https://arm.sputniknews.ru/20250111/vuchichy-hajtararel-e-vor-adrbejany-dadarecrel-e-gazamatakararumy-84703223.html
Վուչիչը հայտարարել է, որ Ադրբեջանը դադարեցրել է գազամատակարարումը
Վուչիչը հայտարարել է, որ Ադրբեջանը դադարեցրել է գազամատակարարումը
Sputnik Արմենիա
Սերբիայում էներգառեսուրսների պաշարները բավարար են ընթացիկ ձմեռը հաղթահարելու համար։ 11.01.2025, Sputnik Արմենիա
2025-01-11T18:05+0400
2025-01-11T18:05+0400
2025-01-11T18:06+0400
սերբիա
ալեքսանդր վուչիչ
գազ
ադրբեջան
https://cdn.am.sputniknews.ru/img/07e6/05/0f/42068836_0:18:1600:918_1920x0_80_0_0_bf2ae8877cadcfc1cb74c9485057bf27.jpg
ԵՐԵՎԱՆ, 11 հունվարի – Sputnik. Ադրբեջանը Սերբիային տեղեկացրել է, որը Շահ Դենիզ հանքավայրում խնդիրների պատճառով ստիպված է դադարեցնել օրական 1,7 մլն խմ ծավալով գազի մատակարարումը։ Ինչպես տեղեկացնում է ՌԻԱ Նովոստին, այս մասին հայտնել Է Սերբիայի նախագահ Ալեքսանդր Վուչիչը։Նախագահն ընդգծել է, որ Սերբիայում էներգառեսուրսների պաշարները բավարար են ընթացիկ ձմեռը հաղթահարելու համար, սակայն հույս է հայտնել, որ ադրբեջանական մատակարարումները շուտով կվերականգնվեն:«Մենք բավականաչափ գազ ունենք երկիրն ապահովելու համար։ Եթե, իհարկե, ինչ-որ երրորդ դժբախտություն չպատահի։ Հույս ունեմ, որ ադրբեջանցիները կկարողանան խնդիրը լուծել մեկ-երկու ամսում։ Իսկ եթե դա ձգձգվի, մենք ստիպված կլինենք առաջիկա չորս ամիսների ընթացքում ընթացիկ ծախսին ավելացնել օրական 2-3 մլն խմ գազ։ Ձմռանը սպառումը միշտ ավելի բարձր է, բայց գազի և նավթի պակաս չի լինի»,- հավաստիացրել է Վուչիչը։2024 թվականի դեկտեմբերի վերջին Ադրբեջանի արտգործնախարար Ջեյհուն Բայրամովի հետ բանակցություններից հետո Վուչիչը խոսել էր Նիշ քաղաքի մոտ գազային էլեկտրակայանի կառուցման համատեղ ծրագրի կարևորության մասին, որը էլեկտրաէներգիայի լրացուցիչ աղբյուր կապահովի։ Սերբիայի արտգործնախարար Մարկո Ջուրիչն էլ հայտարարել էր, որ Բաքվի հետ համագործակցության շնորհիվ երկրի էներգետիկ անվտանգությունը զգալիորեն ամրապնդվել է հատկապես ստեղծված անկայուն պայմաններում:Զախարովան Մերձդնեստրի գազամատակարարման արգելափակումն անվանել է հալածանք և նեոնացիզմ
սերբիա
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
սերբիա, ալեքսանդր վուչիչ, գազ, ադրբեջան
սերբիա, ալեքսանդր վուչիչ, գազ, ադրբեջան
Վուչիչը հայտարարել է, որ Ադրբեջանը դադարեցրել է գազամատակարարումը
18:05 11.01.2025 (Թարմացված է: 18:06 11.01.2025) Սերբիայում էներգառեսուրսների պաշարները բավարար են ընթացիկ ձմեռը հաղթահարելու համար։
ԵՐԵՎԱՆ, 11 հունվարի – Sputnik. Ադրբեջանը Սերբիային տեղեկացրել է, որը Շահ Դենիզ հանքավայրում խնդիրների պատճառով ստիպված է դադարեցնել օրական 1,7 մլն խմ ծավալով գազի մատակարարումը։ Ինչպես տեղեկացնում է
ՌԻԱ Նովոստին, այս մասին հայտնել Է Սերբիայի նախագահ Ալեքսանդր Վուչիչը։
«Ինչպես ասում են, վատ լուրը հազվադեպ է մենակ գալիս, հաջորդում է երկրորդը, հետո՝ երրորդը։ Մեր ադրբեջանցի եղբայրներից և ընկերներից ծանուցում ենք ստացել, որ Շահ Դենիզ հանքավայրում անհաղթահարելի դժվարությունների պատճառով օրական 1,7 մլն խմ գազի մատակարարումն այսօրվանից դադարեցվել է: Հաղորդագրության մեջ ասվում է` վստահություն և հստակություն չկա, թե որքան ժամանակ կպահանջվի մատակարարումների վերականգնման համար: Ես սա կթարգմանեմ սերբերեն մեր ժողովրդի համար. դա նշանակում է, որ այսօրվանից մենք կսկսենք ավելի ակտիվորեն ծախսել սեփական պահուստները»,- հայտարարել է Վուչիչը մամուլի ասուլիսի ժամանակ։
Նախագահն ընդգծել է, որ Սերբիայում էներգառեսուրսների պաշարները բավարար են ընթացիկ ձմեռը հաղթահարելու համար, սակայն հույս է հայտնել, որ ադրբեջանական մատակարարումները շուտով կվերականգնվեն:
«Մենք բավականաչափ գազ ունենք երկիրն ապահովելու համար։ Եթե, իհարկե, ինչ-որ երրորդ դժբախտություն չպատահի։ Հույս ունեմ, որ ադրբեջանցիները կկարողանան խնդիրը լուծել մեկ-երկու ամսում։ Իսկ եթե դա ձգձգվի, մենք ստիպված կլինենք առաջիկա չորս ամիսների ընթացքում ընթացիկ ծախսին ավելացնել օրական 2-3 մլն խմ գազ։ Ձմռանը սպառումը միշտ ավելի բարձր է, բայց գազի և նավթի պակաս չի լինի»,- հավաստիացրել է Վուչիչը։
2024 թվականի դեկտեմբերի վերջին Ադրբեջանի արտգործնախարար Ջեյհուն Բայրամովի հետ բանակցություններից հետո Վուչիչը խոսել էր Նիշ քաղաքի մոտ գազային էլեկտրակայանի կառուցման համատեղ ծրագրի կարևորության մասին, որը էլեկտրաէներգիայի լրացուցիչ աղբյուր կապահովի։ Սերբիայի արտգործնախարար Մարկո Ջուրիչն էլ հայտարարել էր, որ Բաքվի հետ համագործակցության շնորհիվ երկրի էներգետիկ անվտանգությունը զգալիորեն ամրապնդվել է հատկապես ստեղծված անկայուն պայմաններում:
