https://arm.sputniknews.ru/20250114/turqiaji-sparnaliqneri-pattsharvov--hunastany-hajtararel-e-pashtpanutjan-iravunqi-masin-84775466.html
Թուրքիայի սպառնալիքների պատճառով Հունաստանը հայտարարել է պաշտպանության իրավունքի մասին
Թուրքիայի սպառնալիքների պատճառով Հունաստանը հայտարարել է պաշտպանության իրավունքի մասին
Sputnik Արմենիա
Թուրքիան Հունաստանին մեղադրում է Էգեյան ծովի արևելյան հատվածի կղզիների ռազմականացման մեջ՝ ի խախտումն ավելի վաղ կնքված միջազգային պայմանագրերի: 14.01.2025, Sputnik Արմենիա
2025-01-14T23:09+0400
2025-01-14T23:09+0400
2025-01-14T23:09+0400
հունաստան
թուրքիա
կղզի
https://cdn.am.sputniknews.ru/img/07e4/0b/09/25244028_0:0:3072:1728_1920x0_80_0_0_da16b0560a280f9f757b3de56f91cb2d.jpg
ԵՐԵՎԱՆ, 14 հունվարի - Sputnik. Հունաստանի արտաքին գործերի նախարարությունը հայտարարել է Թուրքիայի կողմից պատերազմի սպառնալիքի պատճառով երկրի ինքնապաշտպանության իրավունքի մասին:Ինչպես հայտնում է ՌԻԱ Նովոստին՝ վկայակոչելով Հունաստանի ԱԳՆ-ն, հայտարարությունը պատասխան է Դոդեկանես արշիպելագի կարգավիճակի մասին թուրք պաշտոնյայի արտահայտություններին:Նախօրեին տեղեկություններ էին տարածվել, որ կղզիները զինելու համար Հունաստանը հրթիռներ է ուղարկում։ Թուրքիան Հունաստանին մեղադրում է Էգեյան ծովի արևելյան հատվածում գտնվող կղզիները ռազմականացնելու մեջ՝ ի խախտումն միջազգային վաղեմի պայմանագրերի, ինչը հարցականի տակ է դնում այդ տարածքների ինքնիշխանությունը:Էրդողանի զինակից, «Ազգայնական շարժում» կուսակցության (MHP) առաջնորդ Դևլեթ Բահչելին այսօր Թուրքիայի խորհրդարանում հայտարարել է, որ 12 կղզիները, որոնք այժմ Հունաստանի կազմում են, «գողացվել են» թուրքերից: Բահչելիի խոսքով՝ հունական կղզիներում հրթիռների հնարավոր տեղակայումը կխաթարի բարիդրացիության հիմքերը՝ դառնալով մարտահրավեր Անկարայի համար:Հունաստանի ԱԳՆ-ն այս կապակցությամբ հայտարարել է, որ կղզիների կարգավիճակը կարգավորվում է միջազգային համաձայնագրով՝ 1947 թվականի Փարիզի խաղաղության պայմանագրով:«Հունաստանը, որպես ինքնիշխան պետություն, չի հրաժարվում պաշտպանության իր բնական և օրինական իրավունքից, որը նախատեսված է Միավորված Ազգերի Կազմակերպության կանոնադրության 51-րդ հոդվածով։ Առավել ևս, երբ նրան պատերազմ է սպառնում (casus belli), նա պետք է օգտվի իր ինքնիշխանությունից բխող իրավունքից, ինչպես նախատեսված է միջազգային իրավունքով», - ասվում է հայտարարության մեջ։Արտաքին քաղաքական գերատեսչությունում նշել են, որ խաղաղության պահպանումը խոհեմություն և պատասխանատվություն է պահանջում, այլ ոչ թե թշնամական հայտարարություններ: Պետք է ցույց տանք` պատրաստ ենք դիմագրավել կոնֆլիկտներին․ Հունաստանի պաշտպանության նախարարՀիշեցնենք, որ համաձայն ՄԱԿ-ի Ծովային իրավունքի կոնվենցիայի, Հունաստանը հայտարարել է Էգեյան ծովում իր տարածքային ջրերը 6 ծովային մղոնից մինչև 12 ծովային մղոն ընդլայնելու իր իրավունքի մասին: Հունաստանում 1995 թվականին ՄԱԿ-ի Ծովային իրավունքի կոնվենցիայի վավերացման ժամանակ Թուրքիան հայտարարեց, որ եթե Հունաստանը, համաձայն այդ կոնվենցիայի, ընդլայնի իր տարածքային ջրերը 6-ից մինչև 12 ծովային մղոն, ապա դա կլինի Թուրքիայի ինքնիշխանության խախտում և կդառնա պատերազմ հայտարարելու առիթ: Թուրքիան կարծում է, որ տարածքային ջրերի ընդլայնմամբ Հունաստանը գործնականում կփակի միջազգային ջրեր դուրս գալու իր հնարավորությունը, և նա կհայտնվի իր տարածքային ջրերում շրջափակված վիճակում:
