ՌԴ ԶՈւ–ն Կուրսկի մարզում հետ է մղել Ուկրաինայի զինված ուժերի 2 հակագրոհ
© Sputnik / Наталья Селиверстова
Բաժանորդագրվել
Մարզի 21 բնակավայրերում օդուժը և հրետանին խոցել են Ուկրաինայի զինված ուժերի կենդանի ուժը և տեխնիկան։
ԵՐԵՎԱՆ, 30 հունվարի - Sputnik. Ռուսական «Հյուսիս» զորախումբը Կուրսկի մարզի սահմանամերձ շրջաններում հետ է մղել Ուկրաինայի զինված ուժերի 2 հակագրոհ, հայտնում է Ռուսաստանի պաշտպանական գերատեսչությունը։
«Հյուսիս» զորքերի խմբավորման ստորաբաժանումները հարձակողական գործողությունների ընթացքում Գոգոլովկա, Գոնչարովկա, Գուևո, Պերվի Կնյաժնի, Կուրիլովկա, Լեբեդևկա, Մալայա Լոկնյա, Մախնովկա, Նիկոլաևկա, Նիկոլսկի, Նովայա Սորոչինա, Ռուբանշչինա, Սվերդլիկովո և Չերկասկոյե Պորեչնոյե բնակավայրերի շրջաններում խոցել են Ուկրաինայի զինված ուժերի մեկական տանկային, ծանր մեքենայացված, 4 մեքենայացված, 2 դեսանտագրոհային, ծովային հետևակի և տարածքային պաշտպանության 3 բրիգադների կազմավորումներ: Հետ է մղվել 2 հակագրոհ», - ասվում է հաղորդագրության մեջ։
Բացի այդ, օդուժը և հրետանին Կուրսկի մարզի 21, ինչպես նաև Ուկրաինայի Սումիի մարզի 5 բնակավայրերի շրջաններում խոցել են Ուկրաինայի զինված ուժերի կենդանի ուժ և տեխնիկա:
Հիշեցնենք, որ ուկրաինական զորքերը պարբերաբար գնդակոծում և տարբեր միջոցներով, այդ թվում՝ ԱԹՍ-ներով, գրոհում են ՌԴ սահմանամերձ տարածաշրջանները, մասնավորապես՝ Բելգորոդի, Բրյանսկի, Կուրսկի և Վորոնեժի մարզերը:
