https://arm.sputniknews.ru/20250210/vitshabanutjun-ev-krakvocner-jraber-gjughum-pakhchvoghy-krakel-e-vostikani-ughghutjamb-85619281.html
Վիճաբանություն և կրակոցներ Ջրաբեր գյուղում. փախչողը կրակել է նաև ոստիկանի ուղղությամբ
Վիճաբանություն և կրակոցներ Ջրաբեր գյուղում. փախչողը կրակել է նաև ոստիկանի ուղղությամբ
Sputnik Արմենիա
Ոստիկանները սպանության փորձ կատարած 48-ամյա տղամարդուն վնասազերծել և ձերբակալել են։ 10.02.2025, Sputnik Արմենիա
2025-02-10T11:39+0400
2025-02-10T11:39+0400
2025-02-10T11:40+0400
կրակոց
ձերբակալություն
կոտայքի մարզ
https://cdn.am.sputniknews.ru/img/1113/88/11138854_0:122:800:572_1920x0_80_0_0_6cfd22a441395e14286a417988f8bd6c.jpg.webp
ԵՐԵՎԱՆ, 10 փետրվարի – Sputnik. Կոտայքի մարզի Ջրաբեր գյուղում վիճաբանություն է եղել, ինչի ընթացքում հնչել են նաև կրակոցներ, կան վիրավորներ։ Տեղեկությունը հայտնում է ՆԳՆ ոստիկանությունը։Փետրվարի 9–ին «Աբովյան» բժշկական կենտրոնից ՆԳՆ ոստիկանությունում հաղորդում է ստացվել, որ պատռված վերքով բուժօգնության են դիմել Շիրակի մարզի Բյուրակն գյուղի 36-ամյա և հրազենային բաց կոտրվածքով՝ Բերքաբեր գյուղի 40-ամյա բնակիչներ։Ըստ նախնական տվյալների, Կոտայքի մարզի բնակիչ 48-ամյա տղամարդը նույն օրը գնացել է Նոր Գյուղ համայնքում գտնվող 40-ամյա տղամարդու տուն։ Նա հարձակվել է այնտեղ գտնվող 36-ամյա տղամարդու վրա, էլեկտրոնային սղոցով հարվածել նրա գլխին, վերցրել կացին, կրկին հարվածներ հասցրել նրան, ինչից հետո իր մոտ գտնվող ատրճանակից կրակոցներ արձակել օգնության հասած 40-ամյա տղամարդու վարած «Կիա» մակնիշի մեքենայի ուղղությամբ։ Կատարվածի հետևանքով 40-ամյա տղամարդը ստացել է հրազենային վնասվածք։Տեսնելով ոստիկաններին՝ 48-ամյա տղամարդուն մեքենայով դիմել է փախուստի։ Նա 2 կրակոց է արձակել քրեական ոստիկանների ուղղությամբ, որոնցից մեկը դիպել է ծառայողական մեքենային։«Հետապնդելու ընթացքում տեսնելով, որ կրկին կրակոց է արձակում իրենց ուղղությամբ, քրեական ոստիկանն իրեն ամրակցված «Մակարով» ատրճանակից 2 նախազգուշական կրակոց է արձակել օդ, ինչից հետո մեկ անգամ կրակել է մեքենայի անվադողի ուղղությամբ։ Օգնության հասած պարեկների կողմից հետապնդվող մեքենան կանգնեցվել է։ Տղամարդը վնասազերծվել և ձերբակալվել է»,–նշված է հաղորդագրության մեջ։Անձնական խուզարկությամբ 48–ամյա տղամարդու մոտ հայտնաբերվել է «Մակարով» տիպի ատրճանակ՝ լիցքավորված վիճակում։ Փամփշտատուփի մեջ առկա է եղել ևս 1 փամփուշտ, իսկ գրպանում՝ 3,15 գրամ դեղնականաչավուն զանգվածով կաթուցիչ։Ձերբակալվածը կազմված փաստաթղթերի հետ ներկայացվել է նախաքննական մարմին։
կոտայքի մարզ
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
կրակոց, ձերբակալություն, կոտայքի մարզ
կրակոց, ձերբակալություն, կոտայքի մարզ
Վիճաբանություն և կրակոցներ Ջրաբեր գյուղում. փախչողը կրակել է նաև ոստիկանի ուղղությամբ
11:39 10.02.2025 (Թարմացված է: 11:40 10.02.2025) Ոստիկանները սպանության փորձ կատարած 48-ամյա տղամարդուն վնասազերծել և ձերբակալել են։
ԵՐԵՎԱՆ, 10 փետրվարի – Sputnik. Կոտայքի մարզի Ջրաբեր գյուղում վիճաբանություն է եղել, ինչի ընթացքում հնչել են նաև կրակոցներ, կան վիրավորներ։ Տեղեկությունը հայտնում է
ՆԳՆ ոստիկանությունը։
Փետրվարի 9–ին «Աբովյան» բժշկական կենտրոնից ՆԳՆ ոստիկանությունում հաղորդում է ստացվել, որ պատռված վերքով բուժօգնության են դիմել Շիրակի մարզի Բյուրակն գյուղի 36-ամյա և հրազենային բաց կոտրվածքով՝ Բերքաբեր գյուղի 40-ամյա բնակիչներ։
Ըստ նախնական տվյալների, Կոտայքի մարզի բնակիչ 48-ամյա տղամարդը նույն օրը գնացել է Նոր Գյուղ համայնքում գտնվող 40-ամյա տղամարդու տուն։ Նա հարձակվել է այնտեղ գտնվող 36-ամյա տղամարդու վրա, էլեկտրոնային սղոցով հարվածել նրա գլխին, վերցրել կացին, կրկին հարվածներ հասցրել նրան, ինչից հետո իր մոտ գտնվող ատրճանակից կրակոցներ արձակել օգնության հասած 40-ամյա տղամարդու վարած «Կիա» մակնիշի մեքենայի ուղղությամբ։ Կատարվածի հետևանքով 40-ամյա տղամարդը ստացել է հրազենային վնասվածք։
Տեսնելով ոստիկաններին՝ 48-ամյա տղամարդուն մեքենայով դիմել է փախուստի։ Նա 2 կրակոց է արձակել քրեական ոստիկանների ուղղությամբ, որոնցից մեկը դիպել է ծառայողական մեքենային։
«Հետապնդելու ընթացքում տեսնելով, որ կրկին կրակոց է արձակում իրենց ուղղությամբ, քրեական ոստիկանն իրեն ամրակցված «Մակարով» ատրճանակից 2 նախազգուշական կրակոց է արձակել օդ, ինչից հետո մեկ անգամ կրակել է մեքենայի անվադողի ուղղությամբ։ Օգնության հասած պարեկների կողմից հետապնդվող մեքենան կանգնեցվել է։ Տղամարդը վնասազերծվել և ձերբակալվել է»,–նշված է հաղորդագրության մեջ։
Անձնական խուզարկությամբ 48–ամյա տղամարդու մոտ հայտնաբերվել է «Մակարով» տիպի ատրճանակ՝ լիցքավորված վիճակում։ Փամփշտատուփի մեջ առկա է եղել ևս 1 փամփուշտ, իսկ գրպանում՝ 3,15 գրամ դեղնականաչավուն զանգվածով կաթուցիչ։
Ձերբակալվածը կազմված փաստաթղթերի հետ ներկայացվել է նախաքննական մարմին։
