https://arm.sputniknews.ru/20250213/kgms-n-der-spasum-e-snup-dvogi-chkajacats-hamergi-hamar-vtsharvats-hvonvorari-veradardzin--85738159.html
ԿԳՄՍ–ն դեռ սպասում է Սնուպ Դոգի չկայացած համերգի համար վճարված հոնորարի վերադարձին
ԿԳՄՍ–ն դեռ սպասում է Սնուպ Դոգի չկայացած համերգի համար վճարված հոնորարի վերադարձին
Sputnik Արմենիա
Նախարարի խոսքով՝ պայմանագրի դրույթները հստակ են և վերաբերում են վճարված ամբողջ գումարի վերադարձին։ 13.02.2025, Sputnik Արմենիա
2025-02-13T13:31+0400
2025-02-13T13:31+0400
2025-02-13T13:59+0400
կրթության, գիտության, մշակույթի և սպորտի նախարարություն (կգմս)
սնուպ դոգ
համերգ
ժաննա անդրեասյան
https://cdn.am.sputniknews.ru/img/07e9/02/0c/85723467_0:0:1182:665_1920x0_80_0_0_14ad64333140e83c69944bb2a51d8bcb.jpg.webp
ԵՐԵՎԱՆ, 13 փետրվարի – Sputnik․ Հայաստանի կրթության, գիտության, մշակույթի և սպորտի նախարարությունը դիմել է «Դոպինգ Սփեյս» ընկերությանը՝ Սնուպ Դոգին վճարված հոնորարը վերադարձնելու համար, պատասխան առայժմ չկա։ Այսօր կառավարության նիստից հետո լրագրողների հետ ճեպազրույցում այս մասին ասաց ԿԳՄՍ նախարար Ժաննա Անդրեասյանը։ Մանրամասնեց՝ կնքված պայմանագրի դրույթները հստակ են, դրանք վերաբերում են ամբողջ գումարի վերադարձին։Նշենք, որ Մրցակցության պետական հանձնաժողովը փետրվարի 12-ին հաղորդագրություն է տարածել՝ նշելով, որ որոշում է կայացվել կարճել ԿԳՄՍՆ-ի վերաբերյալ հարուցված վարույթը՝ «Դոպինգ Սփեյս» ընկերությանն առերևույթ արգելված պետական օժանդակության տրամադրման առնչությամբ։ ՄՊՀ–ի որոշումից նաև տեղեկանում ենք, որ Սնուպ Դոգի հետ բանակցությունների արդյունքում արտիստը համաձայնել է «Դոպինգ Սփեյս»-ին վերադարձնել վճարված ամբողջ հոնորարը այն դեպքում, երբ կնքված պայմանագրի համաձայն՝ համերգը չեղարկելու դեպքում վճարված գումարների վերադարձ նախատեսված չէր։ ՄՊՀ-ն նաև հայտնում է, որ «Դոպինգ Սփեյսը» գնորդներին և արտերկրում տոմսերի վաճառքով զբաղվող գործընկերներին վերադարձրել է որոշակի գումար (չափը չի նշվում- խմբ․), տոմսերի մի մասի գումարն էլ վերադարձման գործընթացում է։Հիշեցնեք՝ ՀՀ կառավարության 2023 թ. օգոստոսի 11–ի որոշմամբ` «Համաշխարհային աստղի հայաստանյան հյուրախաղեր» երաժշտական նախագծի շրջանակում Սնուպ Դոգի հայաստանյան համերգը կազմակերպելու նպատակով «Դոպինգ Սփեյս» ընկերությանը տրամադրվել էր 2 մլրդ 318 մլն 596 800 դրամ։ ԿԳՄՍՆ-ի և ընկերության միջև կնքված պայմանագրով գումարը տրամադրվել էր դրամաշնորհի տեսքով։Ռեփերի հոնորարը կազմում է 1,8 մլն դոլար։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
կրթության, գիտության, մշակույթի և սպորտի նախարարություն (կգմս), սնուպ դոգ, համերգ, ժաննա անդրեասյան
կրթության, գիտության, մշակույթի և սպորտի նախարարություն (կգմս), սնուպ դոգ, համերգ, ժաննա անդրեասյան
ԿԳՄՍ–ն դեռ սպասում է Սնուպ Դոգի չկայացած համերգի համար վճարված հոնորարի վերադարձին
13:31 13.02.2025 (Թարմացված է: 13:59 13.02.2025) Նախարարի խոսքով՝ պայմանագրի դրույթները հստակ են և վերաբերում են վճարված ամբողջ գումարի վերադարձին։
ԵՐԵՎԱՆ, 13 փետրվարի – Sputnik․ Հայաստանի կրթության, գիտության, մշակույթի և սպորտի նախարարությունը դիմել է «Դոպինգ Սփեյս» ընկերությանը՝ Սնուպ Դոգին վճարված հոնորարը վերադարձնելու համար, պատասխան առայժմ չկա։ Այսօր կառավարության նիստից հետո լրագրողների հետ ճեպազրույցում այս մասին ասաց ԿԳՄՍ նախարար Ժաննա Անդրեասյանը։
«Դիմել ենք կազմակերպությանը համապատասխան պահանջով, այս պահին սպասում ենք կազմակերպության կողմից գործողություններին։ Դեռևս այդ գործընթացում ենք, ինքներս կիրազեկենք, հենց որ անցնենք հաջորդ փուլ»,- ասաց նախարարը։
Մանրամասնեց՝ կնքված պայմանագրի դրույթները հստակ են, դրանք վերաբերում են ամբողջ գումարի վերադարձին։
Նշենք, որ Մրցակցության պետական հանձնաժողովը փետրվարի 12-ին հաղորդագրություն է տարածել՝ նշելով, որ որոշում է կայացվել կարճել ԿԳՄՍՆ-ի վերաբերյալ հարուցված վարույթը՝ «Դոպինգ Սփեյս» ընկերությանն առերևույթ արգելված պետական օժանդակության տրամադրման առնչությամբ։
ՄՊՀ–ի որոշումից նաև տեղեկանում ենք, որ Սնուպ Դոգի հետ բանակցությունների արդյունքում արտիստը համաձայնել է «Դոպինգ Սփեյս»-ին վերադարձնել վճարված ամբողջ հոնորարը այն դեպքում, երբ կնքված պայմանագրի համաձայն՝ համերգը չեղարկելու դեպքում վճարված գումարների վերադարձ նախատեսված չէր։ ՄՊՀ-ն նաև հայտնում է, որ «Դոպինգ Սփեյսը» գնորդներին և արտերկրում տոմսերի վաճառքով զբաղվող գործընկերներին վերադարձրել է որոշակի գումար (չափը չի նշվում- խմբ․), տոմսերի մի մասի գումարն էլ վերադարձման գործընթացում է։
Հիշեցնեք՝ ՀՀ կառավարության 2023 թ. օգոստոսի 11–ի որոշմամբ` «Համաշխարհային աստղի հայաստանյան հյուրախաղեր» երաժշտական նախագծի շրջանակում Սնուպ Դոգի հայաստանյան համերգը կազմակերպելու նպատակով «Դոպինգ Սփեյս» ընկերությանը տրամադրվել էր
2 մլրդ 318 մլն 596 800 դրամ։ ԿԳՄՍՆ-ի և ընկերության միջև կնքված պայմանագրով գումարը տրամադրվել էր դրամաշնորհի տեսքով։
Ռեփերի հոնորարը կազմում է 1,8 մլն դոլար։
