https://arm.sputniknews.ru/20250121/hhum-ditarkvum-e-eteri-kanvonnery-youtube-jan-aliqneri-vra-taratselu-hnaravvorutjuny-84985678.html
ՀՀ–ում դիտարկվում է եթերի կանոնները Youtube-յան ալիքների վրա տարածելու հնարավորությունը
ՀՀ–ում դիտարկվում է եթերի կանոնները Youtube-յան ալիքների վրա տարածելու հնարավորությունը
Sputnik Արմենիա
Եթերի ընդհանուր կանոններն առաջին փուլում կտարածվեն կաբելային ալիքների, ապա YouTube-յան ալիքների վրա։ Գործընթացի մոնիտորինգի համար կօգտագործվի արհեստական... 21.01.2025, Sputnik Արմենիա
2025-01-21T17:35+0400
2025-01-21T17:35+0400
2025-01-21T17:38+0400
հայաստան
եթեր
մխիթար հայրապետյան
սիսակ գաբրիելյան
գեղամ նազարյան
https://cdn.am.sputniknews.ru/img/07e8/0c/17/84229425_0:84:1600:984_1920x0_80_0_0_f9dfb1c816d0002e3049a6841a78d88c.jpg
ԵՐԵՎԱՆ, 21 հունվարի – Sputnik. Հայաստանի բարձր տեխնոլոգիական արդյունաբերության նախարարությունը քննարկում է հեռուստատեսային եթերի կանոններն ու սահմանափակումները YouTube-յան ալիքների վրա տարածելու հնարավորությունը: Այս մասին խորհրդարանում հայտարարեց բարձր տեխնոլոգիական արդյունաբերության նախարար Մխիթար Հայրապետյանը։Նա այսօր Ազգային ժողովում ներկայացրեց «Տեսալսողական մեդիայի մասին» օրենքում փոփոխություններ կատարելու մասին նախագիծը, որով նախարարությունը ցանկանում է վերացնել սովորական հեռուստաալիքների անհավասարությունը Հայաստանում կաբելային (հեռարձակվող) հեռուստաալիքների նկատմամբ։Հաշվի առնելով, որ հեռուստատեսության և ինտերնետի ամբողջ եթերի մոնիտորինգը բազմակի մեծ ռեսուրսներ կպահանջի, քննարկվում է դրա համար արհեստական բանականություն օգտագործելու հնարավորությունը։ Քննարկումները վարում է Հայաստանի հեռուստատեսության և ռադիոյի հանձնաժողովը:ԱԺ մշակույթի, գիտության, երիտասարդության և սպորտի հարցերով հանձնաժողովի նախագահ Սիսակ Գաբրիելյանը նշեց, որ արհեստական բանականությունն անհրաժեշտ կլինի, այդ թվում` այսպես կոչված «խորքային ֆեյքերին» (այդ թվում՝ հայտնի անձանց անվամբ գործող) ավելի լավ հայտնաբերելու համար` հաշվի առնելով, որ արհեստական բանականությունը թույլ է տալիս ավելի ճշգրիտ նմանակել մարդու արտաքին տեսքն ու ձայնը:«Այդ կապակցությամբ քննարկում ենք օրենսդրական փոփոխություններ, ընդհուպ մինչև նման ֆեյքերի հեղինակների քրեականացում։ Մեր առաջարկները կներկայացնենք առաջիկա ամիսներին», - պատգամավորին պատասխանեց Հայրապետյանը։Ընդդիմադիր «Հայաստան» դաշինքի պատգամավոր Գեղամ Նազարյանն էլ առաջարկեց ավելի խիստ պահանջներ սահմանել ազգային անվտանգության մասով։ Նրա խոսքով` որոշ հանրային բանախոսներ եթերում կարծես հակառակորդին հուշում են, թե երբ և որտեղից պետք է հարձակվել մեր երկրի վրա։ Նման արտահայտությունների հեղինակները, պատգամավորի կարծիքով, պետք է ենթարկվեն պատասխանատվության։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, եթեր, մխիթար հայրապետյան, սիսակ գաբրիելյան, գեղամ նազարյան
