Ռուսական տունը և ՀՀ ԳԱԱ գիտակրթական կենտրոնը համատեղ ծրագրեր կիրականացնեն
18:28 13.02.2025 (Թարմացված է: 18:31 13.02.2025)
© Photo : Русский дом в ЕреванеՀայաստանում Ռուսական տան և ՀՀ ԳԱԱ Գիտակրթական միջազգային կենտրոնի ներկայացուցիչները

© Photo : Русский дом в Ереване
Բաժանորդագրվել
Փոխգործակցության ոլորտներից մեկը կլինի զբոսաշրջությունը։
ԵՐԵՎԱՆ, 13 փետրվարի – Sputnik. Հայաստանում Ռուսական տունը և ՀՀ ԳԱԱ Գիտակրթական միջազգային կենտրոնը համագործակցության համաձայնագիր են ստորագրել:
Փաստաթուղթն ուղղված է գիտության, կրթության, զբոսաշրջության և մշակութային փոխանակման ոլորտներում փոխգործակցության ամրապնդմանը:
© Photo : Русский дом в ЕреванеՀայաստանում Ռուսական տան և ՀՀ ԳԱԱ Գիտակրթական միջազգային կենտրոնի ներկայացուցիչները

Հայաստանում Ռուսական տան և ՀՀ ԳԱԱ Գիտակրթական միջազգային կենտրոնի ներկայացուցիչները
© Photo : Русский дом в Ереване
Համաձայնագիրը նախատեսում է համատեղ հետազոտական նախագծեր, գիտաժողովների և սեմինարների կազմակերպում: Կողմերը հատուկ ուշադրություն կդարձնեն երիտասարդ մասնագետներին աջակցելուն։
«Այս համագործակցությունն իսկապես կարևոր է, քանի որ զբոսաշրջությունը մեզ համար առաջնային նշանակություն ունի ինչպես երկրի մակարդակով, այնպես էլ մեր կենտրոնում։ Այդ պատճառով էլ երբ խոսվեց այս ծրագրի մասին, ես անմիջապես դրական արձագանքեցի, քանի որ այն կարող է ստեղծել հնարավորություններ, որոնք կնպաստեն զբոսաշրջության ոլորտում դրական փոփոխություններին ոչ միայն Երևանում, այլև Գյումրիում»,-նշել է ՀՀ ԳԱԱ ԳԿՄԿ տնօրեն Արմեն Սարգսյանը։
Նախորդ տարիներին ավելի մեծ ուշադրություն էր դարձվում մշակութային նախագծերին, բայց վերջերս հիմնական շեշտը դրվում է գիտության վրա:
«Եվ մենք հիմա մասնագետներ ունենք, որոնք կարող են դա իրականացնել բարձրագույն մասնագիտական մակարդակով»,-ասել է Հայաստանում «Ռոսսոտրուդնիչեստվոյի» ներկայացուցչության ղեկավար Վադիմ Ֆեֆիլովը։
© Photo : Русский дом в ЕреванеՀայաստանում Ռուսական տան և ՀՀ ԳԱԱ Գիտակրթական միջազգային կենտրոնի ներկայացուցիչները

Հայաստանում Ռուսական տան և ՀՀ ԳԱԱ Գիտակրթական միջազգային կենտրոնի ներկայացուցիչները
© Photo : Русский дом в Ереване
Առաջին համատեղ նախագիծը կլինի «Զբոսավարների դպրոցը», որի շրջանակում Գյումրիում վերապատրաստման դասընթացներ կկազմակերպվեն զբոսավարների համար: