ՀՀ ՊՆ դաշտային շարժական հոսպիտալը մասնակցում է «Համատեղ լուծում–2025» զորավարժությանը
11:37 03.02.2025 (Թարմացված է: 11:39 03.02.2025)
© Photo : press office of MoD of the Republic of Armenia ՀՀ ՊՆ դաշտային շարժական հոսպիտալը մասնակցում է «Համատեղ լուծում–2025» զորավարժությանը

ՀՀ ՊՆ դաշտային շարժական հոսպիտալը մասնակցում է «Համատեղ լուծում–2025» զորավարժությանը
Բաժանորդագրվել
Հայկական կողմը զորավարժությանը մասնակցում է ՀՀ–ԱՄՆ երկկողմ փոխգործակցության շրջանակում։
ԵՐԵՎԱՆ, 3 փետրվարի – Sputnik. ՀՀ ՊՆ դաշտային շարժական հոսպիտալը մասնակցում է «Համատեղ լուծում–2025» բազմազգ զորավարժությանը։ Տեղեկությունը հայտնում է ՀՀ պաշտպանության նախարարության մամուլի ծառայությունը։
Նշվում է, որ ՊՆ ռազմաբժշկական ապահովման վարչության դաշտային շարժական հոսպիտալը ԳԴՀ Հոհենֆելս քաղաքում տեղակայված ամերիկյան ռազմաբազայում անցկացվող «Համատեղ լուծում–2025» բազմազգ զորավարժությանը մասնակցում է ՀՀ–ԱՄՆ երկկողմ փոխգործակցության շրջանակում։
«Վարժանքին ներգրավված ՀՀ ՊՆ բժշկական անձնակազմն ու ԱՄՆ–ի ազգային գվարդիայի գործընկերները համատեղ ձևավորված խմբերով բարդ պայմաններում կատարում են վիրավորների տեսակավորում, անհետաձգելի բուժօգնության ցուցաբերում, վիրաբուժական միջամտությունների իրականացում, ինչպես նաև տարհանման կազմակերպում՝ բուժօգնության հաջորդ փուլ»,– ասված է հաղորդագրության մեջ։
© Photo : press office of MoD of the Republic of Armenia «Համատեղ լուծում–2025» զորավարժություն

«Համատեղ լուծում–2025» զորավարժություն
Պաշտպանության նախարարությունից նաև հայտնում են, որ զորավարժության նպատակներն են բարձրացնել հոսպիտալի անձնակազմի վարժվածության աստիճանը, կատարելագործել իրականին մոտ, բարդ պայմաններում աշխատանքների կազմակերպման մասնագիտական հմտությունները, ինչպես նաև առավելագույն չափով բարելավել բազմազգ միջավայրում բժշկական ապահովման փոխգործակցված կազմակերպման մակարդակը։
© Photo : press office of MoD of the Republic of Armenia «Համատեղ լուծում–2025» զորավարժություն

«Համատեղ լուծում–2025» զորավարժություն