հայաստան, եթեր, մխիթար հայրապետյան, սիսակ գաբրիելյան, գեղամ նազարյան
ՀՀ–ում դիտարկվում է եթերի կանոնները Youtube-յան ալիքների վրա տարածելու հնարավորությունը
17:35 21.01.2025 (Թարմացված է: 17:38 21.01.2025) Եթերի ընդհանուր կանոններն առաջին փուլում կտարածվեն կաբելային ալիքների, ապա YouTube-յան ալիքների վրա։ Գործընթացի մոնիտորինգի համար կօգտագործվի արհեստական բանականությունը։
ԵՐԵՎԱՆ, 21 հունվարի – Sputnik. Հայաստանի բարձր տեխնոլոգիական արդյունաբերության նախարարությունը քննարկում է հեռուստատեսային եթերի կանոններն ու սահմանափակումները YouTube-յան ալիքների վրա տարածելու հնարավորությունը: Այս մասին խորհրդարանում հայտարարեց բարձր տեխնոլոգիական արդյունաբերության նախարար Մխիթար Հայրապետյանը։
Նա այսօր Ազգային ժողովում ներկայացրեց «Տեսալսողական մեդիայի մասին» օրենքում փոփոխություններ կատարելու մասին նախագիծը, որով նախարարությունը ցանկանում է վերացնել սովորական հեռուստաալիքների անհավասարությունը Հայաստանում կաբելային (հեռարձակվող) հեռուստաալիքների նկատմամբ։
Խնդիրն այն է, որ կարգավորողի պահանջներին պետք է հետևեն միայն հանրային հեռարձակման ցանցի (մուլտիպլեքս) հեռուստաալիքները։ Կաբելային հեռուստաընկերությունները պարտավոր չեն իրենց եթերում արգելափակել ագրեսիայի կոչերը, ազգային անվտանգության դեմ հայտարարությունները և այլն: Որոշ ժամանակ անց, ինչպես նշեց նախարարը, անհրաժեշտ կլինի նույն օրինագիծը մշակել YouTube-յան ալիքների համար:
Հաշվի առնելով, որ հեռուստատեսության և ինտերնետի ամբողջ եթերի մոնիտորինգը բազմակի մեծ ռեսուրսներ կպահանջի, քննարկվում է դրա համար արհեստական բանականություն օգտագործելու հնարավորությունը։ Քննարկումները վարում է Հայաստանի հեռուստատեսության և ռադիոյի հանձնաժողովը:
ԱԺ մշակույթի, գիտության, երիտասարդության և սպորտի հարցերով հանձնաժողովի նախագահ Սիսակ Գաբրիելյանը նշեց, որ արհեստական բանականությունն անհրաժեշտ կլինի, այդ թվում` այսպես կոչված «խորքային ֆեյքերին» (այդ թվում՝ հայտնի անձանց անվամբ գործող) ավելի լավ հայտնաբերելու համար` հաշվի առնելով, որ արհեստական բանականությունը թույլ է տալիս ավելի ճշգրիտ նմանակել մարդու արտաքին տեսքն ու ձայնը:
«Այդ կապակցությամբ քննարկում ենք օրենսդրական փոփոխություններ, ընդհուպ մինչև նման ֆեյքերի հեղինակների քրեականացում։ Մեր առաջարկները կներկայացնենք առաջիկա ամիսներին», - պատգամավորին պատասխանեց Հայրապետյանը։
Ընդդիմադիր «Հայաստան» դաշինքի պատգամավոր Գեղամ Նազարյանն էլ առաջարկեց ավելի խիստ պահանջներ սահմանել ազգային անվտանգության մասով։ Նրա խոսքով` որոշ հանրային բանախոսներ եթերում կարծես հակառակորդին հուշում են, թե երբ և որտեղից պետք է հարձակվել մեր երկրի վրա։ Նման արտահայտությունների հեղինակները, պատգամավորի կարծիքով, պետք է ենթարկվեն պատասխանատվության։
