https://arm.sputniknews.ru/20250128/pashinjann-asum-e-azgajin-anvtangutjan-razmavarutjuny-petq-e-pvokhvi-85945144.html
Փաշինյանն ասում է՝ ազգային անվտանգության ռազմավարությունը պետք է փոխվի
Փաշինյանն ասում է՝ ազգային անվտանգության ռազմավարությունը պետք է փոխվի
Sputnik Արմենիա
Վարչապետի համար ընդունելի է հայրենասիրության այն մոդելը, որը բանակի առջև կոնկրետ խնդիր է դնում ՝ պահպանել և պաշտպանել Հայաստանի միջազգայնորեն ճանաչված... 28.01.2025, Sputnik Արմենիա
2025-01-28T19:48+0400
2025-01-28T19:48+0400
2025-02-19T16:57+0400
նիկոլ փաշինյան
բանակ
հայաստան
արցախ
ազգային անվտանգության ռազմավարություն
https://cdn.am.sputniknews.ru/img/07e9/01/1c/85213849_0:0:1670:940_1920x0_80_0_0_dda1018ae0047c90bdd5e3826d773348.jpg.webp
ԵՐԵՎԱՆ, 28 հունվարի – Sputnik. ՀՀ վարչապետ Նիկոլ Փաշինյանը հայտարարել է առաջիկայում երկրի ազգային անվտանգության ռազմավարության փոփոխության մասին։ Վարչապետի մամուլի ծառայության տեղեկացմամբ՝ այդ մասին նա ասել է այսօր պաշտպանության նախարարությունում Բանակի օրվա առիթով միջոցառման ժամանակ։Նա նաև նշել է, որ իր համար ընդունելի է հայրենասիրության այն մոդելը, որը բանակի առջև կոնկրետ խնդիր է դնում ՝ պահպանել և պաշտպանել Հայաստանի միջազգայնորեն ճանաչված սահմանների անվտանգությունը:Բանակի բարեփոխումների համար շատ կարևոր է Արարատ–Արագած դիսկուրսը. ՓաշինյանԸստ նրա՝ այս մոդելի վրա պետք է կառուցենք մեր նորացված, պաշտպանունակ բանակը, և սա է այն հենքը, որի վրա պետք է իրագործել բանակի կերպափոխման այն հայեցակարգը, որն արդեն Անվտանգության խորհրդի հավանությանն է արժանացել:Հիշեցնենք, որ ազգային անվտանգության նոր ռազմավարությունն ընդունվել է 2020 թվականին։ Դրանում նշվում է, որ մենք Հայաստանի Երրորդ Հանրապետության հպարտ քաղաքացիներն ենք, Հայաստանի Երրորդ Հանրապետությունը հիմնադրած և Արցախն ազատագրած հայ ժողովրդի զավակները: Հայաստանի Հանրապետությունը Արցախի հայության անվտանգության և ազատության երաշխավորն է: Հայաստանի Հանրապետությունը համահայկական պետություն է և ներկայացնում է աշխարհի բոլոր հայերին:Հայ ժողովուրդը պատմական բազմաթիվ արհավիրքներ հաղթահարելու և 21–րդ դար հասնելու ուժ և կարողություն է ձեռք բերել այն հմտությունների, գիտելիքի և հատկանիշների շնորհիվ, որոնք զարգացրել է պետականություն ունենալու շրջանում: Այս պատմական գիտակցության վրա հենվելով է, որ հայ ժողովուրդը Մեծ եղեռնից անմիջապես հետո կարողացավ վերստեղծել իր անկախ պետությունը:Փաշինյանն արժեզրկում է բանակն ու պատմությունը․ Օհանյանը՝ ազգ–բանակից հրաժարվելու մասինԱզգային նպատակների շարքում շեշտադրված են Արցախի ինքնորոշման իրավունքի միջազգային ճանաչումը՝ առանց որևէ սահմանափակման, Հայոց ցեղասպանության միջազգային ճանաչումը, հետևանքների հաղթահարումը և վերացումը:«Հայաստանի անվտանգային միջավայր» բաժնում նշվում է, որ Հայաստանի հանդեպ Թուրքիան վարում է ոչ բարիդրացիական քաղաքականություն՝ շարունակելով Հայաստանի շրջափակումը, հրաժարվելով հաստատել դիվանագիտական հարաբերություններ առանց նախապայմանների, ժխտելով, իսկ առանձին դեպքերում նաև արդարացնելով Հայոց ցեղասպանությունը և այլն։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
նիկոլ փաշինյան, բանակ, հայաստան, արցախ, ազգային անվտանգության ռազմավարություն
նիկոլ փաշինյան, բանակ, հայաստան, արցախ, ազգային անվտանգության ռազմավարություն
