https://arm.sputniknews.ru/20250213/baqvum-sharunakvum-e-vardanjani-gvortsvov-daty-na-hrazharvel-e-hanrajin-pashtpanic-85756348.html
Բաքվում շարունակվում է Վարդանյանի գործով «դատը». նա հրաժարվել է հանրային պաշտպանից
Բաքվում շարունակվում է Վարդանյանի գործով «դատը». նա հրաժարվել է հանրային պաշտպանից
Sputnik Արմենիա
Ռուբեն Վարդանյանին պաշտպանելու է պայմանագրով իր փաստաբան Աբրահամ Բերմանը։ 13.02.2025, Sputnik Արմենիա
2025-02-13T20:07+0400
2025-02-13T20:07+0400
2025-02-13T21:08+0400
ռուբեն վարդանյան
բաքու
ադրբեջան
գերի
դատ
https://cdn.am.sputniknews.ru/img/07e9/02/0d/85755376_0:0:946:532_1920x0_80_0_0_2123b1f25f58cd2a5bc5feee10bb283a.jpg.webp
ԵՐԵՎԱՆ, 13 փետրվարի – Sputnik. Ադրբեջանում շարունակվում է Արցախի նախկին պետնախարար, գործարար, բարերար Ռուբեն Վարդանյանի գործով «դատավարությունը»։ Տեղեկությունը հայտնում են ադրբեջանական ԶԼՄ–ները։Նշվում է, որ դատավարության սկզբում Ռուբեն Վարդանյանն ու իր փաստաբան Աբրահամ Բերմանը խնդրել են առանձին հանդիպում կազմակերպելու պայմաններ ստեղծել։ Դատարանը բավարարել է խնդրանքը։Նիստի ընթացքում Ռուբեն Վարդանյանը հայտնել է, որ ինքը հրաժարվում է պետության կողմից տրամադրված հանրային պաշտպան Ազեր Մագերամովի ծառայություններից, և որ իր շահերը պաշտպանելու է միայն իր պայմանագրային փաստաբան Աբրահամ Բերմանը։Մեղադրող կողմն ու տուժողի ներկայացուցիչը չեն առարկել։ Դատարանը տեղում քննարկել և բավարարել է միջնորդությունը։Բաքվում կայացել է հերթական դատական նիստը. Արայիկ Հարությունյանն իբր հայտարարություն է արելՆիստը շարունակվել է մեղադրական ակտի եզրափակիչ մասի հրապարակմամբ:Ռուբեն Վարդանյանին մեղադրում են Ադրբեջանի քրեական օրենսգրքի 16 հոդվածով։ Մեղադրանքների թվում է «արտերկրում Ադրբեջանի դիվանագետների դեմ «Նեմեսիս-2» ահաբեկչական գործողություն նախաձեռնելը»։Բացի այդ, ադրբեջանական իշխանությունները պնդում են, որ «Ադրբեջանի տարածքում ստեղծված հանցավոր համայնքը» գործել է Հայաստանի նախկին նախագահներ Ռոբերտ Քոչարյանի, Սերժ Սարգսյանի, նախկին վարչապետ Վազգեն Մանուկյանի, պաշտպանության նախկին նախարար Վազգեն Սարգսյանի, ԼՂՀ պաշտպանության նախկին նախարար Սամվել Բաբայանի, ԼՂՀ նախկին քարտուղարներ Վիտալի Բալասանյանի և Արշավիր Ղարամյանի, գրող Զորի Բալայանի, ՀՀ ՊՆ նախկին ղեկավար Սեյրան Օհանյանի, Հայաստանի և Արցախի հերոս Մոնթե Մելքոնյանի և այլոց գլխավորությամբ։Նպատակը եղել է «Ադրբեջանի դեմ ռազմական ագրեսիան և ադրբեջանական հողերի օկուպացիան»։Վարդանյանի գորով հաջորդ «դատական նիստը» նշանակված է փետրվարի 17–ին։Վարդանյանի և մյուսների դեմ մեղադրանքները հորինված են. քրեական իրավունքի մասնագետՀիշեցնենք` հունվարի 17-ից Ադրբեջանում ընթանում են Արցախի նախկին ռազմաքաղաքական առաջնորդների գործով դատական լսումները: Մեղադրյալների թվում են Լեռնային Ղարաբաղի նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, Պաշտպանության բանակի նախկին հրամանատար Լևոն Մնացականյանը, Պաշտպանության բանակի հրամանատարի նախկին տեղակալ Դավիթ Մանուկյանը, արտաքին գործերի նախկին նախարար Դավիթ Բաբայանը և Ազգային ժողովի նախագահ Դավիթ Իշխանյանը:Նախկին պետնախարար և բարերար Ռուբեն Վարդանյանի «գործն» առանձնացվել է առանձին վարույթ: Չնայած իր գործի նյութերը մյուսների հետ միավորելու նրա խնդրանքին, դատարանը որոշել է 422 հատորներից 400-ը առանձին դիտարկել:Պետք է ճնշում գործադրել ԵՄ–ի վրա. Ռուբեն Վարդանյանի որդին` հոր «դատավարության» մասինԱվելի վաղ իրավապաշտպանները հայտնել էին, որ Վարդանյանին իր «գործի» աղավաղված թարգմանությունն են տրամադրել. որոշ հատվածներում հղումներ են եղել նույնիսկ ոչ թե Ադրբեջանի, այլ Բելառուսի օրենսդրությանը:Բացի այդ, պարզվել է, որ ադրբեջանական դատարանը մերժել է պաշտպանական կողմի բոլոր միջնորդությունները նախկին պետնախարարի շինծու գործով պատճեններ ստանալու և տեսագրությունների բովանդակությանը ծանոթանալու վերաբերյալ:
բաքու
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռուբեն վարդանյան, բաքու, ադրբեջան, գերի, դատ
ռուբեն վարդանյան, բաքու, ադրբեջան, գերի, դատ
Բաքվում շարունակվում է Վարդանյանի գործով «դատը». նա հրաժարվել է հանրային պաշտպանից
20:07 13.02.2025 (Թարմացված է: 21:08 13.02.2025) Ռուբեն Վարդանյանին պաշտպանելու է պայմանագրով իր փաստաբան Աբրահամ Բերմանը։
ԵՐԵՎԱՆ, 13 փետրվարի – Sputnik. Ադրբեջանում շարունակվում է Արցախի նախկին պետնախարար, գործարար, բարերար Ռուբեն Վարդանյանի գործով «դատավարությունը»։ Տեղեկությունը հայտնում են ադրբեջանական ԶԼՄ–ները։
Նշվում է, որ դատավարության սկզբում Ռուբեն Վարդանյանն ու իր փաստաբան Աբրահամ Բերմանը խնդրել են առանձին հանդիպում կազմակերպելու պայմաններ ստեղծել։ Դատարանը բավարարել է խնդրանքը։
Նիստի ընթացքում Ռուբեն Վարդանյանը հայտնել է, որ ինքը հրաժարվում է պետության կողմից տրամադրված հանրային պաշտպան Ազեր Մագերամովի ծառայություններից, և որ իր շահերը պաշտպանելու է միայն իր պայմանագրային փաստաբան Աբրահամ Բերմանը։
Մեղադրող կողմն ու տուժողի ներկայացուցիչը չեն առարկել։ Դատարանը տեղում քննարկել և բավարարել է միջնորդությունը։
Նիստը շարունակվել է մեղադրական ակտի եզրափակիչ մասի հրապարակմամբ:
Ռուբեն Վարդանյանին մեղադրում են Ադրբեջանի քրեական օրենսգրքի 16 հոդվածով։ Մեղադրանքների թվում է «արտերկրում Ադրբեջանի դիվանագետների դեմ «Նեմեսիս-2» ահաբեկչական գործողություն նախաձեռնելը»։
Բացի այդ, ադրբեջանական իշխանությունները պնդում են, որ «Ադրբեջանի տարածքում ստեղծված հանցավոր համայնքը» գործել է Հայաստանի նախկին նախագահներ Ռոբերտ Քոչարյանի, Սերժ Սարգսյանի, նախկին վարչապետ Վազգեն Մանուկյանի, պաշտպանության նախկին նախարար Վազգեն Սարգսյանի, ԼՂՀ պաշտպանության նախկին նախարար Սամվել Բաբայանի, ԼՂՀ նախկին քարտուղարներ Վիտալի Բալասանյանի և Արշավիր Ղարամյանի, գրող Զորի Բալայանի, ՀՀ ՊՆ նախկին ղեկավար Սեյրան Օհանյանի, Հայաստանի և Արցախի հերոս Մոնթե Մելքոնյանի և այլոց գլխավորությամբ։
Նպատակը եղել է «Ադրբեջանի դեմ ռազմական ագրեսիան և ադրբեջանական հողերի օկուպացիան»։
Վարդանյանի գորով հաջորդ «դատական նիստը» նշանակված է փետրվարի 17–ին։
Հիշեցնենք` հունվարի 17-ից Ադրբեջանում ընթանում են Արցախի նախկին ռազմաքաղաքական առաջնորդների գործով դատական լսումները: Մեղադրյալների թվում են Լեռնային Ղարաբաղի նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, Պաշտպանության բանակի նախկին հրամանատար Լևոն Մնացականյանը, Պաշտպանության բանակի հրամանատարի նախկին տեղակալ Դավիթ Մանուկյանը, արտաքին գործերի նախկին նախարար Դավիթ Բաբայանը և Ազգային ժողովի նախագահ Դավիթ Իշխանյանը:
Նախկին պետնախարար և բարերար Ռուբեն Վարդանյանի «գործն» առանձնացվել է առանձին վարույթ: Չնայած իր գործի նյութերը մյուսների հետ միավորելու նրա խնդրանքին, դատարանը որոշել է 422 հատորներից 400-ը առանձին դիտարկել:
Ավելի վաղ իրավապաշտպանները հայտնել էին, որ Վարդանյանին իր «գործի» աղավաղված
թարգմանությունն են տրամադրել. որոշ հատվածներում հղումներ են եղել նույնիսկ ոչ թե Ադրբեջանի, այլ Բելառուսի օրենսդրությանը:
Բացի այդ, պարզվել է, որ ադրբեջանական դատարանը մերժել է պաշտպանական կողմի բոլոր միջնորդությունները նախկին պետնախարարի շինծու գործով պատճեններ ստանալու և տեսագրությունների բովանդակությանը ծանոթանալու վերաբերյալ:
