Անվտանգ ծառայություն զինվորին․ Հայոց բանակի օրվա առիթով հանրապետական մաղթանք է կատարվել
Հայոց բանակի օրվա առիթով հանրապետական մաղթանք է կատարվել
© Photo : Info Service Dept of the Mother See
Բաժանորդագրվել
Պատարագիչը զորակցություն է մաղթել հանուն վաղվա հաղթանակների և ազգային նպատակների իրականացման։
ԵՐԵՎԱՆ, 26 հունվարի – Sputnik. Հայոց բանակի օրվա առիթով այսօր Մայր տաճարում հանրապետական մաղթանք է կատարվել, հայտնում է Մայր աթոռի տեղեկատվական համակարգը։ Պատարագիչն էր ՀՀ ԶՈւ հոգևոր առաջնորդ հոգեշնորհ Տ. Մովսես վարդապետ Սարգսյանը:
Սրբազան արարողությանը ներկա են եղել Մայր աթոռի միաբաններ, ՀՀ ԶՈւ սպաներ, կուրսանտներ և զինծառայողներ, ՀՀ ԶՈւ հոգևոր առաջնորդության գնդերեցներ:
«Հայրենիքի անվտանգությունն ու ամբողջականությունն ապահովելու փրկարար առաքելությունն իրականացնելու համար յուրաքանչյուր հայորդու ուժ է տալիս հավատն առ Աստված, որ փոխանցվում է մեր սուրբ եկեղեցու միջոցով։ Քրիստոնյա զինվորի համար հայրենասիրությունն Աստծո և մերձավորի հանդեպ սիրո պատվիրանի կատարումն է»,- իր խոսքում նշել է Մովսես վարդապետը։
Նա շնորհավորել է Բանակի օրվա առիթով և զորակցություն մաղթել յուրաքանչյուր զինծառայողի՝ հանուն վաղվա հաղթանակների և ազգային նպատակների իրականացման։
Պատարագի ավարտին Ամենայն հայոց կաթողիկոսի նախագահությամբ կատարվել է հանրապետական մաղթանք։ Ներկաներն աղոթք են բարձրացրել առ Աստված՝ հայցելով խաղաղ ու անվտանգ ծառայություն զինվորների համար, ու որ Տերն անսասան պահի պետության սահմանները և իր խնամքի ներքո պահպանի համայն հայ ժողովրդին։
Հայոց բանակի օրվա առիթով հանրապետական մաղթանք է կատարվել
© Photo : Info Service Dept of the Mother See
Հայոց բանակի օրվա առիթով հանրապետական մաղթանք է կատարվել
© Photo : Info Service Dept of the Mother See
Հայոց բանակի օրվա առիթով հանրապետական մաղթանք է կատարվել
© Photo : Info Service Dept of the Mother See
