահանգստի» շինարարությունը. որն է խնդիրը
Նախագիծը կդառնա ազատ տնտեսական գործունեության գոտում առևտրի զարգացման համար օպտիմալ լուծում, սակայն մինչ օրս Երևանը ներդրող չի գտել։
ԵՐԵՎԱՆ, 14 փետրվարի - Sputnik. Հայաստանը մեկ տարուց ավելի է` չի կարողանում կողմնորոշվել Գյումրիում «Չոր նավահանգստի» և արդյունաբերական հանգույցի կառուցման նախագծի իրականացման ժամկետների հարցում։ Ծրագրի իրականացման մեկնարկի ամսաթիվը կրկին անորոշ ժամկետով հետաձգվել է։
2023 թվականի դեկտեմբերին հայտնի դարձավ, որ հոլանդական MTBS խորհրդատվական միջազգային ընկերությունը պատրաստել է «Չոր նավահանգստի» տեխնիկատնտեսական հիմնավորումը (ՏՏՀ)։ 2024 թվականի երկրորդ կեսին պետք է սկսվեին շինարարական աշխատանքները։
ՀՀ էկոնոմիկայի նախարարությունից
Sputnik Արմենիայի գրավոր հարցմանն ի պատասխան պարզաբանել են, որ ներկայում, բացի ՏՏՀ-ից, մշակված է նախագծի իրագործելիության պլանը, ճանապարհային քարտեզը։
«Հնարավոր ներդրողներ ներգրավելու և օպերատոր ընտրելու նպատակով բանակցությունները շարունակվում են նաև մի շարք միջազգային կառույցների, այս թվում` Ասիական զարգացման բանկի, ինչպես նաև Մերձավոր Արևելքի երկրներում (ԱՄԷ, Իրաք և Կատար) նմանատիպ նախագծեր իրականացնող կառույցների հետ», - ասել են գերատեսչությունից։
Նախարարությունը չի բացառում նախագծում հնարավոր փոփոխությունները, ըստ որում՝ ժամկետների առումով։ Նշվում է, որ ծրագրի իրականացումը կնպաստի տնտեսության աճին, նոր աշխատատեղերի ստեղծմանը, ինչպես նաև արտահանման ծավալների ընդլայնմանը:
Հիշեցնենք, որ նախագծով նախատեսվում է Գյումրիում լոգիստիկ կենտրոնի, արդյունաբերական գոտու և պահեստների հետ ազատ առևտրի գոտու ստեղծում: Դա թույլ կտա ապրանքներ և բեռներ տեղափոխել ցանկացած ուղղությամբ՝ օգտագործելով ինչպես օդային, այնպես էլ երկաթուղային տրանսպորտը:
«Չոր նավահանգստի» հասկացությունը հատկապես արդիական է դեպի ծով ելք չունեցող երկրների համար, ինչպիսին Հայաստանն է։ «Չոր նավահանգիստը» ֆունկցիոնալ առումով ոչնչով չի տարբերվում ծովայինից, բացառությամբ այն բանի, որ նավերի փոխարեն օգտագործվում են վագոններ, երկաթուղիներ և բեռնատարներ։ Ազատ տնտեսական գործունեության գոտում նախագիծը կդառնա առևտրի զարգացման համար օպտիմալ լուծում։
Գյումրին ընտրվել է իր զարգացած ենթակառուցվածքների և ավտոմոբիլային, օդային և երկաթուղային կապն ապահովելու հնարավորությունների շնորհիվ: Քաղաքը սահմանակից է Թուրքիային ու Վրաստանին և կարող է կապ ապահովել Ռուսաստանի և Եվրոպայի երկրների հետ Սև ծովի նավահանգիստների միջոցով։
