https://arm.sputniknews.ru/20250114/haravajin-kvovkasi-erkrnern-irenq-en-erbeve-lutselu-irenc-khndirnery-lavrvovy-33i-masin-84764054.html
Հարավային Կովկասի երկրներն իրենք են երբևէ լուծելու իրենց խնդիրները. Լավրովը՝ «3+3»–ի մասին
Հարավային Կովկասի երկրներն իրենք են երբևէ լուծելու իրենց խնդիրները. Լավրովը՝ «3+3»–ի մասին
Sputnik Արմենիա
ՌԴ արտգործնախարարն ուշադրություն է հրավիրել Վաշինգտոնի և Բրյուսելի` հայ–ադրբեջանական գործընթացին միջամտելու համառ փորձերի վրա: 14.01.2025, Sputnik Արմենիա
2025-01-14T16:11+0400
2025-01-14T16:11+0400
2025-01-14T16:19+0400
սերգեյ լավրով
հարավային կովկաս
հայաստան
ադրբեջան
«3+3» ձևաչափ
https://cdn.am.sputniknews.ru/img/07e9/01/0e/84762026_0:0:1281:720_1920x0_80_0_0_5040b71c873e338b66e16a60df920015.jpg
ԵՐԵՎԱՆ, 14 հունարի – Sputnik. Ռուսաստանի արտգործնախարար Սերգեյ Լավրովը վստահ է, որ Հարավային Կովկասի երկրները ժամանակի ընթացքում ինքնուրույն կլուծեն տարածաշրջանային խնդիրները: Այս մասին նա հայտարարել է մամուլի ասուլիսի ժամանակ՝ անդրադառնալով «3+3» ձևաչափին։Նրա խոսքով՝ տարածաշրջանում առկա հարցերի լուծման այս ձևաչափն ամենաարդյունավետն է։ Լավրովն ընդգծել է, որ ԱՄՆ-ի և ԵՄ-ի` հայ–ադրբեջանական գործընթացին միջամտելու փորձերը միայն բարդացնում են իրավիճակը։«Երբ մեր տարածաշրջանից, ավանդույթներից ու պատմությունից հեռու գտնվող երկրները հայտարարում են, որ ապահովելու են Սյունիքի անվտանգությունը, հարցեր են առաջանում։ Օրինակ` ես այնքան էլ չեմ հասկանում, թե ինչպես կարող է Եվրամիության առաքելությունը նման խնդիր կատարել», - նշել է նախարարը։Նա նաև ուշադրություն է հրավիրել Վաշինգտոնի և Բրյուսելի` հայ–ադրբեջանական գործընթացին միջամտելու համառ փորձերի վրա:Մոսկվան աշխատում է «3+3» ձևաչափը լիարժեք կառույցի վերածելու ուղղությամբ. ՌԴ ԱԳՆ«Լսեցի՝ Ադրբեջանն ու Հայաստանը կարծես թե արդեն գործնականում պայմանավորվել են խաղաղության պայմանագրի շուրջ։ Եվ հասկանալի է, որ մնացած երկու հարցերը նրանք... Դժվար է դրանք ինչ-որ կերպ շրջանցել։ Ու միանգամից Եվրահանձնաժողովը, Եվրամիությունը սկսեցին խոսել՝ մենք հիմա կգանք, ձեզ կօգնենք»։ Ադրբեջանի, Հայաստանի ինքնիշխան որոշումն է, թե փաստաթուղթը համաձայնեցվելու դեպքում այն որտեղ պետք է ստորագրվի։ Բայց Բրյուսելի և Վաշինգտոնի ձգտումն է ինչ -որ կերպ ցույց տալ, որ իրենք են ամեն ինչ արել... կան ասացվածքներ, որոնք այնքան էլ պարկեշտ չեն...», - հայտարարել է նա։Նշենք, որ հիշյալ ձևաչափի շրջանակում 2021-2024թթ. արդեն կայացել է 3 հանդիպում՝ Մոսկվայում, Թեհրանում և Ստամբուլում: Ինչ վերաբերում է հայ-ադրբեջանական կարգավորմանը, ապա Ռուսաստանը բազմիցս հայտարարել է, որ երկկողմ հարաբերությունների կարգավորման հարցում պատրաստ է աջակցել գործընկերներին՝ խստորեն հավատարիմ մնալով Ռուսաստանի, Հայաստանի և Ադրբեջանի ղեկավարների` 2020-2022 թվականներին ձեռք բերած եռակողմ պայմանավորվածություններին։ Իսկ այդ աջակցության ձևերն ու ծավալները կողմերն են որոշում։Իրանը Հարավային Կովկասի խաղաղության համար կօգտագործի բոլոր հնարավորությունները․ ԱԳՆ
հարավային կովկաս
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
սերգեյ լավրով, հարավային կովկաս, հայաստան, ադրբեջան, «3+3» ձևաչափ, видео
սերգեյ լավրով, հարավային կովկաս, հայաստան, ադրբեջան, «3+3» ձևաչափ, видео
Հարավային Կովկասի երկրներն իրենք են երբևէ լուծելու իրենց խնդիրները. Լավրովը՝ «3+3»–ի մասին
16:11 14.01.2025 (Թարմացված է: 16:19 14.01.2025) ՌԴ արտգործնախարարն ուշադրություն է հրավիրել Վաշինգտոնի և Բրյուսելի` հայ–ադրբեջանական գործընթացին միջամտելու համառ փորձերի վրա:
ԵՐԵՎԱՆ, 14 հունարի – Sputnik. Ռուսաստանի արտգործնախարար Սերգեյ Լավրովը վստահ է, որ Հարավային Կովկասի երկրները ժամանակի ընթացքում ինքնուրույն կլուծեն տարածաշրջանային խնդիրները: Այս մասին նա հայտարարել է մամուլի ասուլիսի ժամանակ՝ անդրադառնալով «3+3» ձևաչափին։
Նրա խոսքով՝ տարածաշրջանում առկա հարցերի լուծման այս ձևաչափն ամենաարդյունավետն է։ Լավրովն ընդգծել է, որ ԱՄՆ-ի և ԵՄ-ի` հայ–ադրբեջանական գործընթացին միջամտելու փորձերը միայն բարդացնում են իրավիճակը։
«Երբ մեր տարածաշրջանից, ավանդույթներից ու պատմությունից հեռու գտնվող երկրները հայտարարում են, որ ապահովելու են Սյունիքի անվտանգությունը, հարցեր են առաջանում։ Օրինակ` ես այնքան էլ չեմ հասկանում, թե ինչպես կարող է Եվրամիության առաքելությունը նման խնդիր կատարել», - նշել է նախարարը։
Նա նաև ուշադրություն է հրավիրել Վաշինգտոնի և Բրյուսելի` հայ–ադրբեջանական գործընթացին միջամտելու համառ փորձերի վրա:
«Լսեցի՝ Ադրբեջանն ու Հայաստանը կարծես թե արդեն գործնականում պայմանավորվել են խաղաղության պայմանագրի շուրջ։ Եվ հասկանալի է, որ մնացած երկու հարցերը նրանք... Դժվար է դրանք ինչ-որ կերպ շրջանցել։ Ու միանգամից Եվրահանձնաժողովը, Եվրամիությունը սկսեցին խոսել՝ մենք հիմա կգանք, ձեզ կօգնենք»։ Ադրբեջանի, Հայաստանի ինքնիշխան որոշումն է, թե փաստաթուղթը համաձայնեցվելու դեպքում այն որտեղ պետք է ստորագրվի։ Բայց Բրյուսելի և Վաշինգտոնի ձգտումն է ինչ -որ կերպ ցույց տալ, որ իրենք են ամեն ինչ արել... կան ասացվածքներ, որոնք այնքան էլ պարկեշտ չեն...», - հայտարարել է նա։
Նշենք, որ հիշյալ ձևաչափի շրջանակում 2021-2024թթ. արդեն կայացել է 3 հանդիպում՝ Մոսկվայում, Թեհրանում և Ստամբուլում: Ինչ վերաբերում է հայ-ադրբեջանական կարգավորմանը, ապա Ռուսաստանը բազմիցս հայտարարել է, որ երկկողմ հարաբերությունների կարգավորման հարցում պատրաստ է աջակցել գործընկերներին՝ խստորեն հավատարիմ մնալով Ռուսաստանի, Հայաստանի և Ադրբեջանի ղեկավարների` 2020-2022 թվականներին ձեռք բերած եռակողմ պայմանավորվածություններին։ Իսկ այդ աջակցության ձևերն ու ծավալները կողմերն են որոշում։