հունաստան
թուրքիա
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հունաստան, թուրքիա, կղզի
Թուրքիայի սպառնալիքների պատճառով Հունաստանը հայտարարել է պաշտպանության իրավունքի մասին
Թուրքիան Հունաստանին մեղադրում է Էգեյան ծովի արևելյան հատվածի կղզիների ռազմականացման մեջ՝ ի խախտումն ավելի վաղ կնքված միջազգային պայմանագրերի:
ԵՐԵՎԱՆ, 14 հունվարի - Sputnik. Հունաստանի արտաքին գործերի նախարարությունը հայտարարել է Թուրքիայի կողմից պատերազմի սպառնալիքի պատճառով երկրի ինքնապաշտպանության իրավունքի մասին:
Ինչպես հայտնում է
ՌԻԱ Նովոստին՝ վկայակոչելով Հունաստանի ԱԳՆ-ն, հայտարարությունը պատասխան է Դոդեկանես արշիպելագի կարգավիճակի մասին թուրք պաշտոնյայի արտահայտություններին:
Նախօրեին տեղեկություններ էին տարածվել, որ կղզիները զինելու համար Հունաստանը հրթիռներ է ուղարկում։ Թուրքիան Հունաստանին մեղադրում է Էգեյան ծովի արևելյան հատվածում գտնվող կղզիները ռազմականացնելու մեջ՝ ի խախտումն միջազգային վաղեմի պայմանագրերի, ինչը հարցականի տակ է դնում այդ տարածքների ինքնիշխանությունը:
Էրդողանի զինակից, «Ազգայնական շարժում» կուսակցության (MHP) առաջնորդ Դևլեթ Բահչելին այսօր Թուրքիայի խորհրդարանում հայտարարել է, որ 12 կղզիները, որոնք այժմ Հունաստանի կազմում են, «գողացվել են» թուրքերից: Բահչելիի խոսքով՝ հունական կղզիներում հրթիռների հնարավոր տեղակայումը կխաթարի բարիդրացիության հիմքերը՝ դառնալով մարտահրավեր Անկարայի համար:
«Դոդեկանես արշիպելագն ինտրիգների միջոցով զավթվել, գողացվել է թուրք ժողովրդից։ Եթե Թուրքիան կարող է ապրել առանց 12 կղզիների, ապա 12 կղզիների համար կյանքն առանց Թուրքիայի անհնար է։ Էգեյան ծովի հակառակ ափին (նկատի է առնվում Հունաստանը – խմբ.) ագրեսիվ քաղաքականություն վարելը ոչ մեկին ձեռնտու չէ», - հայտարարել է Բահչելին։
Հունաստանի ԱԳՆ-ն այս կապակցությամբ հայտարարել է, որ կղզիների կարգավիճակը կարգավորվում է միջազգային համաձայնագրով՝ 1947 թվականի Փարիզի խաղաղության պայմանագրով:
«Հունաստանը, որպես ինքնիշխան պետություն, չի հրաժարվում պաշտպանության իր բնական և օրինական իրավունքից, որը նախատեսված է Միավորված Ազգերի Կազմակերպության կանոնադրության 51-րդ հոդվածով։ Առավել ևս, երբ նրան պատերազմ է սպառնում (casus belli), նա պետք է օգտվի իր ինքնիշխանությունից բխող իրավունքից, ինչպես նախատեսված է միջազգային իրավունքով», - ասվում է հայտարարության մեջ։
Արտաքին քաղաքական գերատեսչությունում նշել են, որ խաղաղության պահպանումը խոհեմություն և պատասխանատվություն է պահանջում, այլ ոչ թե թշնամական հայտարարություններ:
Հիշեցնենք, որ համաձայն ՄԱԿ-ի Ծովային իրավունքի կոնվենցիայի, Հունաստանը հայտարարել է Էգեյան ծովում իր տարածքային ջրերը 6 ծովային մղոնից մինչև 12 ծովային մղոն ընդլայնելու իր իրավունքի մասին: Հունաստանում 1995 թվականին ՄԱԿ-ի Ծովային իրավունքի կոնվենցիայի վավերացման ժամանակ Թուրքիան հայտարարեց, որ եթե Հունաստանը, համաձայն այդ կոնվենցիայի, ընդլայնի իր տարածքային ջրերը 6-ից մինչև 12 ծովային մղոն, ապա դա կլինի Թուրքիայի ինքնիշխանության խախտում և կդառնա պատերազմ հայտարարելու առիթ: Թուրքիան կարծում է, որ տարածքային ջրերի ընդլայնմամբ Հունաստանը գործնականում կփակի միջազգային ջրեր դուրս գալու իր հնարավորությունը, և նա կհայտնվի իր տարածքային ջրերում շրջափակված վիճակում:
