https://arm.sputniknews.ru/20250128/hatukjvokatajinner-ev-zhamanakakic-lutsumner-andranik-qvocharjany-hh-zu-zargacman-masin-85194865.html
Հատուկջոկատայիններ և ժամանակակից լուծումներ. Անդրանիկ Քոչարյանը՝ ՀՀ ԶՈւ զարգացման մասին
Հատուկջոկատայիններ և ժամանակակից լուծումներ. Անդրանիկ Քոչարյանը՝ ՀՀ ԶՈւ զարգացման մասին
Sputnik Արմենիա
ԱԺ «Քաղաքացիական պայմանագիր» խմբակցության պատգամավորը նշեց, որ բանակի առաջ դրված խնդիրներն այսօր փոխվել են։ 28.01.2025, Sputnik Արմենիա
2025-01-28T12:17+0400
2025-01-28T12:17+0400
2025-01-28T12:34+0400
հայաստան
անդրանիկ քոչարյան
զենք
բանակ
սպառազինություն
հայաստան և հապկ
https://cdn.am.sputniknews.ru/img/07e9/01/1c/85191305_0:0:1500:844_1920x0_80_0_0_daf99b1bda2c892d1983ca1ede150248.jpg
ԵՐԵՎԱՆ, 28 հունվարի – Sputnik. Ժամանակակից բանակ ունենալու համար կարևոր է հատուկ նշանակության զորքերի ներդրումը, ինչպես նաև ժամանակակից սպառազինություն ունենալը։ Եռաբլուրում այս հայտարարությունն արեց ԱԺ «Քաղաքացիական պայմանագիր» խմբակցության պատգամավոր, պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը։Նա պատասխանեց Sputnik Արմենիայի այն հարցին, թե մենք մեր ԶՈւ բարեփոխումների գործում որ ուղղությամբ ենք շարժվում` հաշվի առնելով, որ Ադրբեջանը հիմա ակտիվ զարգացնում է հատուկ նշանակության զորքերը և փոքր, շարժունակ խմբերի վրա է հիմնական շեշտադրումն անում։Հետաքրքրվեցինք, թե ՀՀ իշխանություններն ինչպես են պատկերացնում ՀԱՊԿ–ի հետ հետագա համագործակցությունը։Ինչ վերաբերում է բանակի այսօրվա խնդիրներին ու բարեփոխումներին, ապա նրա խոսքով` 31 տարի առաջ էլ, հիմա էլ մարտահրավերները նույնն են, թշնամին էլ է նունը, սակայն բանակի առաջ դրված խնդիրներն են փոխվել։«1994 թվականից հետո բանակը լրիվ ուրիշ վիճակի էր բերված։ Վաղվա բանակը պետք է լինի այնպիսին, որ նման խնդիրների առաջ չկանգնի, ինչպիսին եղան 44–օրյա պատերազմի ժամանակ։ Դասեր քաղելու համար ԱԺ քննիչ հանձնաժողովի հաշվետվությունը բավականին հարուստ նյութ է, որը հավաքագրվել է և կներկայացվի ԱԺ լիագումար նիստերի դահլիճում»,– հայտարարեց նա։Քոչարյանի խոսքով` երբեք պետական բյուջեից այդքան մեծ գումարներ չեն հատկացվել ռազմական հատվածին, ու ամեն տարի այդ թվերը մեծանում են, և պետք է մտածել այդ միջոցներն ավելի արդյունավետ ծախսելու և մեր կարողություններն ավելացնելու մասին։Լրագրողի դիտարկմանը, թե թվերը մեծանում են, բայց հողերը փոքրանում են, Քոչարյանը նախընտրեց չարձագանքել։Փաշինյանը պետք է պատասխան տա` ուր է մեր գնած սպառազինությունը. Սեյրան Օհանյան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
https://cdn.am.sputniknews.ru/img/07e9/01/1c/85191305_188:0:1313:844_1920x0_80_0_0_06cf58ffe4d20981732aa43286e815e8.jpgSputnik Արմենիա
media@sputniknews.com
+74956456601
MIA „Rossiya Segodnya“
հայաստան, անդրանիկ քոչարյան, զենք, բանակ, սպառազինություն, հայաստան և հապկ