Փաշինյանն ասում է՝ ազգային անվտանգության ռազմավարությունը պետք է փոխվի
19:48 28.01.2025 (Թարմացված է: 16:57 19.02.2025) Վարչապետի համար ընդունելի է հայրենասիրության այն մոդելը, որը բանակի առջև կոնկրետ խնդիր է դնում ՝ պահպանել և պաշտպանել Հայաստանի միջազգայնորեն ճանաչված սահմանների անվտանգությունը:
ԵՐԵՎԱՆ, 28 հունվարի – Sputnik. ՀՀ վարչապետ Նիկոլ Փաշինյանը հայտարարել է առաջիկայում երկրի ազգային անվտանգության
ռազմավարության փոփոխության մասին։ Վարչապետի մամուլի ծառայության տեղեկացմամբ՝ այդ մասին նա ասել է այսօր պաշտպանության նախարարությունում Բանակի օրվա առիթով միջոցառման ժամանակ։
«Այսօր մեր բանակի 33-րդ տարեդարձն է, մենք ազգային անվտանգության ռազմավարության մեջ, որը, իհարկե, առաջիկայում կփոխվի և կվերափոխվի, բայց մեր որոշմամբ բանակը ներառել ենք մեր պետական, մեր ազգային արժեքների առաջին տողերում: Այո՛, բանակը պետական արժեք է, ինձ համար առաջինը Հայաստանի Հանրապետությունն է, պետականությունը, անկախությունը և այդ պետականության ողնաշարը՝ բանակը, զինված ուժերը, իսկ բանակը և զինված ուժերը մարդիկ են առաջին հերթին: Եվ մարդիկ պետք է իրենց զգան գնահատված, մարդիկ պետք է իրենց զգան հարգված և մարդիկ պետք է իրենց զգան արժանապատիվ»,- ասել է Փաշինյանը։
Նա նաև նշել է, որ իր համար ընդունելի է հայրենասիրության այն մոդելը, որը բանակի առջև կոնկրետ խնդիր է դնում ՝ պահպանել և պաշտպանել Հայաստանի միջազգայնորեն ճանաչված սահմանների անվտանգությունը:
Ըստ նրա՝ այս մոդելի վրա պետք է կառուցենք մեր նորացված, պաշտպանունակ բանակը, և սա է այն հենքը, որի վրա պետք է իրագործել բանակի կերպափոխման այն հայեցակարգը, որն արդեն Անվտանգության խորհրդի հավանությանն է արժանացել:
«Դուք պետք է իմանաք, որ մենք հպարտանում ենք ձեզնով, հույս ենք դնում ձեզ վրա, և համոզված եմ, որ իրար հետ Հայաստանի Հանրապետությունն իր 29743 քառակուսի կիլոմետր տարածքով կդարձնենք անվտանգ, զարգացած, երջանիկ, պաշտպանված պետություն»,- օրվա առիթով շնորհավորելով զինծառայողներին՝ ասել է Փաշինյանը։
Հիշեցնենք, որ ազգային անվտանգության նոր ռազմավարությունն ընդունվել է 2020 թվականին։ Դրանում նշվում է, որ մենք Հայաստանի Երրորդ Հանրապետության հպարտ քաղաքացիներն ենք, Հայաստանի Երրորդ Հանրապետությունը հիմնադրած և Արցախն ազատագրած հայ ժողովրդի զավակները: Հայաստանի Հանրապետությունը Արցախի հայության անվտանգության և ազատության երաշխավորն է: Հայաստանի Հանրապետությունը համահայկական պետություն է և ներկայացնում է աշխարհի բոլոր հայերին:
Հայ ժողովուրդը պատմական բազմաթիվ արհավիրքներ հաղթահարելու և 21–րդ դար հասնելու ուժ և կարողություն է ձեռք բերել այն հմտությունների, գիտելիքի և հատկանիշների շնորհիվ, որոնք զարգացրել է պետականություն ունենալու շրջանում: Այս պատմական գիտակցության վրա հենվելով է, որ հայ ժողովուրդը Մեծ եղեռնից անմիջապես հետո կարողացավ վերստեղծել իր անկախ պետությունը:
Ազգային նպատակների շարքում շեշտադրված են Արցախի ինքնորոշման իրավունքի միջազգային ճանաչումը՝ առանց որևէ սահմանափակման, Հայոց ցեղասպանության միջազգային ճանաչումը, հետևանքների հաղթահարումը և վերացումը:
«Հայաստանի անվտանգային միջավայր» բաժնում նշվում է, որ Հայաստանի հանդեպ Թուրքիան վարում է ոչ բարիդրացիական քաղաքականություն՝ շարունակելով Հայաստանի շրջափակումը, հրաժարվելով հաստատել դիվանագիտական հարաբերություններ առանց նախապայմանների, ժխտելով, իսկ առանձին դեպքերում նաև արդարացնելով Հայոց ցեղասպանությունը և այլն։
