Պարզվել է` ովքեր են ադրբեջաներեն երգել Երևանում. ԱԱԾ-ն՝ աղմկահարույց տեսանյութի մասին
11:08 31.01.2025 (Թարմացված է: 11:12 31.01.2025)
Բաժանորդագրվել
ՀՀ ազգային անվտանգության ծառայությունը կոչ է անում զերծ մնալ իրականությանը չհամապատասխանող տեղեկություններ տարածելուց։
ԵՐԵՎԱՆ, 31 հունվարի – Sputnik․ Սոցցանցերում տարածված ու աղմուկ բարձրացրած տեսանյութի «գլխավոր հերոսները» Իրանի Իսլամական Հանրապետության քաղաքացիներ են։ Այս մասին հայտնում է ՀՀ ազգային անվտանգության ծառայությունը՝ արձագանքելով սոցցանցերում մեծ թվով օգտատերերի բարձրացրած աղմուկին։
ԱԱԾ-ն նույնիսկ հրապարակել է տեսանյութում երևացող անձանց լուսանկարներն ու հայտնել նրանց անունները՝ Միլադ Ղահրամանիաֆշար, Բեհզադ Ղաֆարի Շաբանլոու, Մեհդի Մոհամմադի, Համեդ Ազիզի Մալեկի, Նադեր Ղաֆարի։
© Photo : press office of the National Security Service of RA
Մեհդի Մոհամմադի

Մեհդի Մոհամմադի
© Photo : press office of the National Security Service of RA
Միլադ Ղահրամանիաֆշար

Միլադ Ղահրամանիաֆշար
© Photo : press office of the National Security Service of RA
Համեդ Ազիզի Մալեկի

Համեդ Ազիզի Մալեկի
© Photo : press office of the National Security Service of RA
Նադեր Ղաֆարի

Նադեր Ղաֆարի
© Photo : press office of the National Security Service of RA
Բեհզադ Ղաֆարի Շաբանլոու

Բեհզադ Ղաֆարի Շաբանլոու
«Նշված անձինք Հայաստանի Հանրապետությունում են գտնվել 2024թ. դեկտեմբերի 30-ից մինչև ս.թ. հունվարի 3-ը: Ազգային անվտանգության ծառայությունը կոչ է անում զերծ մնալ իրականությանը չհամապատասխանող և չճշտված տեղեկություններ հրապարակելուց և մեկնաբանություններից»,- նշված է ԱԱԾ տարածած հաղորդագրության մեջ։
Նշենք, որ հունվարի 30-ի երեկոյան սոցցանցերում լայն տարածում գտավ մի տեսանյութ, որում Երևանի Հանրապետության հրապարակում մի խումբ մարդիկ ադրբեջաներենով երգում են «Ղարաբաղ» երգը։
Իրանագետ Արտյոմ Տոնոյանը գրել է, որ այս երգը Իրանի Թավրիզ քաղաքի փողոցային երգիչներն անգիր գիտեն ու ժամանակին նաև հայերի համար էին երգում` որպես նշան հայ-իրանական բարեկամության ու Արցախի հայկական պատկանելության։