հայաստան, անդրանիկ քոչարյան, զենք, բանակ, սպառազինություն, հայաստան և հապկ
Հատուկջոկատայիններ և ժամանակակից լուծումներ. Անդրանիկ Քոչարյանը՝ ՀՀ ԶՈւ զարգացման մասին
12:17 28.01.2025 (Թարմացված է: 12:34 28.01.2025) ԱԺ «Քաղաքացիական պայմանագիր» խմբակցության պատգամավորը նշեց, որ բանակի առաջ դրված խնդիրներն այսօր փոխվել են։
ԵՐԵՎԱՆ, 28 հունվարի – Sputnik. Ժամանակակից բանակ ունենալու համար կարևոր է հատուկ նշանակության զորքերի ներդրումը, ինչպես նաև ժամանակակից սպառազինություն ունենալը։ Եռաբլուրում այս հայտարարությունն արեց ԱԺ «Քաղաքացիական պայմանագիր» խմբակցության պատգամավոր, պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը։
Նա պատասխանեց
Sputnik Արմենիայի այն հարցին, թե մենք մեր ԶՈւ բարեփոխումների գործում որ ուղղությամբ ենք շարժվում` հաշվի առնելով, որ Ադրբեջանը հիմա ակտիվ զարգացնում է հատուկ նշանակության զորքերը և փոքր, շարժունակ խմբերի վրա է հիմնական շեշտադրումն անում։
«Այո՛, ժամանակակից բանակները հատուկ նշանակության տրամաբանության մեջ գործող բանակներն են` անկախ նրա մեծությունից, թվաքանակից։ Այսինքն` փոքր կառույցներ` մեծ խնդիրներ լուծելու համար։ Դա նշանակում է ունենալ ժամանակակից սպառազինություն և դա կիրառելու համար լավ գիտելիքներ ունեցող զինվորականություն։ Դա է մեր նպատակն ու քաղաքականությունը, որը մենք քայլ առ քայլ փորձում ենք դարձնել իրականություն։ Դա շատ բարդ ճանապարհ է, որ մենք հիմա անցնում ենք։ 44–օրյա պատերազմի ժամանակ մենք արձանագրեցինք, թե որտեղ ենք կանգնած եղել պատերազմից առաջ և ուր պետք է հասնենք, որ հեռու պահենք հնարավոր բոլոր պատերազմները, եթե այդպիսի ցանկություն ունենան մեր հակառակորդները»,– հայտարարեց Քոչարյանը։
Հետաքրքրվեցինք, թե ՀՀ իշխանություններն ինչպես են պատկերացնում ՀԱՊԿ–ի հետ հետագա համագործակցությունը։
«Քաղաքական իրողությունները կթելադրեն մեր քայլերը ՀԱՊԿ–ում մեր մնալ–չմնալու հարցում, դուք մի՛ անհանգստացեք»,– պատասխանեց Քոչարյանը։
Ինչ վերաբերում է բանակի այսօրվա խնդիրներին ու բարեփոխումներին, ապա նրա խոսքով` 31 տարի առաջ էլ, հիմա էլ մարտահրավերները նույնն են, թշնամին էլ է նունը, սակայն բանակի առաջ դրված խնդիրներն են փոխվել։
«1994 թվականից հետո բանակը լրիվ ուրիշ վիճակի էր բերված։ Վաղվա բանակը պետք է լինի այնպիսին, որ նման խնդիրների առաջ չկանգնի, ինչպիսին եղան 44–օրյա պատերազմի ժամանակ։ Դասեր քաղելու համար ԱԺ քննիչ հանձնաժողովի հաշվետվությունը բավականին հարուստ նյութ է, որը հավաքագրվել է և կներկայացվի ԱԺ լիագումար նիստերի դահլիճում»,– հայտարարեց նա։
Քոչարյանի խոսքով` երբեք պետական բյուջեից այդքան մեծ գումարներ չեն հատկացվել ռազմական հատվածին, ու ամեն տարի այդ թվերը մեծանում են, և պետք է մտածել այդ միջոցներն ավելի արդյունավետ ծախսելու և մեր կարողություններն ավելացնելու մասին։
Լրագրողի դիտարկմանը, թե թվերը մեծանում են, բայց հողերը փոքրանում են, Քոչարյանը նախընտրեց չարձագանքել։