Աղմկոտ պատմությունից հետո Ֆրանսիայի նախագահն ամբողջ օրն անցկացրել է Մոդիի հետ
17:57 12.02.2025 (Թարմացված է: 17:59 12.02.2025)
Նարենդրա Մոդին ու Էմանուել Մակրոնը
© AP Photo / Christian Hartmann/ Pool Photo via AP
Բաժանորդագրվել
Համաշխարհային բոլոր ԶԼՄ–ները տարածել էին այն տեսանյութը, որում Մակրոնն անտեսում է Հնդկաստանի վարչապետի մեկնած ձեռքը։ Առաջնորդներն այսօր ցրել են խոսակցություններն այն մասին, թե տարաձայնություններ ունեն, և բացել են Մարսելում Հնդկաստանի գլխավոր հյուպատոսությունը։
ԵՐԵՎԱՆ, 12 փետրվարի – Sputnik. Երեկվա աղմկահարույց պատմությունից հետո Ֆրանսիայի նախագահ Էմանուել Մակրոնը հավանաբար ցանկացել է մեղքը քավել և օրն անցկացրել է Հնդկաստանի վարչապետ Նարենդրա Մոդիի հետ։ Հնդկաստանի արտաքին գործերի նախարարության մամուլի ծառայությունը հայտնում է, որ նրանք միասին այցելել են Մարսելում ֆրանսիական լոգիստիկ CMA-CGM ընկերության կառավարման կետ:
Երեկ տեղեկացրել էինք, որ Մակրոնը Փարիզում կայացած արհեստական բանականության գագաթնաժողովում չի սեղմել Հնդկաստանի վարչապետի ձեռքը, միաժամանակ բարևել է գագաթնաժողովի մյուս մասնակիցներին, ինչպես նաև համբույրներ փոխանակել Եվրահանձնաժողովի նախագահ Ուրսուլա ֆոն դեր Լյայենի հետ:
«Վարչապետին ներկայացվել է ընկերության գործունեությունը: Կողմերը քննարկել են նաև «Մերձավորարևելյան միջանցքի» համագործակցության հարցը», - ասվում է Հնդկաստանի ԱԳՆ–ի տարածած հաղորդագրության մեջ:
Այնուհետև Ֆրանսիայի և Հնդկաստանի առաջնորդներն այցելել են զինվորական պանթեոն, որտեղ թաղված են նաև Առաջին համաշխարհային պատերազմում Ֆրանսիայի կողմից կռված հնդիկ զինվորները:
More than 100,000 Indians fought for France in 1914. Ten thousand never returned. They set foot on the soil of Marseille before fighting in the mud of the trenches, unaware that they were marching to their deaths.
— Emmanuel Macron (@EmmanuelMacron) February 12, 2025
Their sacrifice binds France and India forever. pic.twitter.com/lmjbawDCdh
«Ավելի քան 100 հազար հնդիկներ 1914 թվականին կռվեցին Ֆրանսիայի համար, նրանցից 10 հազարն այդպես էլ չվերադարձան։ Նրանք ոտք դրեցին Մարսելի հողի վրա` չկասկածելով, որ մահվան են գնում։ Դա ընդմիշտ կապում է Ֆրանսիային ու Հնդկաստանին», - գրել Է Մակրոնը X սոցցանցում։
Մակրոնը և Մոդին նաև բացել են Մարսելում Հնդկաստանի նոր գլխավոր հյուպատոսությունը:
